UN kong thawngpangthar: Laimi caah US sponsor auhnak (Welcomecorps) interview theih herh tete kan van langhter
US sponsor auhnak (Welcomecorps) interview theih herh tete. US Sponsor auhnak (Welcome Corps) a tuah i cohlan asimi hna cu interview an van auh pah cang hna. Hi auhnak ah auhmi lei kam in interview voihnih a um lai. A voikhatnak interview cu RSC Prescreen interview asi. A voihnihnak cu DHS (Lahawahkah) interview asi. A Voikhatnak interview (RSC Prescreen interview) RSC (Resettlement Support Center) cu IRC (Internation Rescue Committee) ruantuannak tang ah a ummi asi i US a kal dingmi hna caah a herhmi a tawlrelpiaktu an si. US lahwahkah (DHS) interview an tuah khawh nak ding caah a hermi (paper work) a tawlreltu le
US kal ding ah cohlan asi cangmi hna caah US nunphung le thutdir ning (US Cultural Orientation Class ) cawnpiaknak le thisit (medical check) tibantuk ah tuanvo latu an si. Mi tampi nih RSC khi UNHCR ah kan rel theo thawn hna. Cun RSC ah Laimi holhlet a tuanmi tete zong khi UN holhlet ah kan ruah tawn hna. UNHCR he zeihmanh pehtlaihnak an nei lo. RSC riatuantu pawl zong khi UN nih thlahlawh a pekmi hna an si lo. UNHCR zung area chung ah innkhaan (office room) a va hlangmi lawng khi an si. Hi Welcome Corps i auhnak zong ah Malaysia lei auhmi pehtlaihnak (contact) a kan tuahtu ding cu RSC hi an si. Hi voikhatnak interview (RSC prescreen interview) ahcun sungh a um lo. A fawinak in chim ahcun RSC nih biakhiahnak nawl an nei lo. Nain a hermi tete tlamtling in kan neih lo ahcun saupi a kan hren khawh ve. Hi a voikhatnak interview ah
a herhmi tete theih chung awk: 1. Kan umnak address (tling tein) le kan chungkhar contact number 2. Kan identity document pawl (Tahchunnak ah: UNHC card, birth certificate, marriage certificate) 3. Autu lei an contact number le address 4. A luancia kum 5 chung kan riantuanmi le kan tuannak hmunhma 5. Malaysia kan um chung ah tlaihkhih thongtlak le camp hna a um balmi kan si ahcun kan thiantlimnak document tete (tahcunnak ah Biaceih zung, Police nih a case a thiang cang timi catlap) A Voihnihnak interview (DHS interview) A voihnihnak interview hi abiapibikmi asi. Hi interview ahcun sungh a um cang. US kal khawh le khawh lo biakhiaktu tu (DHS officer) te hi an si. DHS (Department of Homeland Security) cu USCIS (US Immigration and Citizen Service) aihawh in interview tuahtu le biakhiaktu an asi. Hi interview ahcun auhnak kan tuahmi chung in kan konglam kan tialmi siseh, a voikhatnak (RSC prescreen) interview lio ah kan chimmi vialte kha
an kan hal than lai i hlathlainak an kan tuah lai. Kan tialmi kan chimmi cung ah an mah nih biakhiahnak an tuah lai. Interview a dih le cangka in sungh le awn a kan chim colh lai lo, a thla thla in a rau kho. Kan interview a result hi phun thum in kan thanh khawh: 1. Kan in pom (cohlan) 2. Kan in pom lo (Cohlang lo) 3. Zoh than a hau siloah bia kan khiak kho rih lo Ralzaam sinak in UNHCR nih US kal ding ah a kuatmi hna zong DHS interview ah a sungmi an um lengmang. Cucaah Welcomecorps in auhnak kan tuah zong ah sungh khawh thiamthiam asi ti hi theih cia a herh ngai. Siaherh bia Credit: catialtu CRC zung i US le Australia Embassy lei riantuantu Ceu Mi
Tada-U Raltuknak Vanlawng Bual Missile In An Kahdoh. Vaupi [ April ] 19, 2024. Mandalay ramṭhen, Tada-U peng, SAC raltuknak vanlawng bual cu April 17, zinglei sml 2:00 hrawng ah missile in kan kahdoh tiah Freedom Revolution Force (FRF) nih cathanh an chuah. Chin ramkulh chung bomb a thla pengtu zong hi Tada-U vanlawng bual in a rak kai mi a si. “Vanlawng bual cu missile (15) in kan kah nain 5 hi a puak lo, a thaizing SAC lei nih
zohfel nak an tuah i a puak lo mi missile cu an laak hna, kahdohnak ruang ah raltuknak vanlawng an chiahnak kudong le vanlawng tliknak lam a rawk,” tiah FRF in ṭuanvo ngeitu nih a chim. Hi kong he pehtlai in SAC lei nih official tein thawngthanhnak an tuah mi zeihmanh a um lo nain SAC a ṭanh tu hna nih vanlawng bual kah ding in an chiah mi missile kan laak hna tiah thawng an zamh.
Chin ramkulh,Kanpetlet peng ah SAC nih vanlei in bomb a thlak caah ngakchia telh in tualchungmi 3 hliam an tuar tiah theih a si. April 17 ah khan SAC ralhraang nih Kanpetlet peng chung khuate 3 ah pounds 500 a rit mi bomb hna telh vanlei in bomb a thlak lawng si loin,Machine gun hmangin a kah chih hna. “Chun slm 2 tluk ah Ung khua ah kahdohnak a chuak,kahdohnak a dih bak in vanlei in kahdohnak a rak tuah,bomb a thlak lawng si loin machine gun (Seh meithal) zong in a kah chih caah tualchungmi 3 hliam an tuar.khuami hna hi a hlaankan tein an hrial chung caah
khawnden a tlawm,inn cheukhat zong an rawk” tiah Kanpetlet khuami pakhat nih a chim. SAC nih vanlei in kahdohnak a tuah nak hna hi Kanpetlet peng ,Ung khua,Luisung khua le Kaut-Saung khua hna an si i Luisung khuate in ngakchia 2 le Kaut-Saung khuate in kum upa pakhat hliam an tuar.cu leng ah Ung khute i sianginn pakhat,Zung riantuan hna umnak inn 2,khuami inn 2 an rawk. Ung khua,Luisung khua le Kautsaung khua hna ah hin kahdohnak pehtlai in a chuah rih caah khuami 300 tluk hna cu khua ah kir ngam loin ral an zam lio hna tiah theih a si.
SAC ralkap nih Hpakant peng, Loi Hseng camp an zaam taak; KIA nih motor pahnih phor kuanzen an laak April 18 || alkap nih an zaam taak mi Loi Hseng khuate SAC camp cu KIA nih rallam sial in an va kal hnawh i hriam ngan kuanzen tampi an laak tiah theih a si. Loi Hseng khua Tower bo SAC camp cu April 17 zinglei ah SAC ralkap nih an zaam taak i Kamine Byuha Sakhan ah an i fon. Hriamnam dihlak in an i kalpi nain kuanzen tampi an kal taak. KIA nih
rallam an va sial tik ah kuanzen tampi an laak tiah ramchung media ngan hna nih an tial. “Hriamnam cu a um lo. Kuanzen tampi kan laak. Hriam ngan kuan a phunphun motor pahnih phor kan laak,” tiah KIA thawnghram nih a chim. Hpakant peng chung SAC ralkap camp tampi cu KIA nih an laak khawh cang hna i, a taang mi pawl zong laak ding in an i zuam cuahmah tiah theih a si. Hmanthlak: KIA ralkap cheukhat hmanthlak hlun a si.