CNF/CNA thawngpangthar: Lainu Helping Hands nih CNA nusaltha hna caah thilri tam taktak bak an hlut kan langhter

Lainu Helping Hands CNA, CNF Kan nusal tha hna caah thilri tam taktak an pekchanh,. Nu hna nih nifatin deuh kan herh bik ah aa tel ve mi thil phun thum kan cawkpiak ve khawh hna. (Thil chung hruk ding le hman ding an si caah,an min tete tu cu kan rak langhter ti lai lo) Hmanthlak ahhin vun zoh ve cio khawh si. 1.Thoh 550 2.Zuun 102 le

3.Zuun 250 tiin cawkpiak an si. Hi kan cawkpiak khawh hna nak ding caah hin,a lamkip ramchung ramleng in, Thlacamnak in siseh Chawva lei le Thazaang in ram caah tiah bawmtu hna nan zaa te cungah, kan i lawm tuk. BAWIPA tu nih nan umnak hmunkip cio ah,himnak he in umpi cio ko hna seh. CNF/CNA caah biatak tein thazaang chuah chin hna usih.

Vice President H.Van Thio Inn Duty an kah thi.. Army Court Inquiry စသုံးလုံး nih an tuah cang April 15, 2024 zaan Suimilam 9:20 Pm hrawng ah Nyphydaw, Parliament Hluatdaw pawng um Myanmar Vice President tuan lio Pu.Henry Van Thio le an chungkhar umnak Cozah Quarter Inn pawng te’ah Police Duty pawl pahnih karlakah i kahnak a chuak ca’ah Palik Pathum an thi pinah a dang zeimawzet hliamhma an tuar ti’ah theih asi.Nyphydaw Kawl Titawih Puai(ရေလောင်းပွဲ) an tuahnak Home Ministry Mandat Duty Gate No.4 zawnah Patrolling group-8 ah a duty mi Police Constable Pain Soe Oo(Zu ri)le Gate No-4 Duty hruaitu Sergeant Myo Niang Oo karlak ah i sik vuaknak a chuak ca’ah,Duty phu-hnih karlak an buai ca’ah

Constable Pain Soe Oo nih Sergeant Myo Niang Oo cu M-16 Meithal in a kahnak ah Pu.Henry Van Thio te Inn pawng Duty ve Palik Constable San Myint Htet cu teng lak in a kah chih ve.Cun,M-16 kuan Magazines dih lak te’in a kah ca’ah Palik dang zeimawzet zong hliam an tuar ti’ah theih asi.amah Pain Soe Oo zong a kap thi cawlh ve. Cuca’ah, Nyphydaw Home Ministry Zungpi le Myanmar Vice President Quarters Pu. Henry Van Thio te chungkhar umnak hmun zawnah buainak a chuak ca’ah Deputy Commissioner of Police, Nyphydaw le Special Investigations Team(စသုံးလုံး)pawl nih PDF le Mi dang an i tel maw/tel lo? ti Army Court tangah hlethlai nak an tuah cang i,Pu.Van Thio te chungkhar zong biahal nak an nei te kho men ti’ah an chim. Hi kong he pehtlaihin,Nyphydaw Palik bawi telhin mi-5 hnak tam an tlaih cang hna.Hi an i kahnak hmun le Pu. Van Thio te Inn pawng hrawng cu

Home Minister Lt.General Ya Pih, Police Chief Lt.General le Intelligent Bawi Upa pawl April 17 ah kal in hlethlai nak zong an tuah fawn. Ttah lakah-Nihchuak an ti bang, kan Unau Pa Kachin Baptist Convention Chairman hlun le Senior Patron atuan liomi Rev Dr. Hklam Sam -Son cu SAC Ralkap nih Nizaan ah Myitkyina Thonginn in an chuah hnu Suimilam 24 hours hlanah, amah umnak Innpi ah Zaan Suimilam 10:00 to 12:00 karlak ah SAC Ralkap phu hnih 30+ 50 ti’in an ra i, a Nupi pinah PAC hruaitu-1 zong Myitkyina Police Guesthouse ah an hren tha’n hna ti’ah thawngpang theih asi hoi ai. Ttah lakah-Nihchuak kan si ko hih Kawl baw.

CYMA Nih An Hmunram Chung I Chin Hrinsor Ralzaam Nih Zulhding Phung 8 Chuah. 2024 Vuapi 18: Central Young Mizo Association nih cun an ramchung i Chin hrinsor ralzaam hna nih zulh dingmi le theih dingmi phung 8 cu 2024 Vaupi 18 ah an thanh. Cu an thanhmi cu a tanglei bantuk hna hi an si. 1. Mizo ramchung ah Myanmar, Bangladesh le Manipur Chin hrinfa unau nunhimnak kawl in a rak lutmi hna nih Mizoram an um chung ah ram phung le khuatlang lairelnak an zulh ding a si. Ram le khuatlang duh lo ning in an um ding a si lo. 2. Ralzaam hna hi cozah le khuatlang duhlo chawlehnak le rithasii he an i pehtlaih ding a si lo. Khuaram caah tha te’n khuasak ding. 3. Ralzaam hna nih cozah theihpinak le

siannak tello cun ram le inn an ngeih khawh lo caah , hi bantukin ram le inn ngeih aa timmi an um ah cun YMA nih theihpinak ca a țial piak kho hna lai lo. 4. Inn le dawr hlaan kongkau ah mi nih hlaan lio mi nak man tam deuh in hlaan lo ding. 5. Myanmar le Bangladesh in ralzaam a rak lutmi hna hi India ram misa an si lo caah , India khuaram mi lawng nih ngeih khawhmi – Voter ID, Aadhaar Card, Birth Certificate, Tribal Certificate , Residential Certificate, Driving License, Vehicle Registration etc. ngeih timh in hmalak an timh ding a si lo. 6. Phung nih a onh lo mi chawlehnak le

rithaisii dohnak ah a si khawhchung in cozah le khuatlang an țuanpi ding a si. 7. Ralzaam hna hi ralzaam an si bantukin an duhnak hmun paoh ah i țhialkam lo dingin , an umnak hmunte ah um peng dingin duhpiak an si. 8. Branch/Group le Sub Headquarters YMA hna nih mahle ramchung cio ah ralzaam dirhmun kherhlai in , zohthlir dingin ruahchan a si. Kan unau hna an si bantukin bawmhchanh an hauh ah cun bawmhchanh ding an si, tiah Center Young Mizo Association nih cathanh an chuah.