Jacob R Thang: Chin Lih Brotherhood pawl KHAAK” Le ” CIL” Bang Chak Nan si Hlan ah Rak kir Cang uh.
Jacob R Thang: ” KHAAK” Le ” CIL” Bang Chak Nan si Hlan ah Rak kir Cang uh. Cil cu kaa chung ah a um ahcun a hmawn Tu nawl asi. India phungthluk ah “CIL” Cu Na Chak Cang hnu cu Lak tthan a ngah ti lo” Tiah an ti. A sinain CIL cu chak lo in dolh khawh asi ii CIL cu pum ngandam nak caah zong ah a tha. Khak cu duhzong duh lo zongah Chak bak a hau. Khak a dolh mi hi cu Mi Awrkhu, mihrut, zeipaoh a ei mi asi hnga. ICNCC chan lio ah khan ZRA le MDF cu CNDF nih Khak tiah a ti hna. A Chak hna dan hmanh a piin taktak. Cu caah CJDC le ICNCC nih Fa Damiah, Tapung, lairawi hmang tiah an Statement ah
an chuah hna. cuticun NLD fa firkhu Lianluai te nih CNA/ F cu CIL phun in a chak hna. Asi nain CDFs zeimawh zah nih an hun zulh dawi i CC a hung chuak, lak tthan ding ah le a si thiam ti lo tik ah An i tar tahak i an vansan tuknah a zoh tu in an zoh. CNDF nih ” KHAK” Tiah a rak Chak mi hna ZRA sin ah Training a tuah, MDF he Unau thi ding Tti kan si tiah caa a chuah. Cucu nih a sawh mi cu, Chak cia mi khak a ei tthan mi, Chak cia mi CIL a dolh tthan mi le
Luak ciami a ei tthan tu U** tinak a si hnga. A si Nain Chinland Mipi le Nan Vansan tuk lio, Dawr nak in ah nan hman mi, ihnak le Einak ah nan hman i nan thinlung nan i daih nak Inn CNA/F nih cun Lungsau thinfual tein an hngah zungzal hna. Chin mipi thinlung in Khak bang in chak nan si hlan ah Nan tlau nak in rak kir cang uh.. Fapa Tlau pa a pa nih a ngah le a lawmh bang nanmah lawmh awk le hngaar awk ah CC nih an hngah hna… Nan Tlau nak in Rak kir cang..
Hpakanh ah KIA nih SAC Ralbawi Major Pahnih le Captain Pahnih Tel in Tampi an Tlaih Hna. April 13 ll Kachin ramkulh, Hpakanh peng chung kahdohnak ah KIA nih SAC ralbawi Major pahnih le Captain pahnih tel in an kut tang ralkap pawl an tlaih hnanak video cu KIA he aa pehtlai mi Telegram Channel ah
an langhter. Atu an tar mi video i SAC ralkap pawl hi February thla chung ah KIA nih an rak laak mi Hpakanh SAC ralkap sakhaan ah an tlaih mi hna an si. Hi an tlaih mi hna lak ah hin Major rank a si mi ralbawi pahnih le Captain rank a si mi pahnih zong an i tel, tiah theih a si.
Malaysia thilcang cu thin le lung nih a celh lo April 14 Hakha peng Malsawm khua mi Peter kum 7 cu April 14 malaysia caan sml 3 PM ah kanmah Chinmi tlangval pakhat pa nih a thah.Mah ngakchia te cu thilak in a hrom/hnawg a dih.A hrom a dihnak cu hmannthlak ka taarmi ah khin a lang ko. Mah Peter hi a u le a nu he lawng ti in malaysia ah khuasa mi an si, nuhmei an si. Mithah tupa hi Peter te umnak kam Innkhan a hlang ve mi si i, zeiruang ah
hi ngakchia kum 7 hi a thah timi an thei rih lo. Mah mithat pa cu tuhi a zaam i palek nih an kawl lio tiah kan theih. Malaysia ah Chinmi mino tampi an zaam an phan hna i an cian ngai hna, zu an ri i a poituk ko e tiah malay lei Chin upa zeimaw hna sinin kan theih. Note, mithat tu pa min le khua hi fiangte in kan vun thei kho rih lo.
Tedim Ah SAC Ralkap Tlakter Ding Ah Mino A Khawmtu Immigration Zungukbawi An Tlaih || 14 April 2024 Chinram, Tedim khuapi chung ah SAC nih phung an chuah mi zul in ralkap tlakter ding ah mino a khawmtu Immigration zungukbawi U Moe Thu(59) cu nihin April 14 zing ah an tlaih kong PDF-Zoland nih an thanh. A luancia March 25 ni zong ah PDF-Zoland nih Tedim khuapi chung ah ralkap tlakter ding ah mino a khawmtu SAC kuttang rianṭuan minung 5 an rak tlaih cang hna.
CDF-Matupi Battalion Pali Cu I Fonh In Brigade-2 An Dirh || 14 April 2024 Chinram thlanglei, Matupi peng ah hramhbunh mi CDF-Matupi nih a voi thumnak Conference cu a luancia February 23-25 tiang Matupi peng Department kip, dohthlennak ah thazaang a chuahtu mizapi le Battalion kip in hruaitu hna he an tuah i, Battalion-2, Battalion-3, Battalion-4 le Battalion-6 cu i fonh in Brigade-2 in an dir kong nihin April 14 ah CDF-Matupi Brigade-2 nih
an thanh. CDF-Matupi Brigade-2 dirh a si hnu ah CDF-Matupi Brigade-2 nih April 10-11 ah a voi khatnak Conference tuah in Brigade-2 nih aa tinh mi le phunghrampi suaisamnak an ngeih kong an thanh chih. Matupi peng khua 63 a um mi ah CDF-Matupi Brigade-2 nih a uk mi khua 43 a si, CDF-Matupi Brigade-2 he ramkhel lei ah duhnak aa khat mi khua 50 leng an um i mizapi nih thim mi a dik mi ramkhel cu mizapi he ralṭha ngaiin kan kalpi lai, tiah CDF-Matupi Brigade-2 nih an thanh mi ah an langhter. Kamkhat lei ah CDF-Matupi Battalion-1 le Battalion-5 cu Brigade-1 in an dir ve i Chin hriamtlai phu unau sin ah i fonh ve, tiah theih a si.