Jacob R Thang: Damiah MDF le AA nih Mizoram Driver an Velh!! MDF le AA hi Social destruction phor Tu an si.
Jacob R Thang: Damiah MDF le AA nih Mizoram Driver an Velh!! Social destruction phor Tu an si. Dawtnak nain huatnak chuahpi an I zuam. Hihi Mizoram Ching thik cang si loin Kawlram Mara ram lei thik cang asi. Driver hi Kawleam lei tiang thlah ding in anmah Mara minih an hlan,, asi nain Lam kalning phung i dan ruangah Mizo Driver pah nih hin aa palh sual. Ka palh sual tiah a nawl ko hna nain an duh lo. Cu palh nak cu Caantha i lak in
Damiah MDF le AA ralkap nih Mizo Driver pa hi an velh. Hihi Kawlram mipi Mizoram I ralzaam hna caah a poi nvaingai tawn. Zeibantuk leilap hmanh ah Remnak le Dawtnak tuah aa tim lomi heiamtlai le phu kan ram an um ve hi cu a poi ngaingai.. Ralzaam mipi nih nunziadawh le nunzia tha nan ngeih a herh. Cun thil kan palh sual tikzong ah ka palh sual tihi a tha i mizo nih cun a duh. I ngaihthiam khawh nak lam sialtu hmasa bik asi.
Maungdaw Peng Ramri Hngak SAC Ralkap Byuha Sakhan AA Nih An Laak || 7 April 2024 Maungdaw peng, ramri hngak SAC ralkap No.24 Byuha sakhan cu Rakhine ralkap AA nih nihin April 7 zinglei ah an laak i SAC ralkap nih Maungdaw le Buthidaung peng ah ralkap thazaang an chap, tiah tualchung mi nih an chim. “No.24 Byuha sakhan cu SAC ralkap le palik nih caan saupi chung an hngah cang mi hmun a si i AA nih April thla thawk ah kah hram an rak thawk i
nihin April 7 ah an laak, hriamnam chiah an fial ko hna nain an duh lo caah an kah hna, SAC ralkap pawl cu Kyeinchaung khua lei ah an zaam,” tiah Maungdaw peng tualchung mi pakhat nih a chim. No.24 Byuha sakhan in a zaam mi SAC ralkap le palik pawl cu Kyeinchaung khua, ramri hngak SAC palik Company 7 sin ah an i fonh, tiah theih a si. A luancia March 11 ni zong ah Maungdaw peng Aungtharpyi ramri hngak pawl nih an hriamnam an chiah duh lo ruang ah
AA nih ran rak kah hna i ramri hngak palik 180 hrawng Bangladesh ram ah an zaam i AA nih hriamnam tam ngai an rak laak. Atu ah cun Maungdaw chaklei Kyeekanpyin ramri hngak Headquaters lawng a taang cang i AA nih an erhkhumh hna, SAC ralkap nih Buthidaung–Maungdaw hmunram ah tilawng hmang in ralkap thazaang an chap ve, tiahntheih a si. “Maungdaw–Buthidaung motor lampi zong AA nih an uk dih cang i SAC lei nih hin vanlawng in kahdohnak an tuah peng ve,” tiah tualchung mi pakhat nih a chim.
Tingannyinaung Byuha Sakhan In SAC Ralkap Le An Chungkhar Minung 617 Nih Hriamnam An Chiah || 6 April 2024 Karen ramkulh, KNU Brigade 6 hmunram Tingannyinaung Byuha sakhan in ralbawi 67, an kuttang ralkap 410 le an chungkhar in SAC kuttang rianṭuan mi 617 nih an hriamnam an chiah kong Central KNU nih nihin April 6 zanlei ah phungning tein an thanh. Tingannyinaung Byuha sakhan cu KNLA le ṭangṭi phu nih
an laak hnu ah nichuah-thlanglei Division Headquaters kuttang um SAC ralbawi 67 le ralkap 410, an zate 477 nih hriamnam an chiah hnu ah nu palik 59 le ralkap chungkhar in minung 81, an zate 140 nih an hriamnam an chiah chap i an zate minung 617 nih an hriamnam an chiah, tiah theih a si. Tingannyinaung Byuha sakhan cu KNLA le ṭangṭi phu nih nizan April 5, zinglei suimilam 8:00 hrawng ah luhhnawh in an kah i chunhnu suimilam 1:00 ah sakhan cu a ningpi in an laak khaw