Thawngpangthar: KNLA pasaltha hna nih SAC Ralhrang Camp an laak, Ralhrang minung 400 bak nih hriam an chiah kan langhter

Thawngpangthar: Myawaddy Peng ah SAC Ralkap le Chungkhar 400 Hrawng nih KNLA Sin ah Hriam an Chiah. April 6 | Karen ramkulh, Myawaddy peng ah SAC ralkap pawl le an chungkhar minung 400 hrawng nih Karen miphun hriamtlai KNLA sin ah hriam an chiah, tiah theih a si.  Myawaddy peng, Thingannyinaung hmunram ah a um mi SAC ralkap sakhaan Kha Ma Ya (355) le Kha Ma Ya (356) cu March 7 ah khan KNLA hruai mi hriamtlai bu hna nih an laak i, a donghnak bik a taang mi Byuhakung (Kha Ma Ya-357) zong KNLA nih nizaan April 5 ah an laak khawh. Thingannyinaung hmunram ah

a donghnak bik a taang mi Byuhakung (Kha Ma Ya-357) cu April 5 zinglei ah KNLA hruai mi hramtlai bu hna nih doh hram an thawk i, SAC ralkap le an chungkhar 400 leng nih chun sml. 1:00 hrawng ah hriam an chiah.  KNLA sin ah hriam a chia mi minung 400 hrawng an um bang in a dang hriam a chia duh lo mi minung 200 hrawng zong an um i, hriam chiah ding in KNLA nih an lemsoi cuahmah hna.  KNLA hruai mi hraimtlai bu hna nih Thingannyinaung SAC ralkap sakhaan in ralhriam phungtling a zaza in an laak, tiah theih a si.

Chinram Lei Ah A Kai Mi SAC Ralkap Motor 7 Cu PDF Ṭangṭi Phu Nih An Kah I A Zate In An Hrawh || 5 April 2024 Magway ramṭhen, Pakokku khuapi in Chinram lei ah a kai mi SAC ralkap motor 7 cu lampi ah rak bawh in kan kah i a ningpi in kan laak dih hnu ah kan khangh, tiah PDF ṭangṭi phu nih an thanh. A luancia March 23 ni thawk in Pakokku khuapi, no.101 Khah-Mah-Yah General Headquaters in a chuak mi SAC ralkap motor 100 leng cu PDF ṭangṭi phu nih nifatin in an kah i, a luancia April 2 ni ah Kamma khuapi a phan mi motor 7 zong kan kah hna, tiah PDF ṭangṭi phu nih

cun an thanh. “Vengtu a tlawm i hnu ah a kal mi riahcaw phur motor pawl cu naih tein kan kah hna, meter 50 hrawng lawng kan i hlat i motor chung um mi SAC ralkap pawl cu an zaam dih hna,” tiah PDF ṭangṭi phu in ṭuanvo ngei Teza nih a chim. PDF ṭangṭi phu nih an kah mi motor 7 chung ah cun Petrol, Diesel, facang le Electric thilri tam ngai a um i PDF ṭangṭi phu nih an laak hnu ah motor cu a zate in an khangh. Ralkap thazaang 700 hrawng nih an zulh mi motor cu Kamma khuapi nitlaklei meng 1 tluk a hlatnak ah an i hreng, tiah theih a si. Cu SAC motor aa zul mi pawl cu a luancia March 27 ni ah

Kamma khuapi pawng ah PDF ṭangṭi phu nih an rak kah, cu lio zong ah motor pakhat an rak hrawh khawh i SAC ralkap nih Kamma khuapi nitlaklei sang an khangh ve caah inn 50 leng a ciamh kong Kamma PDF in ṭuanvo ngei pakhat nih a chim. Cu kahdohnak ah cun NUG kuttang PDF Battalion, tualchung hriamtlai phu(LDF) le Pah-Kah-Phah phu an ṭangṭi, tiah theih a si. Nihin April 5 ah SAC ralkap motor pawl cu Kamma khuapi nitlaklei Pauk peng, Yaepyar khua pawng an phan i Pauk khuapi an lonh ahcun Kyaukhtu khuapi in Chinram thlanglei le Yaw hmunram an lut kho.

Kawkareik Khuapi Zatuak 80 Cu KNLA Ṭangṭi Phu Nih An Uk Cang || 6 April 2024 “Karen ramkulh, Kawkareik khuapi chung ah umhmun a khuar mi SAC ralkap pawl cu KNLA le ṭangṭi phu nih erhkhumh in kan kah hna i khuapi zatuak 80 cu kan uk khawh cang, a taang mi hmun zong pehzulh in kan kah cuahmah,” tiah White Tiger Column in ṭuanvo ngei Lieutenant Kyaw Hein nih a chim. A luancia March 1 ni in April 5 tiang Kawkareik khuapi chung ah kahdohnak a fak i kaphnih in thi le hliam an um kong White Tiger Column in ṭuanvo ngei Lieutenant Kyaw Hein nih cun a chim. “Kawkareik khuachung kahdohnak ruang ah

khuapi chung sang 5 in tualchung mi 20,000 leng cu a himnak hmun kawl in an zaam i, SAC ralkap nih hramhram in inn an khangh pin ah hriamngan an kah peng caah khuachung ah luh ngam a si ti lo, voi khat kangh ah inn 100 duahmah in a kaang tawn, a zate ah inn 500 hrawng a kaang cang,” tiah tualchung mi pakhat nih a chim. Atu lio cu Karen ramkulh chung Myawaddy Thingannyinaung Byuha sakhan, Khah-Lah-Yah 275 le Kawkareik khuapi Khah-Lah-Yah 97, Wawlay hmunram um SAC ralkap le KNLA ṭangṭi phu kar kahdohnak a fak, tiah KNLA ṭangṭi phu nih an thanh.