Jacob R Thang:  Falam CDF asimi CNDF nih voi 38nak Basic Training an dih. Voi 37nak tiang kha cu Hakha, Thantlang le CNF dohnak caah training an dih kan langhter

Jacob R Thang:  Falam CDF asimi CNDF nih voi 38nak Basic Training an dih. Voi 37nak tiang kha cu Hakha, Thantlang le CNF dohnak caah training an dih kan ti lai. MDF, CDF Mindat le CDF Tedim asimi ZFU / PDF zoland zong Hakha Thantlang CNF doh ding ah ziangtin saw kan kom ding ti vek tla an zir hmang.  Tutan Voi 38nak Training ah Hakha Thantlang Dohawknak ding atel pei maw ka rual. Aatello tla asi thei, But Chinland Council donak le

Paletwa zuarnak Training, le AA hawikom in Chinlanh hrawk tum nak Training cu atel hmang.  Hakha Thantlang CNF le Chinland Council nan doh tluk in Falam CDF nih thazang nan chuah i lungthin nan ngeih ahcun Kawl ralkap kan tei nak hna hi a reituk thlang ding karual.

Bhamo–Mandalay Lampi Cung Um SAC Ralkap Sakhan KIA Nih An Laak || 5 April 2024 Kachin ramkulh, Mansi peng, Bhamo–Mandalay lampi Hanhtet khua SAC ralkap sakhan cu KIA nih an laak khawh, tiah KIA thawng laaknak hrampi nih an chim. Nihin April 5, zinglei suimilam 7:00 hrawng ah Mansi peng, Bhamo–Mandalay lampi cung um

Hanhtet khua ah hrambunh in a um mi SAC ralkap pawl cu KIA nih an kah hna i sakhan cu an laak khawh. Kahdohnak ah cun SAC ralkap tam ngai sakhan chuahtak in a zaam, tiah theih a si. KIA nih SAC ralkap sakhan 63 an laak khawh cang i Lwegel khuapi zong a ningpi in an uk khawh cang pinah sakhan dang zong an kah cuahmah, tiah theih a si.

CDF-Zophei Ralkap Hna Ca Ah Ramleng Um Khua Mi Hna Nih Motor Le Motorcycle An Cawkpiak Hna || 5 April 2024 CDF-Zophei Supporting Committee of Global nih CDF-Zophei ralkap hna ca ah tiin a khuakhua in tlang an rak au bantukin ramleng um Zophei tlangthluan khua mi hna nih an ralkap hna hman ding motor le motorcycle an cawkpiak hna. “Motorcycle cawknak ca ah tiin a khuakhua in tlang rak au a si ko nain nulepa hna nih

ruah lo leng in kut nan samh caah motorcycle lawng si lo in kan ralkap hna nih an herh ṭhiam mi motor zong kan rak cawk chih. Kut a samhtu nulepa nih nan kan theihthiam lai ti zong zumhnak kan ngei,” tiah CDF-Zophei Supporting Committee of Global nih an langhter. “Thazaang a rak chuahtu pumpak pakhat cio nan cung ah kan i lawm tuk hringhran, hmailei zong ah khua le ram nih a herhnak paoh ah thazaang chuah khawh le

kutsamh khawh rak i zuam rih ko u,” tiah CDF-Zophei Supporting Committee of Global nih cun an langhter. CDF-Zophei Supporting Committee of Global nih CDF-Zophei ca ah motor le motorcycle an cawkpiak mi hna hi Motor pakhat le Motorcycle 25 a si, tiah ṭuanvo ngeitu nih pakhat nih a chim.

Tonzang Peng, Darkhai Khua Pawng I Kahdohnak Ah CNA Nih ZRA Ralkap Pakhat An Tlaih || 4 April 2024 Chinram chaklei, Tonzang peng, Darkhai khua pawng i kahdohnak ah Chin National Army(CNA) nih ZRA ralkap pakhat cu a hriamnam he an tlaih, tiah theih a si. “Nizan April 3, zinglei suimilam 6:00 hrawng ah khual a tlawng mi CNA ralkap cu Zomi Revolutionary Army(ZRA) nih lampi ah rak bawh in an kah hna hnu ah kaphnih kar kahdohnak a chuak i CNA lei in minung pahnih hliam fak tuk lo an tuar. CNA nih motorcycle 3 an chuh khawh hna i ZRA lei nih

motorcycle 4 an chuh ve hna, ZRA ralkap pakhat tu cu CNA nih a hriamnam he an tlaih,” tiah CNA he naihniam in a um mi pakhat nih The Chin Post ah a chim. Hi kong he pehtlai in CNA lei nih thawngthanhnak an tuah mi a um rih lo. “Media cheukhat nih Darkhai khua pawng kahdohnak ah CNA ralkap 6 an thi tiin an thanh mi cu thawng dik lo a si. Kahdohnak ah kaphnih in a thi mi an um lo i CNA lei tu in minung pahnih hliam fak tuk lo an tuar,” tiah CNA he naihniam in a um mi pakhat nih cun a chim.