Lawmhpi cio hna usih: Salai Lung Thli Tum nih Myanmar Star hlasak zuamnak ah Muidawh Lelen cu pakhatnak laksawk a pek ee

Atulio  Min Aung Hliang nih aanaa ting mi kong a tuat lomi Salai Lungthli Tum tuahmi Myanmar Star hlasak zuamnak ah Tedim nungak muidawh Lelen nih pakhatnak winner a co tiah theih  a si. salai Lungthli tum hi cu a rum ve hrimhrim ko cang Nungak Lelen hi a aw zong a ttha a mui zong ai dawh, Salai Lungthli tum nih Lelen phaisa a pekmi cu

Ting Thong 1000 bak a pek i culawng si loin zei dangdang laksawng zong ka pek chap lai tiah a chim. Cun Lungthlitum nih a peh chapmi cu a rauh hlan ah Myanmar Star Season 2 zong kan thawk tthan lai i, pakhatnak laksawng cu Ting Thongkhat le zangan 1500 a si cang lai tiah a chim. Atutan pakhatnak a hmu mi Lelen cu lawmhpi cio hna usih.  Chin miphun nih hlasak thiam thar kan ngei tinak a si.

ZFU/PDF Zoland Nih Mizapi Hlengtu Tualchung Mi Pakhat An Tlaih. Vaute 23 | 2024 Chin ramkulh, Tedim peng ah Tv. Gin Za Van cu PDF-Zoland min hmangin tualchung mizapi hna sin ah ngunkhuai a khawlh tawn hna caah March 15, 2024 ah ZFU/PDF – Zoland le People’s Police Force ( Zomi )

an tlaih hna tiah ṭuanvo ngeitu hna nih March 24, 2024 ah an langhter. ZFU/PDF- Zoland nih pumpak hlawknak ruat in Tedim peng mizapi ralkap min hmangin tualchung mizapi hna sin ah ngunkhuai khawltu anum ṭhan a si ahcun an cungah a herh ningin dantaknak kan tuah lai tiah an langhter.

USA Senthang miphun nih Thih Dar kan tum. US ram a ummi Dallas, Texas ah High School a kai lio mi Val Van Hrin Cung ( kum 17 ) cu Car Accident in nunnak a liam tiah thawng kan theih.  Khua : phaiphaA Hringtu Nu le Pa : Pu Ni Mawng, Pi Bawi Sung Khrihfa Bu : Texas Chin Baptist Church  Tan tak mi chungkhar le khuami dihlak nan ngeihchiat nak kan in hrawmpi hna. Pathian tu nih in hnem ko hna seh. Ngaihchiat tuarpi bu in, SOUSA

Hakha Innwa Bank Ah A Um Mi SAC Palik Pakhat Cu CDF-Hakha Sin Ah Aa Ap || 23 March 2024 Chinram, Hakha khuapi chung Innwa Bank ah a um mi SAC palik pakhat cu hramhram in nawlngeihnak a la mi SAC ralkap rianṭuannak duh lo in pau dohthlennak ah i tel ve ding in nizan March 22 ah Chinland Defense Force – Hakha sin ah aa ap. Chinland Defense Force-Hakha sin ah CDM tuah in pau dohthlennak ah aa tel mi cu lunglawm tein kan cohlan hna i hriamnam he aa ap mi cu tangka Kyats sing 50 kan pek hna leng ah a himnak hmun an phak tiang ṭuanvo kan laak hna, tiah CDF-Hakha nih

phungning tein an rak thanh cang. SAC ralkap rianṭuannak doh in pau dohthlennak ah CDM in tel a duh mi paoh cu, Chinland Defense Force-Hakha pehtlaih khawh peng kan si i a himnak nan phak tiang ṭuanvo kan i laak hna lai, tiah CDF-Hakha nih an chim. SAC ralkap nih hramhram in nawlngeihnak an laak hnu ah SAC ralkap le palik 40 hrawng cu Chinland Defense Force-Hakha sin ah an i ap cang, tiah theih a si.

CDF-Mindat Nih Mindat–Kyaukhtu Le Mindat–Saw Lampi Phihkhar Chung A Si Kong An Thanh || 23 March 2024 SAC ralkap nih ralkap thazaang chap in, kahdohnak he pehtlai in timhlamhnak an ngeih ruang le ralkap training ngeih an i timh ruang ah Mindat–Kyaukhtu lampi le Mindat–Saw lampi cu thaizing March 24 thawk in phihkhar chung an timh kong CDF-Mindat nih nihin March 23 ah mizapi sin ah theihternak an tuah. Mindat–Kyaukhtu lampi le

Mindat–Saw lampi cu ral ruang ah phihkhar chung a si i CDF-Mindat nih hman a ngah ṭhan cang tiin thawng an thanh hlan chung cu mizapi nih hmang rih hlah u, theihternak tuah mi nawl ngai lo in hramhram in a kal mi cu CDF-Mindat nih ṭuanvo kan in la hrimhrim hna lai lo, tiah Chin Defence Force – Mindat nih mizapi sin ah theihternak an tuah.

Bual Area Palik nih Nicaan Luan Thilri Zuar le Zuar Lo an Zohfel March 23 ll Bual Area Police Inspector Salai Bawi Hmun Lian hruainak in Bualram dawr tuah hna sin ah nicaan luan thilri zuar le zuarlo zohfelnak an tuah, tiah CDF-Thantlang (Bual Area) nih theihternak a tuah.  Bualram chung ah a ngandamnak ca ah a tha mi thilri zuar a si nakhnga le nicaan luan thilri ei sualnak nih a chuahpi mi thil tha lo a um nakhnga lo atu atu bantuk hin

zohfel an tuah hi a si.  Tikir khua in nicaan luan thilri zuar le zuar lo zohfelnak tuah hram an thawk i, Bualram chung khua kip ah pehzul in zohfelnak an ngei lai.  Kan hnu March 2 ah khan Bualram chung ah caanluan thilri zuar lo ding in Bual Area Palik nih mizapi sin ah theihternak an rak tuah cang, tiah kan theih.

Mindat ah SAC nih Vanlawng in Bomb a Thlak Ṭhan, Tualchungmi Pakhat a Thi. March 22 Nihin March 22 zaanlei ah SAC ralkap nih Mindat peng chung ah vanlawng in bomb a thlak ṭhan caah tualchungmi pakhat a thi i, a dang pakhat hliamhma a pu, tiah thawng kan theih.  Nihin zaanlei sml. 5:00 hrawng ah khan Tada-oo in aa thawh mi SAC ralkap vanlawng nih Mindat peng, Circle (1) ah bomb voi 2 a thlak hi a si. Tualchungmi pakhat nih,

“Minung pakhat hi hmakhatte ah a thi colh. A dang pakhat zong hi hliamhma faak ngai a pu,” tiah tualchung thawngzamhnak The Mindat Post ah a chim.  March 15 zong ah khan SAC nih Mindat peng Circle (3) ah vanlawng in bomb a thlak i kum 40 hrawng a si mi nutung pakhat le kum 6 a si mi a fanu an nunnak a liam, tiah theih a si.