Zualko: US ram a ummi kan Lainu Actress muidawh Dawt Tha Sung (Kum 33) nih ruah lo tuk in a kan thih taak ee

PI DAWT THA SUNG (KUM 33)  CEBC-Indianapolis, kan member asimi Pi Dawt Tha Sung ( Kum 33) nih March 17, 2024 ( Sunday Zing 7: 30 AM) ah St. Francis siizung, Indianapolis ah akan liam tak. Amah hi ruah lopi in Pneumonia ai mih I, akal le a cuap tibantuk dam kho loin thla 5 siizung an thlop. Apasal cu

Salai Ange asi, aunu hi Suipi asi.  Bawipa nih chungkhar hna in hnem ko hna seh, nan ngaihchiatnak kan I hrawmpi hna, thla kan in cam piak hna. Chungkhar pehtleihnak : 223-237-0329 ( Anpa),  : 317- 503-5844 ( Suipi le Palung) – A ule Chungkhar lenkainak : 556 Whipporwill way , Greenwood, IN 46142 Zeidang cawlcanghnak cu hnu deuh ah kan in thanh than te hna lai. Khrihfabu aiawh in, John Za Thleng Executive Pastor 317-840-5563 CEBC, Indiana  A mah hi Nu Dawtnak Mitthli i lemcang a rak tuanmi ” Nutha ” kha a si.

Kalay Kahdohnak Ah Mizapi Ralkap 2 Nunnak A Liam, Mizapi Ralkap Nih SAC Ralhrang 148 An Tlaih Hna. Vaute 17 | 2024 March 16, 2024 Sagaing ramtthen, Kalay pengkomh le Chinram ramri kahdohnak ah SAC ralhrang 6 an thi, midang 5 nih hliam an tuar, hriamnam 19 an laak, mizapi ralkap 2 nih ram le miphun caah

nunnak an peek tiah theih a si. Mizapi ralkap ṭangṭi phufonh hna nih Kyaungtaik khua ah umhmun khuarmi SAC ralhrang (27), Pyusawhti (59) le Aungmyintaa khua ah ummi SAC ralhrang (22), Pyusawhti (40) hna cu an tlaihkhih hna tiah ṭuanvo ngeitu hna nih an chim March 16, 2024 Kalay kahdohnak (operation) chungah Kalay PDF in Tv. NangKhuaKhai kum (24) mi nih ram le miphun caah nunnak a peek. A ruak hi a chuah semnak khua ah March 17, zanlei suimilam 3:00 ah vuiliam a si tiah an langhter.

OPEN LETTER TO CDF-THANTLANG. Upat mi CDF-Thantlang hruaitu hna, tu naite ah khan Indo-Myanmar ramri Bawinu Tiva kuang chung i Balu/Thatse(Sand) Archuang Micheu nih an lak tawn mi cu, lak nan rak sian piak hna lo ti thawng a um, hi hi a pawi tuk ding mi le nanmah ca ah hmai lei harnak nan i tuah khawhnak a si ti nan theih fian ka duh ngai. Bia nan khiah mi ah, ngunkhuai CDF-Thantlang sinah pe ding i nan ti mi zong nan palh ti nan fian kan duh chap, Bawinu Tiva hi Myanmar or India Tiva a si loh ca ah, Myanmar side in thetse(Sand) hi an lak loh cun, Archuang mipi le hi ka i Thetse la mi vialte hi control tim ti lo dingin ka’n nawl hna. Cuti si loh cun kan mah Lai hritlai kar ah inhmuh thiam lohnak le, ral bang i hmuhsual nak chuak kho a si ti nan i fian loh cun, a tuartu cu nanmah East Laimi nan si lai. Tu thawkin ngunkhuai(Tax) nan rak hal theu mi le

nan rak vo cher nak hi nan ngawl loh cun, kan duh bia si lo in Cozah sin ah tuante in theihter a si lai i, Lairam NGO bu kip le media ah tlang thanh a si bak lai i, nan caah cun vanchiat a si sual ding khi a si. Mah pahrang ciau in Myanmar pau dohthlennak hi nan doh bantuk in, kan nih India nan unau hna zong nih moral support pin ah Ralzam bomchan le a herh nak kipin kan rak trang ve. Hi bantuk caan tranrual a herh tuk lio i, mah le mah harnak i tuah phunphai i nan cawlcangh a si ah cun, Ramri khua kipah India Ralkap hi chiah ter a har loh ti zong thei bu te in, nan nih zong nih

nan be khiah cia nan withdraw lai ti ah ka zumh. Nan herh nak poh ah Tipi mi Thetse(Sand) hi cu nan lak ve khawh ko, a dih colh ding mi a si loh pin ah lak cawk loh a si ko, a dih colh ding mi zong rak si tuah ning seh law, i chonhbiak nak through in agreement tuah ding a si ko. Cubantuk si trung loh i, meithal ngeih vang i midang harnak tuah piak lei hoih i nan cawlcangh si cun, nan lam pit nang dingin nanmah lila nih lam nan co a si ti i thei uh. Hi ca kuat hi CDF-THANTLANG upa pawl nih a tuan khawhnak i nan rak pehzul khawh i, khat le khat kar ah rem daihnak lam nan kawl zawk loh cun, unau karah i theihthiam lohnak mei ceu kho ding dirhmun a si ca ah, zaangfahnakin a ran khawhnak i rak zohfel dingin ka’n nawl hna. Ram le miphun ca i nan Hawi. (LALCHHUANLIAN LAI) LAWNGTLAI.

Ngaihchiatnak. Farkawn Khua Ah Ralzaam In Aa Dor Mi Pu Tei Hmung Cu Cycle Pahnak In A Nunnak A Liam. Vaute 17 | 2024 Chin ramkulh, Thangtlang khuapi ah khuasa mi Pu Tei Hmung ( Kum 82 ) cu ralhrial in aa dornak Mizoram ramkulh, Farkawn khua ah Cycle nih a pah caah a nunnak a liam, tiah kan theih. “2024, March 16, zan suimilam 6:00 hrawng ah Pu Tei Hmung cu khawmh a kal lio ah Khankawn khuami pa pakhat nih Cycle in

a pah i hliamhma faak ngai a tuar. Champhai sii-inn ah an kalpi i Vaphai khua an lonh ah a nunnak a liam” tiah naihniam pakhat nih Lungmili Post ah a chim. Pu Tei Hmung a phahsual tu pa hi Khankawn khuami a si i, a Cycle mei a ṭhat lo caah atu bantuk in a pahsual hi a si, tiah theih a si. Nunnak liammi Pu Tei Hmung cu Champhai khua ah a ruak chek dingin an kalpi. Cu hnu ah an kirpi ṭhan te lai i Farkawn khua ah vui a si te lai, tiah kan theih.