(Video+) CDF Hakha President nih Hakha um Nungak Cheukhat SAC Ralhrang Sin Ah Nan I Zuarpin Ah Nan Miphun Nan Zuar Chap tiah Video in a chimnak kan langhter

Atang ah video hi zoh. Hakha Nungak Cheukhat SAC Ralhrang Sin Ah Nan I Zuarpin Ah Nan Miphun Nan Zuar Chap. Khah i ralrin cang u Hakha nungak cheu khat pawl nan zia hi fih nung tuk hih Mah le Mah I Zuar leng ah Miphun zong uico Ralhrang sin ah Zuar A hmang mi Hakha Nungak cheu khat Mino tete le Non-CDM tuah mi pawl i ralring cang uh !! Nan fak lai. Salai –Hram Lian. CDF-Hakha President

Ngaihchiatnak Thawng: Chinland Defense Force – Kalay Kabaw Gangaw Battalion 4 hriamtlai a si mi Salai Kyaw Zin Oo cu 2024 March 9 kahdohnak ah ram le miphun caah a nunnak a pek tiah CDF-KKG thawngthanhnak in theih a si. CDF KKG hi kan Chinrawn Kalaymyo lei ah biatak tein ral a doh cuahmah mi an si i

CNA he zong hmunkhat te ah a tthudir mi an si tiah kan theih. Tutan hi Kalaymyo pawngkam tayakung le httuma lei hrawng kahdohnak ah a kan liam taak hi a si. Tantaak mi chungkhar kan in gaihchiatpi hna.

SAC Ramri Congtu Palik 29 Bangladesh ah an Zaam Ṭhan . March 11 || Rakhine ramkulh ah SAC ramri congtu palik rian a ṭuan mi minung 29 cu nihin March 11 ah Bangladesh ram ah meithal he an zaam, tiah Dhaka Tribune nih a ṭial. Hi SAC palik 29 hi Myanmar-Bangladesh ramri ah ni zeimawzat an rak i thup cang i, eidin tirawl ngeih ti lo in ṭaamhal in an um hnu ah Bangladesh ram ah an rak luh hi a si, tiah Dhaka Tribune nih a langhter.  Bangladesh ah

a lut mi SAC ramri congtu palik 29 cu dum pakhat chung ah Bangladesh ralkap nih an chiah chung hna i, hmun dang ah ṭhial an timh hna. November 2023 thawk in a cang mi Rakhine le Chinram chung kahdohnak ruang ah India le Bangladesh ram lei ah a zaam mi SAC ralkap hi milu 500 leng an si cang, tiah theih a si.

KIA Nih Laiza Khuapi Pawng Naungyasin Khambum Tlang SAC Ralkap Sakhan Pakhat An Laak Chap || 11 March 2024 Kachin ramkulh, KIO General Headquater Laiza khuapi pawng Naungyasin Khambum tlang SAC Ralkap sakhan pakhat cu KIA hruai mi ṭangṭi phu nih nizan March 10 ah an laak khawh, tiah KIA Information Center in ṭuanvo ngei Colonel Nawbu nih a chim. “Khayabum tlang sakhan he aa peh mi Naungyasin Khambum tlang SAC ralkap sakhan

laak chap a si. Cu sakhan cu ralbawi an umnak a si i ni thum chung ah sakhan fa deuh mi le sakhan ngan deuh mi tiin SAC ralkap sakhan 20 hrawng kan laak khawh cang,” tiah Colonel Nawbu nih cun a chim. Atu hrawng cu Kachin ramkulh chung ah SAC ralkap le KIA kar kahdohnak a fak i atu nak let in kahdohnak a fak kho mi a si, tiah KIA Information Center in ṭuanvo ngeitu nih cun a chim.

ULA/AA Nih East Lairam Paletwa Ah Ukhruainak Lei Kalpi Timhmi Cu A Dikmi Lam A Si Lo Tiah Chinland Cozah Chief Minister Nih Chim , 2024 Vaute 11: Chinram Thlanglei, Paletwa peng cu Arakan Army (AA) zalonnak hmun i a um caah ukhruainak lei kalpi an timhmi cu a dikmi lamthluan a si lo tiah Chinland Cozah Chief Minister Pu Pa Thang nih a chim. ‘ AA nih East Lairam Paletwa peng ah ukhruainak lei kalpi an timhmi hi a dikmi lamthluan a si lo, hihi tlangcung mi pakhat le

pakhat kar ah i lungfahnak a chuahter te lai, hihi an tuah lo ah a tha bik, asinain tuanpi i chim cia bang ramkhel i tonnak lam in kal hmasa a si lai’ tiah Chinland Cozah Chief Minister nih a chim. Paletwa kongkau he pehtlai in Arakan Army AA/ULA le Chinland Council, Chinland cozah i ceihhmainak lamthluan in pehzulh ding a um tiah Chinland cozah Chief Minister nih a chim. Paletwa ah miphun tam nih aa rem an ti ah

hun humhimnak, thanchonak, ukhruainak lei kan kalpi lai tiah Arakan Army AA nih Vaute 4 thawngfianhnak ah an chim. Paletwa peng cu humhimnak, remdaihnak hna he ULA/AA uknak tangah chiah rih a si ko lai tiah ULA/AA chimnak nawlngeitu tu U Khaing Thu Kha nih thawngfianhnak ah cun a chim. Arakan Army (AA) nih hin 1027 ralthawhnak ah Paletwa pengchung i ralhraang riahbuk hna cu pakhat hnu pakhat an doh i an laak i, 2024 Tangkhawng 14 ah ralhraang Battalion le an riahbuk dihlak pakhat zong tang sual lo in an laak dih i, ukbeh an i tim.