(Video+) AA Rakhine ralkap hna nih SAC Ralhrang Camp an laak lio Video an langhter colh
Atang ah Video a um; AA ralkap hna nih Rakhine ram Ponnagyun tikulh khuapi Um SAC Ralhrang IB 550 Sakhaan Chung In AA Nih Hriam Tampi An Lak. The Chinland Post | 2024 March 7 – Rakhine ram, Ponnagyun khua um SAC sakhaan a hnu bik a tang mi IB 550 cu AA nih an kah i an lak khawh hnu ah sakhaan chung in hriam tampi an lak khawh tiah theih a si. Atang ah hin Video cu kan chiah chih
SAC Hriamngan Ruang Ah CDF-KKG Hriamtlai 1 A Nunnak A Liam.2024 March 7 — Sagaing ramṭhen, Kalay peng chaklei um, Segyi khua pawng ah SAC ralkap nih an kah mi hriamngan nih CDF-KKG hriamtlai 1 a khen caah a nunnak a liam tiah theih a si. A luancia March 5 ah Segyi khua pawng um CDF-KKG hriamtlai pawl nih
hmunhma an khuarnak ah SAC ralkap hriamngan a tla i a puah caah CDF-KKG hriamtlai Suan Sian Khai (kum 26) a nunnak a liam i adang hriamtlai 1 zong aa hliam tiah theih a si. “Vanchiat ah kuan khamnak an i ser mi a khen. A hlan zong ah Segyi khua ah Drone in bom atu le atu an thlak lengmang” tiah CDF-KKG chungtel 1 nih Zalen ah a chim. A nunnak a liam mi Suan Sian Khai ruak cu March 6 ah a chuahsemnak khua ah an vui tiah theih a si.
Zasang Cinzah: Tulio Chin politics dirhmun a von fianter kho ngaimi pakhat cu, Laimi kan tappi ah kan lungthu hi a si rua ka ti. Lungthu pakhat hi CNF/A le supporting pawl, Lungthu 2nk ah MPs pawl, Lungthu 3nk hi CDFs le supporting pawl. Lungthu 3 an dirti i, Min Aung Hlaing chumhnak ding caah, bel nganpi, Chinland Council an doh. Bel hi CC tiah min pek khawh a si hnga. Bel nih a rian tthate in a ttuan khawhnak ding caahcun a dohtu lungthu pathum hi
anmah le an zawn cio ah an biapi. Lungthu pakhat a pawng ahcun, bel hi thate in a tthu thiam lai lo. Bel cu lungthu 3 nih an doh phawt. Bel ah ti zong a um rih lo. A tanglei in mei zong an kau rih lo. Mah lio ahcun, lungthu pakhat dirpituk lei in, pakhat deuh kha, a um a herh ti lo. Training zong thate in na kai lo. A sin zong ah phaisa tho ti hlah u tbk in a nam. Tlukter aa zuam. Cubantuk politics cun, zeitin, bel cu thate in a tthut khawh lai i,
Min Aung Hlaing cu a chumh khawh lai? Mizapi ei awktlak ti-rawl chuahternak ding caahcun, Lungthu 3 hi anmah le an zawn cio ah an biapi. Bel zong a biapi. Anmah le sining cio tein, an cawlcang i, an sining an fawnh in an ttangti tikah, result ttha a chuak kho lai. Anmah le sining cio thate in recognized ituah piak in, an thazaang cio thate in funtawmh in an ttangtti thiam hi an tthawnnak bik a si lai tiah ka hmuh ko.