(Video+) US ram Indiana Falam khrihfabu Senior Pastor Rev. Dr. Ci Lian Kap nih SAC le peng dang miphun dang kan doh hna lai ti bak in bia a chimnak Video kan langhter

Atang ah Video a um: FBCI US Indiana Falam khrihfabu Senior Pastor Rev. Dr. Ci Kap biachim hi tih nung ngaingai e. Bochan mi pastor pakhat nih hibantuk bia a chim hi cu lung a tha lo ngai. CDF le CNA nih CNDF kan kah hna lai i kan uk hna lai timi bia an chim nak le an tialnak an hmun ah cun rak chuahpi hna seh. Zeitik hmanh ah uk zong an timh hna lo i kah ding zong khua an khang bal lo. Remnak serding ah an sawmpeng hna nain an duh maw an tong duh bal hna maw? A chim mi ah kawl ralhrang cu kan doh lai i kan pawngkam mipi ngeih tammi le hriamnam tam an ngeih caah

ning hngalnak a um cu caah hnu kan i tawn lai lo kan doh hna lai a ti bak ko. Tih nung taktak e. Cu ti lawmmam in raldoh an duh ah hmaizarh ah ralhrang doh hmasa hna sehlaw an tei hnu ah CNA CDF cu doh hramthawk hna sehlaw Okey si ko cuta. A hram thawk deuh i a chim mi ah CNDF ralkap thong10 kan siter lai. A tu hmanh ah traning dih cia thongkhat leng an um nain hriamnam kan pek khawh hna lo ruangah an um sawsawh men a ti.  A bia ning chim ah cun Zophei CDF khi traning dihcia 1500 leng an um. Hiramnam kan pek khawh hna lo ruangah an um sawh dih ko cuta. Hriamnam pek khawh cu

kan duh maw? Duh tuk ta kan thazaang nih a phan fam lo cuta.  Bochan mi pastor te nih cun online tlang tal ah cun zeitn dah kan i rualrem khawh lai timi bia tal hi an ka phahle tal in an chim ding a si. An mah ko pei an zual hi. Hakha TT lei pastor nih kan u nau dang pawl doh kalh nak le ral nak bia an chim mi a um ah cun van chuahpi uh. A remh lei timh lo in a hrawh lei kam le lungrual lo nak lei in kan pa le nih nan kan aupi ko rih ah cun chinram khi ralhrang kut ah up lawlaw si ko lo maw? Khua fak deuh in ruat deuh hnik uh. Credit: Lai Kam Thang

Salai Ceu Bik Thawng: Zangfah tein MDF tiin ttial usih__ Mara tiin pengtlang min thlirpiak hlah usih. Hriamtlaibu buainak asi miphun/pentlang buainak a si lo.  Cun, hi kan buainak ahram hi AA a si. Kan ram ah an um i an tthawn caah zei an kan rello i kanmah le kanmah buainak a kan ser hnawhmi a si. MDF hi cu a pehpar an si. Adang zong an chuak len rih kho.  Cucaah aho sinah dah lungfah awk a si ti thei usih law hriamnam tthawn kan herh (nehsawhmi si nakin luat a herh) timi

kha ifiang chinchin ko hna usih. Online ah faktuk in catial le a phi hawl timh zong hi tampi a bawm lai ka zum lo [MDF kong asiloah pengtlang kong si loin AA kut in zeitin kan iven lai ti hna ceih ah a tha deuh hnga]. Lungfah lung cio si caah theihthiam si ko nain. Tuanvo ngeitu nih an tawlrel ko lai. Kan tuah ding tu tuah ko hna usih.

Senthang Funtomnak Dirkamhnak: No. 7/2024: 2024 February 24 1. Chinland Council tlangtlaknak in 2024 February 16-17 ah Senthang peng funtomnak tuahmi le Senthang zatlang uknak caah Senthang Central Council le runvennak caah Senthang Revolution Force tiah Senthang Mizapi Tonpumhnak nih a thar in ser than mi cu CDF-Hakha Central Council nih kan lawmhpi hna i upatnak kan pek.  2. CDF-Hakha cu hriamtlaih dothlennak caah 2021 March 21 in thokmi a si i Mie peng, Senthang peng, Zokhua peng le Hakha khuapi tiin aa funtommi bu a rak si. Hakha khuapi cu Chinram khualipi a si i Chinland ah ral ngan bik umnak a si caah tiin Hakha khuapi he vawleiram aa pehmi hna cu raltu ti ding in funtom a rak si. Raltuknak caah

aa funtommi kan si bantukin CJDC chan tiang ahcun pakhat in kan kal. Asinain Chinland huap in ramkhel kong funtomnak a um ahcun Senthang peng cu a dang tein dir ding in timhtuah a rak si i cu bantuk a um ahcun Senthang mizapi duhthimnak upatnak pek ding in CDF-Hakha Central Council i a voi (2)nak Conference ah biachahnak (5/2023) zong tuah a si. 3. Raltuknak le ramkhel lei hmualngei tein tuah khawhnak caah 2023 December 9 ah Chinland Council ser a hung si i 2023 December 14-16 ah CJDC zong hrawh a si cang caah Chinand Council ah Senthang Council chungtel si khawhnak sok a si. Asinain a dang tein a dirmi Senthang Local Council zong a um ve tikah a voi (2)nak Chinland Council meeting nih

Senthang Council cu caankarlak cohlan sisehlaw thla khat chungah Senthang funtomnak tuah siseh, tiah biachahnak a tuah. Cu biachahnak bantuk cun funtomnak tlamtling tein tuah a si cang. 4. Cucaah 2024 February 20-23 tiang tuahmi CDF-Hakha Central Council meeting ah Senthang funtomnak cu lunglawm tein cohlannak, CDF-Hakha Central Council Phunghram ah Senthang Council le Brigade-2 (Senthang) hnawhnak, kan sin an um lio i an ngeihmi tangka, thilri le hriamnam vialte kalpi ding, tiah biachahnak (CCC/2024 – 3) tuah a si. 5. Senthang Central Council le Senthang Revolution Force cu kan ram le miphun luatnak caah Pathian nih lamhruai hna sehlaw mizapi nih dirkamh hna usih tiah kan in sawm hna. CDF-Hakha Central Council

Lailenpi Hngaktu Chin Ralkap 4 Cu MDF le AA Kut in An Nunnak A Liam || 24 February 2024 Lailenpi hngaktu Chin ralkap hna cu MDF le AA nih February 23, 2024 ah an kah hna i, CNA ralkap 4 an nunnak a liam, tiah kan theih. CNA ralkap 4 thihnak kong ah CNA lei phone in pehtlaihnak kan tuah hna nain

phone line a lut kho lo, thawngfiang deuh hlat cuahmah lio a si. A luancia January 24, 2024 zong ah Lailenpi hngaktu CNA le CDF Mara cu MDF nih an rak kah hna i, CNA in Corporal pakhat le CDF Mara in Company Commander pakhat hna cu an nunnak a rak liam. Atutan nunnak a liam mi he Lailenpi hngaktu Chin ralkap 6 nunnak a liam cang.