Zualko: Denmark ram a ummi Pi Ma Aye (Sarah Nu) nih ruah lo tuk in a kan thih taak ee

Ngaihchiatnak: Denmark ah hin Laimi hi 1600 tluk kan um. Mitlawmte kan si hna caah unau ttafar rualbang kan idaw hna i, aa tlaihchan ngaingai in kan um hna  Nihin cu kan i ruah lo tuk in, thihnak Dar ahung ring ai ko. Kanlau i kan ar ko. Kan i lungsak kho hrimhrim lo. Kan zanmang sehlaw kan ti nain, ataktak asi tung fawn kan awlok achong ko.  Ma Aye ( Sarah Nu) 45. Akong tawi  Kum 2002/3 hrawng i Malaysia ah, Ma Aye athei lo ahngal lo kan rak um lo. Laimi Muidawh kan rak i ngeih ve mi,

min thang arak si. Amah hi Hakha peng Vanha asi nain, Hakha ah khuasa an si. Kum 2004 ah Denmark an phan. Denmark aphak hnuah, Pu Kil Uk Thantlang he i um in, Fanu 2, Fapa 1, an ngeih hna.  Nizan Pm Eastern time Denmark 8,00 hrawng ah, a ihnak ah lungfim lo in a um i, Ambulance Helikopter cah in, Lam naihbik Sizungah azuanpi. Sibawite nih an si khawhchung in anni zuam nain, Pm 11.00 ah an ti mi cu, zeitinhmanh in kankhamh kho ti lo ee, Arangtukmi

Thihnak asi ko. Athluak ah thi akhat dih cang tiah anlungdonghnak kong an hun kan chimh. Cu ti cun Oxigen an pek i khuadei hngah asi. tuzing 18. Feb . 24. Am 8.30 ah Oxigen cu an phoih piak i, adih ko.  Ruak vuinak kong cu a neihbik weekend Nirukni ttheu ah vuite dawh asi. Miphun hawi hna Denmark nih kan tonmi Ngaihchiatnak ah kan hrawmpi ve kan tuarpi ve cio dingah kan hun in sawm hna. Ma Aye, Sarah nu Nachan atawituk ee kan in sianghrim lo e.

CDF-Hualngoram nih Ritsii Ting 100 MMK Leng Man Mei in an Khangh February 18 CDF-Hualngoram hmunram chung ah an tlaih mi ritsii pawl cu nizaan February 17 ah mei in an khangh hna, tiah theih a si.  “Mizoram lei ah luhpi an timh mi ritsii pawl an si i, Hualngoram hmunram ah kan tlaih mi a si. Hmailei zong ah

ritsii hi faakpi in kan doh lai,” tiah Hualngoram People Oraganization (HPO) upa Pu Lalvenpuia nih Mizzima ah a chim.  CDF-Hualngoram nih nizan ah mei in an khangh mi ritsii hi Number 4 ritsii phun a si i, chapiat bawm bawm 20 chung ah an rawn hna.  Atulio Myanmar tangka in tuak ahcun ting 100 leng man a si, tiah HPO tuanvo ngeitu upa nih a chim.

Aizawl Khuapi Ah Rithaisii Tamlak He Myanmar Mi Pakhat Tlaih A Si || 18 February 2024 February 17(Zarhte zan) ah khan Mizoram Excise and Narcotics Department le YMA, Bawngkawn ṭangṭi hna nih Crystal Meth kg 1 leng a rit mi le Methamphetamine tlang 166,000 cu Aizawl khuapi, Bawngkawn Brigade sang ah Myanmar mi pakhat sin in an tlaih. Rithaisii ngeitu ah puh mi le tlaih a tong mi hi Kalaymyo peng, Tahan Pinlung khuasa mi

Hrangtinkhara, kum 49 a si, tiah Mizoram media nih an langhter. YMA le Excise and Narcotics Department nih an tlaih mi Methamphetamine hi a dihlak kg 17 le gram 135 a si.  Rithaisii hi Myanmar ram in luhpi a si i, India ram state dangdang ah kalpi ding in timhtuah a si tiah tlaih a tong mi nih cun a chim. Rithaisii khamnak upadi bantuk in taza cuai a si i, biaceihzung ah hruai colh a si, tiah AIR News Aizawl nih a ṭial.

Hakha Khuapi Ah Passport Aa Tuah Mi An Karh, Ni 6 Chung Ah Minung 1,000 Deng An Phan The Chin Post || 17 February 2024 SAC nih ralkap tlaknak upadi an ser hnu in Chinram khualipi Hakha ah passport aa tuah mi an karh, tiah theih a si. SAC nih upadi an chuah hnu in Hakha khuapi ah passport aa tuah mi hi ni 6 chung ah minung 1,000 deng an phan. Ni khat ah minung 100 leng nih an tuah, tiah passport zung he naihniam in a um mi nih Ayeyarwaddy Times ah a chim. “SAC nih ralkap tlaknak upadi an ser hlan ah cun passport an tuah mi an um ti lo tluk a si. Passport zung ah a kal mi zong

an rak um lo nain upadi an ser hnu ah passport aa tuah mi an tam. Zingka tein passport zung hmai ah minung an khat cang,” tiah tualchung mi pakhat nih The Chin Post ah a chim. Chinram Paletwa peng dah ti lo a dang khuapi cu SAC kuttang ah a um rih i ralkap tlaknak upadi an ser hnu ah mino tampi le nule pa cu thinphang ngai in an um, tiah theih a si. SAC nih ram mi ralkap tlakternak upadi an ser hnu ah CNF nih mino tampi cu dohthlennak ah i tel ding in forhfialnak an tuah.