A Man faak bak: CNA Drone Team caah CBCUSA Nubu Department nih India Mortorsaikel caah taktak mi an hlut hna

CBCUSA Nubu Department nih CNA ( Drone Team) caah kumthar Laksawng Sunglawi Motorcycle cu pek an si. Mizo zirlaipawl( MZP) nih Ralzam caah lucky ticket an zuarmi rak kan bawm ve ko u law tiah an kan hal i Committee nih dollars thong khát man tickets in cawk siseh Kạn ti i, First Price Motorcycle a tha bak mi Rupees 250,000 man

Kạn poh (Pathian nih a Kạn pek). Zuar than khawh zong a si ko na in kan Miphun a Kạn kilveng tu CNA, Drone Team ah CBCUSA Women Department, EC hnatlaknak in pek an si.  Bawipa nih Ramriantuantu vialte te Thluachuah pe hna seh law Ralhrang teinak lam Kạn awn piak hram ko she. Tiah an thanh. Tuchun ah CNA Ralkap hna nih Aizawn khua ah motor saikel cu an va laak cang tiah theih a si.

Rakhine pathum nih Mizoram Siaha khupa an thah. Rakhine ralzam kan si aa timi mi pathum nih Mizoram Siaha khua auto rickhaw driver K. Zoasa cu,Jan 25 ah an thah. Mizoram Siaha peng hi Mara ram a si i, atu MDF pawl a dirkamh bakmi le MDF hruaitu pawl hmunkhuar umtonak a si tiah kan theih.  Siaha khua

auto rickshaw mawngtu thattu Rakhine pathum hna cu Mizoram palek nih an tlaih cang hna tiah kan theih. MDF nih AA pawl cu ai komh tukmi an si i, Chinram tthencheu an timh hlei ah Chin miphun dangdang kah thah le vuakvelh dingin an cawlcaang cuahmah tiah theih a si.

Kalaymyo Peng Ah Chin Mino Biakmuana Cu SAC Ralhrang Nih An Thah, Nu 2 Telh In Minung 5 An Tlaih Hna January 25 | 2024. Sagaing ramṭhen, Kalay peng, Khawpuichhip khuami Salai Biakmuana (Kum 27) cu nizan 2024, January 24 zanlei ah SAC ralhrang nih an thah i, tualchung mi nu 2 telh in minung 5 zong an tlaih hna, tiah theih a si. Kalaymyo chaklei hmun um Khawpuichhit khua le Pyinkhonlay karlak ah nizan January 24 chun ah tualchung hriamtlai phu hna le SAC ralhrang kar kahdohnak a chuak hnu ah ralhrial ding in khuachung i thilri a laak lio ah Salai Biakmuana cu SAC ralhrang nih

an tlaih i an thah, tiah thah a tongmi Salai Biakmuana he naihniam pakhat nih a chim, “Ralhrial dingin Aih-suat khuapawng a phak hnu ah inn lei ah thilri ka fim ta lai a ti i, a kir lio ah SAC ralhrang nih an rak tlaih i an thah. A ruak cu puan in an zual i an kaltaak. A hngawng ah meithal kahnak hma maw a si, namte sawhnak hma dek, hma faak ngai hmuh a si” tiah a chim chap. Cu pinah SAC ralhrang pawl nih Khawpuichhip khua a laifang ah tualchung mi pa 3 le nu 2 (An dihlak minung 5) an tlaih hna i Kalaymyo khuapi Dah-kah-sah ah an kalpi hna hnu, chunlai ah an 5 in

an thlah ṭhan hna. “An panga ningin an thlah ṭhan hna. Lakphakti man ah tiin tangka tlawmpal cu an pek hna. An phone cu SAC ralhrang pawl nih an pe ti hna lo nain hremnak zeihmanh an pe hraw hna lo” tiah tlaihkhih a tong mi hna he naihniam pakhat nih Khonumthung Burmese ah a chim ve. Khawpuichhip khua cu Tahan he meng 2 tluk aa hlatnak hmun ah a ummi khua a si i, tualchung mi hna cu Aih-suat khua le Tahan ah ralhrial in an i dor hna, tiah theih a si.

Rakhine Ram Pauktaw Khuapi Cu AA Nih An Laak Khawh Cang. 25 January 2024 AA nih Rakhine ramkulh, Pauktaw khuapi cu a dihlak in an laak khawh cang, tiah January 24 ah chaklei ṭangṭi phu thum hna nih an thanh.  Myanmar Now nih a rak langhter ning ah Pauktaw khuapi cu AA nih January 19 ah an rak laak cang tiin tualchung mi hna nih an chimnak cu an rak langhter nain January 24 ah AA nih Pauktaw khuapi cu an laak tiah ṭangṭi phu thum nih

an thanh. Rakhine ramkulh chung ah AA nih Pauktaw khuapi cu a pakhatnak khuapi an laakmi a si i Chinram chung, Paletwa khuapi zong January 14 ah an rak laak cang. AA nih Pauktaw khuapi an laak hnu ah Myo Oo, Minbya, Kyauktaw le Rathedaung um SAC ralkap pawl zong an kah cuahmah hna. AA nih SAC ralkap division(ṭatma) headquarter le an sakhan cu pakhat hnu pakhat in laak an i tim cuahmah.