Thawngpangthar: US ummi United States Chin Coalition(USCC) nih Chinland Council kong ah an ruahnak an langhter colh

Chin ramkulh mizapi nih atu Myanmar ram dirhmun in Federal Democracy kan ser khawhnak ding caah a biapi tukmi caan kan phan cang i Chin ramkulh chung zong ah caan karlak cozah a chuah khawhnak ding le phunglam hna cu mizapi nih cohlan ding ah a biapi tuk, tiah United States Chin Coalition(USCC) nih December 4 ah thawng an thanh. Atu bantuk in kan dir khawh hnu lawng ah

harsatnak a tongmi Chin miphun diklak, a bik in Chin ralzaam hna caah a ṭha bik in kan kalpi khawh lai, tiah USCC nih cathanh an chuah. Atu cu Chin ramkulh ah Chin ram cozah le phunglam serchuah khawh a sinak ding ah kakip in an cawlcanghnak theih a si i, cu cawlcanghnak ah aa telmi Chin ram hruaitu hna cung zong ah theihpinak le lunglawmhnak kan ngei, tiah USCC nih an langhter. A taang rihmi SAC ralhrang kan dohnak zong ah siseh,

Chinram dirh ṭhannak ding ah siseh, pengtlang le miphun ralkap hna le fimthiamnak a ngeimi hna, theihhngalhnak a ngemi hna, Chin miphun dihlak i tel ding. Mah le mah theihthiamnak, ngaihthiamnak, tuar khawhnak he lungrual in hmunkhatte ah Chin ram serṭhan ṭi ding in United States Chin Coalition(USCC) nih cathanh an chuahmi ah an langhter chih.

CNDF Nih Ram Le Miphun Ca Nunnak Petu Chin Pasalṭha Salai Thawng Hu Lian Thlahnak Le Upat Peknak Cathanh Chuah. 15 December 2023 Chin National Defense Force(CNDF) nih ram le miphun ca ah nunnak a petu Salai Thawng Hu Lian (kum 18) thlahnak le upat peknak cathanh cu nihin December 15 ah an chuah. CNDF pasalṭha Salai Thawng Hu Lian cu amah biakam bantuk tein ram le miphun ca ah tiin dohthlen cawlcanghnak ah hriam tlai in Khampat khuapi kiangkap kahdohnak ah

SAC ralkap nih December 5 ni ah an rak tlaih hnu i ramlak ah an rak thah. Cu kong he pehtlai in CNDF nih ram le miphun ca ah tiin dohthlennak ah pumpek in rian a ṭuan i a nunnak tiang a petu Salai Sang Hu Lian, nangmah cu na ṭuanṭi hawi CNO/CNDF nih upatnak sang bik kan in pek i, na kaltakmi na chungkhar hna he kan tuarṭi i kan tuar ning aa khat, tiah an thanh. Chin pasalṭha miphun ralkap Salai Thawng Hu Lian, ram le miphun ca na rak i

pumpeknak cung ah upatnak sang bik kan in pek i miphun ca ah chungmang na rak manhmi vialte a tlam a tlin nakhnga na kaltakmi na ṭuanṭi hawi CNO/CNDF ni philh hin lo in hramhram in nawlngeihnak a latu SAC ralkap an hram bongh tiang kan rak doh lai, ram le miphun ca nunnak rak liammi na ṭuanpi pasalṭha hna le na min chal in bia kan in kamh hna, tiah CNDF nih cun cathanh an chuah.

CNA  Ralbawi Salai Tluangte: CNF/A Council nan ti ngam maw? Achung taktak purhdah khawh lo ahcun, “CNF/A Council,” nan timi, nan puh mi zong hi a mawh cu nan mawh lo nain a palh bakin nan i palhmi a si (Hmuhnak theihnak a puanpalang, a bi tuk mi an si ka hei ti mei ko hna). Chinland Council timi hi CNF/A lawng nih a dirh mi a si lo ti hi hmasa ah kan i fian i kan ruah i kan theih a herh bikmi a si. (Pengtlang hriamtlai, Thimnak ah a tlingmi MPs hna tel in an dirh mi an ser mi a si)- Cun, ICNCC he hna nan vun tahchunh. Zeitluk indah aa dan tiah cun, ICNCC hna cu an ramkhel dirhmun le

sining a niam tuk meisei (CC he tahchunh awktlak an si lo). A fawi nakcun, ICNCC cu Online in rian an tuan. Chinland Council cu a hmun bak ah rian a tuan. Online riantuan le a hmun riantuan cu nangmah tein cuai hun i thlai chun (na fiang phut ko la).  CNF/CNA hi Chinland Council chung ahhin a milu in an tam maw?  – Kei ka ruahnak ahcun an tam hrimhrim lo, a tlawm hmanh an tlawm lei a si ka hei ti (CNA ka si ca ah a si lo). CNF/A cu atu ah EAO an si, Karenni i an charter pawl khi zoh hmanh uh, NUCC i an charter zong khi zoh hmanh hna uh a tam deuh cu EAO lawngte dawh an si cuh. Cu a si ca ah thimnak a tlingmi Hluttaw Palai hna he tlukruang tein an tuaktan an tawlrelmi a si cuh (Na fiang men lai dah).  Ziah a si ne ah pengtlang chung in

hriamtlai aa then mi le then lomi hi milu kan i dan ning a si?  – Hriamtlai ahhin phu 17 kan um i hi chung ahhin phukhat le phukhat kan i lo cio hna lo. Aa thencheu mi kan um, hmunkhat te ah i then loin a um mi kan um hna. Aa then mi pengtlang hriamtlai phu cu minung 3,5 in siseh, aa then lomi pengtlang cu minung 8 in siseh ti a si (Zapi lungtlin in mu). Aa then lomi phu ah Mindat , Hakha, Tongzang , Kanpetlet ti pawl khi an si i an nih hi minung 8 Chinland Council ah a ummi an si.  – Cu a si ca ah CNF/CNA hi Chinland Council ah a tam cem an si lo EAO an si ti hi fiang cikcek in kan theih a herh in a herh taktak mi a si.  – Cun, Chinland Council nih NUG sin ah kutdawk a tuan lai lo, sal a tuan lai lo a hawikom komh in a komh lai