Zualko; US ram a ummi Pi Dawt Khun kum 33 nih ruah lo tuk in a kan thih taak ee

Zualko: Pi Dawt Khun (aka) Daw Khun( Kum 33) CEBC-INDY nih akan liamtak.  CEBC-INDY kan chungtel asimi Pi Dawt Khun ( Khampat) kum 33 nih , tuni Tuesday ( Nov. 28,2023) zaanlei 2:44 PM – St . Francis , Hospice ah akan liam tak. Fale 3 a roh ta hna. Taantak mi a fale , chungkhat, rualchan le khuami vialte hna caah thla cam piak cio hna usih! Khrihfabu nih nan ngaihchiatnak kan in tuarpi hna, Bawipa nih in hnem ko hna seh!  Pi Dawt Khun cu

Indianapolis St. Francis siizung ah thla 2 hrawng chunglei dam lonak in caansau pi ai thlop, asinain athin arawk dih cang, achung ril dang dang vialte ahrawng dih cang an ti. Cucaah Hospice ah an thial, Hospice ah ni 5 hnu ah tubantuk in akan liam tak hi asi.  A. Topinak ( Memorial Service)  1. November 30,2023 (Thursday)  2. 6:30 PM – 9:00 PM).  3. CEBC-INDY ( Sanctuary)

Rezua Khuapi  SAC cu Sakhaan  ZZLMS Operation In Chin Mipi Ralkap ṭangṭi Nih An Lak. November 29, 2023 — Chin ramkulh, Matupi pengkomh, Rezua khua um SAC sakhan cu ZZLMS operation min CNA nih a hruai mi hna Chin mipi ralkap ṭangṭi hna nih November 29 zing 10:00am an lak khawh tiah CDF-Zotung sin in theih a si. November 25 ni ah Rezua SAC sakhaan hi kah hram thawh a si. November 29 tiang ni 5 chung an kah hnu ah an lak kawh. Rezua khua kahnak ah mipi ralkap lei in 1 CDF-Mara in Salai Bawi Za Mang, 2. CDF-Zotung in Salai San Law Tha, 3. CDF-Lautu in

Salai David Thang (Le Le), 4. Salai David (CNA) ti in Chin mipi ralkap 4 nih ram caah nunnak an pek. Ralhrang 25 a nung in tlaih an si i, hriamnam tampi zong lak chih a si, tiah Zotung lei Media nih an langhter.  SAC lei nih Rezua khua la kho lo ding in November 28 zanlei 3:00pm le November 29 ni tiang vanlawng in bom 20 hrawng a thlak tiah mipi ralkap sin in theih a si. ZZLMS operation ah CNF/CNA hruaimi CDF-Zophei, CDF-Zotung, CDF-Lautu, CDF-Mara, CDF-Senthang, Matupi( B-2), CDF- Hualngoram, CDF- Hakha, TT Drone tiah Chin mipi ralkap `ang`i phu hna an i tel. Zotung Miphun Umnak Rezua Khua. Rezua peng chung ah

Zotung miphun pawl an khualipi pakhat a si. Pengchung milu: 2014-Myanmar milu relnak ah Rezua peng ah milu dihlak 12,265 ah Pa milu 5,471 le nu milu 6,794 an um. Rezua peng a umnak le a kauh Rezua peng a kauh area ah 3127.04 square miles a si. Rezua peng ah inn 6,223, khuachung um mi sang ah No (1) sang, No (2) sang, No (3) sang hna an si. Rezua peng Sianginn le Sii-inn: 2017-18 cacawn kum ah High school 1 ah saya/mah 24 le sianghngakchia 522 hna an rak um. Rezua peng ah

ihkhun 16 pakhat sizung a um. Ce-leik cianma (khuate Ngandamnak siinn 4 a rak um. Chin Ramkulh Chung Mipi Ralkap Nih Lak Cang Mi Peng Hna  November 13 ni ah Rih sakhaan, Tio sakhaan, November 24 Lailenpi sakhaan, November 29 ni ah atu Rezua sakhaan an lak khawh. Nihin ni tiang Chin ramkulh chung ah peng 7 cu mipi ralkap nih an lak cang. Mah hna cu, Webula, Surkhua, Hnaring, Makuiinnu, Rihkhawdar, Lailenpi, Rezua tiah peng 7 um SAC sakhan cu an lak cang tiah theih a si.

Kan Laipa nih A Nupi A Thah. 2023 Sikpar 27 zanlei suimilaam 6 hrawng ah B. Chingpui kum 60, Amobyuh-Ch (Maubawk-Ch) Siaha District cu a pasal N. Hnemsang kum 51 nih nam hmang in a thah. Bia an i alnak hmun ah a pasal nih a nupi vokrawl a chumhnak hmai ah a hnulei in nam in a sawh , hrum-ai manh lo te’n a nunnak a liam. Bia an i al lio ah hin

Pi Chingpui nau fapa Rinthanga le a hawipa innchung ah an um, an nih pahnih hi rianțuan dihlak tak aa kholh dihka an si caah an bia al nak biaka an tlai lo. N. Hnemsang nih a nupi a thah sinin leng ah a chuak i, nam a va hlonh. Cu hnuah an inn in a kal i, Taxi a hlan hnuah Siaha Palek sinah amah te’n aa va pe.

Shwepyiaye Khuapi Cu Tualchung Hriamtlai Phu Nih An Laak I SAC Ralkap 8 An Tlaih Hna, Hriamnam Zeimawzat Zong An Laak 28 November 2023 Sagaing ramṭhen, Homalin peng, Shwepyiaye khuapi cu tualchung hriamtlai phu nih an laak khawh, tiah NUG Ministry of Defence nih an thanh. A luancia November 21, zinglei suimilam 6:00 hrawng ah

Homalin peng, Shwepyiaye khuapi cu tualchung hriamtlai phu nih an kah i November 22, zanlei suimilam 6:00 ah an laak khawh, tiah theih a si. Cu kahdohnak ah cun tualchung hriamtlai phu nih Shwepyiaye khuapi cu an laak i SAC ralkap 8 an tlaih hna, hriamnam zeizawzat zong an laak khawh, tiah NUG Ministry of Defence nih cun an thanh.