Ningzak taktak; Ralhrang doh a duh lo mi MDF Mara a ttanh taktak mi Pu Elaisa Vahnie nih MDF Marra kong cu mahti bak in VIDEO in a chim
Dr. Ngun Cung Lian kuttang MDF Mara a ttanh taktakmi Salai Alaiha Vahnie nih a rak chimmi cu Mara ralkap 1000 kan ngei cang lai. Kan ram vengtu le dirhkamtu an si lai. Mi a thahtu ralkap siloin kan ram a thangchohtertu le a dirhkamhtu ralkap tu kha kan ser lai. Cu ralkap cu professional ralkap a si lai i, thiltha lo hna a tuah lomi, zumhawktlakmi, bochantlakmi responsbility a ngeimi ralkap a si lai. Cuticun, atu lawng siloin,
hmailei democracy chan tiang in a hmunmi ralkap a si lai. Cu lawng siloin, Saiha lei Mara le East Mara kan in fawnh cang lai i, Saiha le Yangon ah head quarter kan chiah lai i Mara University hna kan dirh cang lai tiah a rak chim. Nain atutiang ah MDF pawl nih SAC Ralhrang an doh bal rih lo. Chinram le Mara ram caah ral a dohmi cu CDF Mara tu an si. MDF cu an pial sual taktak mi kha bochanmi Alaisa Vahnie nih ai ttanh sual hna.
Tuzan tiang thawng kan dothlat khawhmi ah Hakha khuachung Kahdohnak ah SAC Ralkap A Tlawmbik 7 An Thi, 8 Hliam an Tuar. November 27, zarhpini Hakha khuachung kahdohnak ah SAC ralkap a tlawmbik 7 an thi i 8 hliam an tuar tiah theih a si. cHi kahdohnak hi Hakha-CDF nih 1027 Operation thapeknak ah an tuah mi a si i pehzulh in tuah an i timhnak kong cu Hakha-CDF nih cathanh an chuah mi ah an langhter. Thantlang le Hakha ah kan Pasaltha hna nih kahdohnak an tuah cuahmah lio ahhin biatak tein thazaang chuah cio hna usih.
SAC ralkap nih Russia ser mi Drone le Jammer ttha ttha a cawk a timh. Drone bomb thlaknak ruangah a sung tuk cang mi SAC ralkap nih cun Russia nih a ser mi Drone le Jammer tibantuk tor bak in cawk a timh cang tiah ralkap chung thawnghram nih Khit Thit Media sin ah an chim. Shan ram chaklei kahdohnak ah MNDAA le a hawilei nih an hman mi Drone hna cu SAC ralkap nih an ngeih mi Jammer le Drone kahnak nih a kham khawh hna lo caah
camp tamtuk an sung cang. Cun ram chung hmunkip ah an camp cu Drone in bomb thlak hnawh lengmang an si. Camp lak kahdohnak ah Drone nih bomb a thlak ta hnu ah ke ralkap nih an luh hnawh caah camp cu fawi tein an lak piak lengmang mi hna. cucaah SAC ralkap bawi pawl nih cun Drone kahnak le Jammer siseh, amah Drone bak zong technology sang deuh a hmang mi cawk an duh cang. Cucaah technology sang deuh in ser mi Drone jammer, le Drone kahnak, Russia ser mi maw, asiloah Israel maw, a cawk khawhnak ram ta poh cawk thluahmah a timh cang tiah an langhter. October 22 le 23 ni ah Myanmar ram ahong tlawng mi
Thailand Air Chief Marshal pa zong kha SAC ralkap bawi Min Aung Hlaing nih cun Thailand nih a ngeih mi Drone le Drone kahnak pawl hong kan cawk ter hram ko tiin an rak nawl tiah an langhter. Atu lio ah an hman mi Drone khammnak Jammer le Drone kahnak hna hi China sin in an cawk mi lawngte an si. China nih an ser mi Drone Jammer nih cun atu lio ah mizapi ralkap nih an hman mi Drone lian deuh pawl cu akham kho hna lo ti a si.
Kan Laitlang Matupi Khua Palek Sakhaan In Palek Pakhat Hriam He An Chungkhar Ning In CDM An Tuah. 2023 November 27 — Chin ramkulh, Matupi peng, Matupi khua Myoma palek sakhaan in palek 1 cu hriam he a chungkhar ning in CDM an rak tuah tiah CDF-Matupi Battalion 2 nih thawng an thanh. November 26 ah
Chin ramkulh, Matupi khua Myoma palek sakhaan ah rian an khinh mi palek Moe Kant cu G3 zuun 1, G3 kuanbawm 2, G3 kuan 100 he CDF-Matupi B02 sin ah CDM a rak tuah hi a si sing 60 laksawng an pek leng ah himnak hmun ah an kuat tiah theih a si. Mipi sin aa rak fonh mi Moe Kant hi palek a ṭuannak kum 7 a si cang i kum 27 a si mi a nupi, thla 4 a si mi a fapa te zong aa rak chuahpi khawh hna tiah theih a si.