Lawmhpi cio hna usih: Lai Idol hlasak zuamnak ah nungak Rebek Lallawmzual le mah hna pahnih nih teinak an hmuh ee

Vawleicung nih kan zoh duh tukmi le abik in Lawngtlai lei Laimi hna Laiholh le Laica an thiam khawh nakding ca ah tiin Lai Idol cu tuah a si. Mah hi tuah hnawhchanmi cu tuzan ah result phuannak cu an ngeih. Cu ahcun atanglei bantukin a changchang in LAI idol Season(2) teinak hmu mi hna:

Pakhatnak Rebek Lallawmzual (Winner), Pahnihnak Betty Biak Tin Sung (1st Winner) le pathumnak Zion Par Hlichal (2nd winner) an si tiah kan theih. Pakhtanak nihhin India phaisa Nuai thum Rs 300000 a hmuh I, pahnihnak nih Rs 200000 a hmuh ve I, pathumnak nih hin India tangka Rs 100000 a hmuh ve lai. Cun pin ah laksawng dangdang le trophy hna le ramdang US lei ah khualtlawn ter ding tiah theih an si. Lai Idol ah teinak hmu mi dihlak Congratulations

November 27 In Myanmar Ram Chung Dihlak Ah Kahdohnak Thawk Ṭhan Dingin Hriamtlai Phu Thum Nih An Thanh. 25 Nov 2023 Shan ramkulh chaklei ah rak thawkmi operation 1027 thla khat a tlin ni November 27 ah ram pumpi ah kahdohnak(nationwide operation) thawk chap ṭhan dingin chaklei hriamtlai ṭangṭi unau thum nih thanhnak an tuah.  “Nationwide Operation hi operation 1027 kan rak thawk ni thla khat a tlin camtuak ah thawk ding a si i

timhcia tein kan um cang,” tiah ṭangṭi unau thum nih cun an langhter.  Mizapi hriamngan in a kaptu SAC ralkap sakhan laak le kahdohnak ah kannih hriamtlai ṭangṭi phu thum zong nih kan nunnak, kan thlanti le kan zeizong te kan pek ve, tiah an langhter.  Operation 1027 an thawk in ni 29 a rauh tiang ah chaklei hriamtlai ṭangṭi phu thum nih SAC ralkap an hmunhma biapi mi le hriamngan an chiahnak hmun hna zong faak piin an kah.  Myanmar ram chung dihlak ah operation nganpi a chuah lawnglawng ah hramhram uknak a hram in bongh khawh a si lai. Cu ruangah Nationwide Operation ah

i tel cio ding in chaklei hriamtlai ṭangṭi phu nih cun sawmnak an tuah. Hriamtlai ṭangṭi phu thum nih an i tinhmi cu pakhat hnu pakhat in an tlinh cuahmah leng ah kahdohnak zong din lo tein hmailei ah kalpi an i tim rih. A dang hriamtlai ṭangṭi phu, PDF le organization hna he zong ral an dohṭi. MNDAA le TNLA nih anmah hmunram ah a ummi SAC ralkap sakhan zeimawzat zong an laak cang. MNDAA nih Laukkai khuapi a dihlak la dingin kahdohnak an tuah cuahmah i an laak khawh dih deng cang, tiah theih a si.

SAC Ti Ralkap Nih Hriamngan An Kah Caah Ponnagyun Khua Bazar A Kaang. 25 Nov 2023 Rakhine ramkulh, Ponnagyun khua um bazar dawr khan 150 hrawng cu SAC ti ralkap nih hriamngan in an kah ruangah bazar cu a kaang dih, tiah khuami hna nih an chim.  Ponnagyun khuapi bazar cu SAC ti ralkap nih nizan November 24 zanlei suimilam 3:00 hrawngah hriamngan in an kah i a dihlak in an ciam dih. Mei that dingin

a kalmi meithat motor zong Khah Mah Yah 550 Battalion in ralkap pawl nih meithal an puahhnawh caah mei phalh khawh a si lo, tiah AA he naihniam in a ummi pakhat nih a chim.  Cu leng ah November 24 ṭhiamṭhiam ah SAC ralkap nih hriamngan an kah ruangah Ponnagyun khuami pakhat hliam a tuar. Rakhine mizapi le innlo humhimnak laakpiak loin mizapi a dohtu le a tlaitu paoh cu kan doh hna lai, tiah AA nih an thanh.