Pu Khua Uk Lian: Chin Star hlasak zuamnak kha Min Aung Hliang fanu nih Sponsor in tuahpiak mi a si

CNF member a simi Pu Khua Uk Lian nih Salai Lung thli tum nih Chin Star hlasaknak a tuahmi kong cu mahtihin a chim, a chimmi cu ” Chin Star an tuah mi hi, a tuahtu hi mizei a si lo, Min Aung Hliang a fanu nih a tuahmi a si. Min Aung Hliang fanu nih hi Company hi tlai in ramchung Mino vialte hi mipi ralkap ah lut kho hna hlah sehlaw,

Hitihin hlasak lulak le vei zei tuah awk nei huaha lo khin vaivuan hna sehlaw ti i, mipi thazaang vaivuanh duh ah a tuahmi a si. cucu fiang tein kan theih. mah cu he pehtlai cun an tuahmi si chin Star hi. cucaah cun chim ahcun Ralhrang he riantuan ttinak a si. Ralhrang he riantuan ttinak kha a si. hi Company a tlaitu hrimhrim hi

nuamhsaihnak lei a tlaimi Min Aung Hliang fanu kha a si. Cucaah cun hi thil tuahnak kha cu mipi lei kan ca ahcun a ttha lo taktak mi, kan ral he riantuan khin a langh ning cu a si. Cucaah cun kan duh lo taktak mi a si e ti khan kan leh khawh mi hna a si e tiah Vaurawng Zuunthil biachimnak ah fianternak a tuah.

Khampat Khua Ah NUG Ukhruainak In Rianṭuan Hram Thawk An Timh. 18 November 2023. Tualchung hriamtlai phu hna nih ni 10 tluk an uk cangmi Khampat khua ah ukhruainak thar he rianṭuan cang ding in NUG nih timhlamhnak an ngei, tiah theih a si. Tualchung hriamtlai phu nih an rak laakmi Sagaing ramṭhen, Tamu peng Khampat khua ah ukhruainak thar he rianṭuan hram thawk an i timhnak kong cu NUG tang pengkomh ukhruaitu phu le hriamtlai phu sin in theih a si. Kalay-Tamu lampi cung Khampat khuachung SAC ralkap sakhan cu tualchung hriamtlai phu nih ni 5 chung an rak kah i

November 7 ah Khampat khua cu an rak laak khawh. “Khampat khua dirhmun cu a hlan bantukin a ṭha cang, siizung le sianginn zong NUG ukhruainak tang ah tharchuah in caan a rauh hlan ah a rannak in on khawh ṭhan kan zuam lai,” tiah Tamu pengkomh Battalion 2 in ṭuanvo ngei pakhat nih a chim. “Khampat khuachung cu sang 9 in ṭhen a si i sang 5 cu sangbawi an i thim kho cang, sang 4 an taang i thimnak tuah ding in timhlamh lio a si. Atu dirhmun ah cun Tamu pengkomh, Tamu peng Pah-Ah-Phah hruainak in kalpi cuahmah a si rih,” tiah pengkomh Pah-Ah-Phah phu chungtel pakhat nih

a chim. Tualchung hriamtlai phu nih khua an laak hnu in le hmunram thianhfelnak an ngeih hnu in khuami zong an umnak ah an kir kho cio i SAC ralkap sakhan umnak no. 1 sang telh in sang dang zong ah chawdawr le dawr dang tete zong a hlan bantukin an on dih ṭhan cang hna, tiah tualchung mi nih an chim. Khampat cu kan Laimi umnak khua si nain NUG nih an uk diam cu a poi taktak. Shan ramkulh chaklei hriamtlai phu unau thum le ṭangṭi phu hna nih October 27 in an rak thawkmi 1027 Operation kahdohnak an kalpi hnu in khuapi 4 an laak lioah Sagaing ramṭhen Khampat, Kawlin le Chin ramkulh Rihkhawdar khua zong tualchung hriamtlai phu nih an laak khawh ve.

Patlelin Khua Kahdohnak Ah SAC Ralkap 10 An Thi, Palik Pakhat An Tlaih. 18 Nov 2023. Mandalay ramthen, Madaya peng Patlelin khua ah umhmun a khuarmi SAC ralkap cu tualchung hriamtlai phu nih an kah hna i ralkap 10 an thi, palik 1 kan tlaih, tiah NUG runvennak No. 1 nih an thanh.  November 16 ah Madaya peng Patlelin khua ah umhmun a khuarmi SAC ralkap ralbawi Captain Kyaw Hein nih a hruaimi SAC ralkap 50 hrawng cu PDF, Sinku peng Pah Kah Phah le

Madaya Pah Kah Phah nih an va kah hna, tiah Khit Thit Media nih a ṭial. Cu kahdohnak ah cun SAC ralkap 10 an thi i 5 hliamhma an pu. Palik 1 tlaih a si i meithal zun 3, meithal kuan 49 le kuanbawm 7 an laakpiak hna. Patlayin ah raltuk bawm dingin a kalmi SAC ralkap Lah Kah Tah 1014 nih Aungkanthar khua Arthit lakphak dawr cu a ruang um loin meithal in an kah caah tualchung mi 11 an nunnak a liam pinah Puaisakone khuami pakhat zong an thah, tiah theih a si.