A fiang tuk: Zei ruang ah Chin Star hlasak zuamnak ah Mai Van Mal Nei pakhatnak (Winner) a hmuh khawh ning a si ti kan langhter

11 November 2023: Chin Star hlasak zuamnak cu Yangon khualipi ah ropui taktak in an tuah i, a tuahtu le a neitu cu Salai Lungthli Tum a si i, chawva tampi dih in kan Chin mino hna hla lei ah hmai an nawr khawh nakhnga  atuah ti theih a si i, tuchun ah Chin Star Grand Final cu an lim cang hi tan ah Van Mal Nei nih pakhatnak a hmuhnak a ruang kan hmuh mi cu, Falam peng lei cheukhat nih Salai Lungthli Tum nih Par tin Tlem pakhatnak a pek ahcun Chin Star cu kap ttanh nei a si lai, anmah Hakha lei lawng a dawt a si lai, Chin Star cu Ek Star kan ti cang lai ti bantuk in

anmah Falam peng leilawng ttanhnak in comment tampi an tial mi hmuh a si. Cun Hakha peng lei nih cun Lung thli Tum tuah mi cu tha an pek lo. aruang cu atu ram pumpi dohthlennak hi a soisel tu le CNF CNA dohdaltu tuahmi a si caah Chin Star ah phaisa rawn le vote pek hi Hakha Thantlang nih cun an duh lo caaah Par Tin Tlem nih pakhatnak a hmu kho lo.Vote ah a sung cang. Cucaah Salai Lung Thli Tum zong a lau tuk lai zumh a si. hi kong ah Par Tin Tlem hi pakhatnak hmu ding a phu tuk ve ko nain

Falam lawnglawng ai hruhpi mi cheukhat nih anmah lei deuh pakhatnak an laak lo poh cu a dik lo tiah chim an hmang caah Van Mal Nei hi pakhatnak an pek nak a si. Cun Van Mal Nei hi amah pumpak cu hlasak hrimhrim a thiam, amah umtu hoiher le a dangdang ah cun a tlinh bak ve. Cucaah Van Mal Nei nih pakhatnak a laak mi cu a phu mi a si.Nain a fans pawl nih falam le Hakha i zuamnak bantuk in an comment tu hi cu hruh tuk bia le pengtlang ttanh lawng an si ko. Cucaah Van Mal Nei hi lawmhpi cio hna usih. Teinak a hmu mi cu lawmh pi phung a si i, peng le tlang lungput nei hna hlah usih. Catialtu Khamh Sang Hlawnching.

SAC Ramchung Minister hlun Lt. General Soe Htut cu SAC Ralkap Biaceih Zung nih thong kum 5 thlak ding hremnak an pek November 10. Nawlngeihnak chuttu SAC Ramchung Minister hlun Lt. General Soe Htut cu ziknawh a ei ti in SAC Ralkap Biaceih Zung nih thong kum 5 tlak ding in hremnak a pek tiah SAC nih a thanh. Lt. General Soe Htut nih Ramchung Minister a rak tuan lio ah, Passport tuahnak kongkau ah ningcang lo in nawlngeihnak a hman i ziknawh a ei tiah an ti. Cun Ramchung Minister Zung tangka tawlrel ning kongkau ah ningcang lo in rian a tuan tiah an ti. Cu case he

aa pehtlai mi mi dang zong civil lei biaceih zung ah siseh, SAC kuttang palek zung in tuanvo ngeitu hna cu palek zulhphung in siseh biaceih an si lai ti zong an thanh. Lt. General Soe Htut cu Min Aung Hlaing nih a zumh ngai mi le aa bochan ngai mi pakhat a rak si i, nawlngeihnak chuttu ralkap council ah

Deputy Prime Minister rank tiang a rak tlai mi a si. Ko Phyo Zayar Thaw le Ko Jimmy tel in ramkheel thongtla pawl thah ding ah a biapi in tlangtlatu zong a rak si tiah theih a si. SAC chungtel a rak si mi Lt. General Moe Myint Tun le ralbawi ngan Brigadier Yan Naung Soe zong ziknawh an ei ti in anmah SAC lila nih tu kum October thla ah thong kum 20 tlak ding hremnak a rak pek hna.

Kawlin khua nam ding in a ra mi SAC ralkap pawl PDF nih an kah hna; 80 leng an thi i 20 hrawng hma an pu. November 10, 2023 Sagaing ramthen, Kanbalu pengkomh, Kyunhla peng in Kawlin khua lei nam ding ah a kal mi SAC ralhrang phu cu nihin zinglei 8:40 ah PDF nih an kah hna i 80 leng an thi, 20 hrawng hma an pu tiah NUG Runvennak lei Minister Zung nih nihin ah a thanh.

SAC ralhraang cu 200 leng an si i Kanbalu peng, Alaykhung khuate Nitlak Chaklei hmun ah tualchung PDF nih an kah hna tiah theih a si. Cu kahdohnak cu No. 1 War Zone hruainak in Kanbalu pengkomh B-2 le tual chung PDF hna i bawm in an tuah mi a si tiah an langhter. Cu kahdohnak ah cun SAC hriamnam phung tling zun 59 le kuanzen tampi an laak khawh tiah Runvennak lei Minister Zung nih a thanh.  Photo: MOD