Lawmhpi cio usih: Chin Star Hlasak zuamnak ah Mai Van Mal Nei nih Winner a hmuh ee
Congratulations :Salai Lungthli Tum nih Chin Star hlasak zuamnak a tuahmi cu tuchun ah Gand Finel zuamnak an tuah I biatak tein mipi zong nih thazaang an pek pin ah ah pakhatnak phuannak zong an ngeih chih. Saya Hniang Ceu Ling nih hla a phuahmi kha ai zuam mi minung 4 nih hla fungkhat cu anmah le sining cio in
an sak i.cuticun an sakcio a donghnak bik ah Chin Star hlasak zuamnak winnwr MAI VAN MAL NEI nih Winner a ngah ee tiah kan theih. Myanmar kyats 200000000 bak a hmuh , Sui in sermi Trophyzong a hmuh chih. Cun a changtu cu 1st Runner Up ah Par Tin Tlêm, 2nd Runner Up ah Napo Lean, 3rd Runner Up ah Joseph an si hna tiah kan theih. Van Mal Nei nih pakhatnak ngah a phu hrimhrim a thiam tukcaah winner a hmuhmi a si.
CDF – Hualngoram Nih Non-CDM Vialte Cu November 30 Hlanah CDM Tuah Dih Ding In Thawng An thanh Hna. 11 November 2023 Chinland Defence Force – Hualngoram le Hualngoram CDM Department nih November 10 ah Non CDM hna kong ah biachahnak an ngeihmi kong he pehtlai in thawngthanhnak an tuah i Non-CDM vialte cu November 30 tiang CDM tuah dingin caan an pek hna. “CDM a tuah rih lomi Non-CDM aho paoh nih
kan phanh laimi November 30 tiang ah an rianṭuan liomi an chuahtaknak ca cu CDF – Hualngoram le Hualngoram CDM Department sin ah an rak pek khawh. Caan onhmi chung ah a pe duh lomi cu Hualngoram chung ah um le luh kham an si lai. Rian tlaih liomi chuahtak ṭung lo in Hualngoram chung ah khuasa in a lutchuakmi cu
CDF – Hualngoram le HCD nih dantatnak a pek hna lai,” tiah CDF – Hualngoram le HCD nih an biachahmi cu an langhter. A luancia October thla hramthawk lio zong ah ṭha tein CDM tuahmi hna kong he pehtlai in Mizoram, Champhai um CDM a tuahmi hna sin ah thawngthanhnak an rak tuah bal cang.
Kanbalu Nichuahlei Kahdohnak Ah SAC Ralkap 100 Hrawng An Thi. 10 Nov 2023 Sagaing ramṭhen, Kanbalu peng nichuahlei ah rallam a sialmi SAC ralkap cu tualchung hriamtlai phu nih an kah hna i, kahdohnak ah SAC ralkap 100 hrawng an thih pinah hriamnam tampi kan laakpiak hna, tiah Infinity Group in ṭuanvo ngeitu pakhat nih Khit Thit Media ah a chim. Nihin November 10 zinglei ah SAC ralkap le pyusawhti 300 hrawng cu PDF nih lamhruang in
an kah hna, tiah theih a si. “SAC lei in ralkap 100 hrawng an thi. Rallam a sialmi hi ralkap le pyusawhti 300 hrawng an phan. Kawlin khuapi cu PDF kuttang i a um cang caah ralkap thazaang tampi in rallam an sialnak hi a si,” tiah Infinity Group in ṭuanvo ngeitu pakhat nih cun a chim. SAC ralkap le pyusawhti hi November 7 ah Chatthin hmunram in Kutaungbu lei ah rallam an rak sial. Nihin November 10 zinglei suimilam 5:00 hrawng in rallam a sialmi SAC ralkap le pyusawhti cu
kan kah hna i zing suimilam 10:00 hrawng ah kahdohnak a dai. SAC lei in ralkap a thimi leng ah a zaammi zong an tampi, tiah Infinity Group in ṭuanvo ngeitu nih cun a chim.Hi kong he pehtlai in NUG runvennak zung nih cun, Kanbalu peng Ahlelkhon khua nitlak chaklei kahdohnak ah SAC ralkap 80 leng hrawng an thih pinah 20 hrawng hliamhma an pu. PDF ṭangṭi phu nih meithal zun 59 le zen-kuan tampi an laak, tiah an thanh.