A phuan cang: Salai Lung Thli Tum nih Chin Star hlasak zuamnak ah Joseph Bawi Tha Lian hipakhatnak pek ai tlaktiah a phuan cang

Salai Lungthli Tum nih mahtin Chin Star winner ding cu a tial tthan‘Joseph BTL winner caah ai tlak lo’ nan ti ngam khi ka khuaruah a har. Chin STAR kan rak thawk ka ah ‘quality a ngeimi an i zuam duh lai lo’ tiah tampi nih an rak chim. Kei zong ka rak phang ngai ve. Nain, Joseph BTL nih video a rak kan kuat ve i a konglam ka hlat tikah siibawi kaimi medical student a si kha ka theih.  A page ka zoh tikah Kawl hla cover a sakmi video pahnih cu 1 million view deng a ngah. Online in Kawlmi tampi English a chimh fawn hna. Hitluk quality tha a ngei i Myanmar level tiang in i chorpi awk a tlakmi mino hi

Chin mino 100 ah 2 hmanh an si tung lai lo ka rak ti len. Chin STAR ah a rak i zuam ve tikah ka lungthli tein ka rak i lunghmuih tuk. I zuamnak hi round 10 bak kan kal cang, hi caan chung ah chimh a ngai bikmi le siikan a ngei bik a si. Riantuantu harnak a kan pe lo biktu a si. Contestant vialte khi a unau tafar bantuk a dawt hna i a bawmh tawn hna. Aye Myint Kyi lebang kha cu English hla sak lio kha ai harh ngai caah Joseph bak nih hla a thim piak, lungsau taktak in

hla a cinh pi. Contestant vialte nih an u yin bantuk in an i bochan. Hla a sak ah mood tling taktak in a chuah khawh. A aw he ai tlakmi hla thim a thiam. A aw zong ai dawh, hlasak ningcang a thiam bak fawn. Hla asakmi ngaih tikah mi lungthin a hninh kho tuk ve. Atu final tiang a phak khi quality tling a ngeih caah a si. Top 16 to top 8 thim lio kha

phaisa vote ai tel bak lo, 100% judge vote asi. Thiamsang judge hna nih winner caah ai tlak an ti caah top 8 ah an rak telh ve kha a si. ‘Joseph BTL cu winner caah ai tlak lo, final a phanh awk a si lo’ timi comment ka hmuh pah, hiti biachim khi molh tuk bia a si. Final a phanmi 4 ning in winner an i tlak dih, ai tlak lomi an um bak lo mu.

Thawngpangttha taktak: Kanbalu Nichuahlei Kahdohnak Ah SAC Ralkap 100 Hrawng An Thi 10 Nov 2023 Sagaing ramṭhen, Kanbalu peng nichuahlei ah rallam a sialmi SAC ralkap cu tualchung hriamtlai phu nih an kah hna i, kahdohnak ah SAC ralkap 100 hrawng an thih pinah hriamnam tampi kan laakpiak hna, tiah Infinity Group in ṭuanvo ngeitu pakhat nih Khit Thit Media ah a chim.  Nihin November 10 zinglei ah SAC ralkap le pyusawhti 300 hrawng cu PDF nih

lamhruang in an kah hna, tiah theih a si. “SAC lei in ralkap 100 hrawng an thi. Rallam a sialmi hi ralkap le pyusawhti 300 hrawng an phan. Kawlin khuapi cu PDF kuttang i a um cang caah ralkap thazaang tampi in rallam an sialnak hi a si,” tiah Infinity Group in ṭuanvo ngeitu pakhat nih cun a chim.  SAC ralkap le pyusawhti hi November 7 ah Chatthin hmunram in Kutaungbu lei ah rallam an rak sial. Nihin November 10 zinglei suimilam 5:00 hrawng in

rallam a sialmi SAC ralkap le pyusawhti cu kan kah hna i zing suimilam 10:00 hrawng ah kahdohnak a dai. SAC lei in ralkap a thimi leng ah a zaammi zong an tampi, tiah Infinity Group in ṭuanvo ngeitu nih cun a chim. Hi kong he pehtlai in NUG runvennak zung nih cun, Kanbalu peng Ahlelkhon khua nitlak chaklei kahdohnak ah SAC ralkap 80 leng hrawng an thih pinah 20 hrawng hliamhma an pu. PDF ṭangṭi phu nih meithal zun 59 le zen-kuan tampi an laak, tiah an thanh.

Joshua Van Timhcia A Si Cang. 10 Nov 2023 Joshua Van cu UFC 295 ah i ṭhua ding in timhcia a si cang. UFC Flyweight division i ṭhua ding hin rihzan ah 125 lbs si a hau i cucu tlamtling tein a tlinh cang. An i ṭhuat caan hi a ra lai mi November 11, Asia lei ca ah cun November 12(zarhpini) zingka teah a si lai. Atutan hi vawleicung boxing thonghnak stadium vialte lakah a min thang bik mi Madison Square Garden, New York khuapi ah aa ṭhua lai. Joshua hi UFC ah

voihnihnak a ṭhuatnak ding a si i, a luancia June 24 ah voikhat a rak i ṭhua cang. A voikhat i ṭhuatnak ah Kazakhstan fighter Zhalgas Zhumagulov cu a rak tei. Atutan hi Peru fighter Kevin Borjas he an i ṭhua lai. Kevin Borjas he hin a luancia August 8, Dana White Contender Series ah i ṭhua ding an si nain UFC lei nih Joshua cu an auh caah an rak i phomh kho lo.

Tulio Laimi mizapi thinlung a la bakmi Lai Idol le Chin Star hlasak zuamnak ah winner ding ah zumh veve mi an si. Rebek Lallawmzuali hi Lai Idol ah winner zumh mi a si i Par Tin Tlem hi Chin Star ah winner zumh mi a si ve.  Anmah pahnih nih an I zuamnak ciocio ah teinak an hmuh ah cun a dik bak mi a si lai. An aw a ttha, an mui ai dawh

hlasak an thiam tuk fawn. Culawng si loh an aw zong a sang tuk hringhran. An pahnih in an thiam bak veve Cu si ahcun an mah pahnih hi phomh hna sehlaw ho dah thiam deuh hnga? An pahnihbak I zuamnak tuah piak kho hna sihlaw a Ho dah na uar deuh? Ho nih dah tei hnga??? Comment ah rak langhter ve te