Ralpi a tho kho men: Hamas ralhrang le Israel ralkap kahdohnak ah Gaza khuapi laak dingin Israel ralkap nih hmai an nor cuahmah rih. Gaza khuapi hi Hamas nih
Ralpi a tho kho men: Gaza Khuapi Ah Israel Ralkap Cu Tank He An Lut Cang. 8 Nov 2023 Gaza khuapi chaklei le thlanglei in Israel ralkap pawl cu an lut i Hamas ralhrang an doh cuahmah, tiah IDF nih an langhter. Hamas ralhrang le Israel ralkap kahdohnak ah Gaza khuapi laak dingin Israel ralkap nih hmai an nor cuahmah rih. Gaza khuapi hi Hamas nih umhmun an khuarnak hrampi a si i Hamas ralhrang hruaitu pa zong Gaza khuapi vawlei tang hmun pakhat ah
aa thup tiin Israel ralkap nih an zumh. Gaza khuapi cu Isarel ralkap nih vanlawng in faak ngai in an kah pinah bomb a thlak i ralkap thazaang tampi he a luhhnawh. Gaza kahdohnak thla khat tlin camtuak ah Israel runvennak zung Minister Yoav Gallant nih, Israel ralkap hna cu Gaza khuapi ah an lut cang. Ke ralkap, tank le kuan kham motor hna nih Gaza khuapi um Hamas ralhrang pawl cu an luhhnawh cang hna, tiah a chim. Israel runvennak zung Minister Yoav Gallant nih,
Harmas pawl cu Gaza khuapi sianginn, sii-inn le mizapi umnak vawlei tang in lam an cawh i hriamnam zen-kuan an phorh. Hamas pawl umhmun khuarnak vawlei tang kan hrawh cikcek khawhnak ahcun thla tam tuk kan rau rih kho, tiah a chim. Thla khat leng chung a rau cangmi Gaza kahdohnak ah Israel lei in minung 1,400 leng an thi i Palestine lei in 4,000 leng an thi ve. Kaphnih dihlak fonh ah minung 10,000 leng an thi cang, tiah theih a si.
CDM A Tuahmi kan Chinpa Palik Damasus Vum Lam Thang Cu Malaysia Ah A Nunnak A Liam. November 8 | 2023 Malaysia ram, Kuala Lumpur khuapi, Cheras Maluri sang ah November 6, zan suimilam 11;00 hrawng ah Chin miphun a simi CDM palik 1 cu Apartment tang ah a ruak in an hmuh, tiah theih a si. “Nunnak liammi CDM palik Damasus Vum Lam Thang (Kum 23) cu Chin ramkulh, Tedim khuami a si. Kachin ramkulh, Hpakant khuapi ah
palik rian a rak ṭuan i, 2021 October 27 ah CDM a tuah. 2022, August 27 ah Malaysia a phan i, an nupa karlak ah buaibainak a um hnu in atu bantuk in a nunnak a liam hi a si” tiah a chungkhat naihniam pakhat nih Zalen ah a chim. Pa Damasus Vum Lam Thang hi aluan cia caan tlawmpal lio ahkhan a nupi he buainak an ngeih caah an i ṭhen, tiah a chim chap.
Thawngpangthar: SAC Kuttang Palik Pali Cu Tonzang Peng Mizapi Ukhruainak Phu Sinah CDM An Tuah 8 Nov 2023 Chin ramkulh, Tonzang khuapi hrambunh palik sakhan in palik pathum le Khampat khua hrambunh palik sakhan i palik pakhat cu Tonzang peng mizapi ukhruainak phu sinah CDM an tuah, tiah theih a si. Tonzang khuapi hrambunh in
palik pathum le Khampat khua hrambunh in palik pakhat cu October thla chung ah CDM an rak tuah. SAC kuttang palik nih CDM tuah nan duh a si ahcun zeitik caan paoh ah pehtlaih khawh kan si i lunglawm tein kan in don ko hna, tiah Tonzang peng mizapi ukhruainak phu nih nihin November 8 ah an thanh.
Salai Ngun San Aung nih CNA ralbawi Salai Elishama a thih mi kong ah a chimmi cu, “ka dua ziah kan rian kan lim rih tung lo. Thi le sa in Zeihmanh Pehtlaihnak kan ngei lo nain lente kan icelh ti. Lamzawh in uknak thalo dohnak ah kan dir ti. Kan itinhmi tlam a tlin tilo i hriamnam tlaih hau dirhmun kan phak tikah Bomb ser le hmanh kan cawng tti. Ka kawi tiah kan i au ka nau zong na si. Ziah bomb cu ralrin tein tawntham ding kan ti zungzal lo maw? Milai tang hleiruk awng (Master) pi ziah Naa ven khawh lo ee Lai Sianghleiruun Siangngakchia Bu (LSSB) in Chin Student Union (CSU) tiang Present a rak tuan ve mi
Minung 7000 tluk kainak Kalay University pi aiawh in Monywa le Mandalay tiang bawlung chuih, tlengper, thirfung khawh, tlik zuam, lungcheh le tiin zaanglek a phunphun University Pakhat pi hmanh a rak aiawh tawn ve mi pasal a tlu le pur kho dingah kan Ruah tung lo ka nau. Zeitinhen kan ihnemh lai. Kaa zumh kho lo ee ka naupa aw. Aaaa ka thin hih ziah hen mah celngel hi ka cungah hin a tlun hnga…Jose Lian le Tluang te he lawng nan zuun vun tuar ding hi
nan kan ruah khawh ko maw?Nan zanglu hmanh sihlah ka nun buin nan ka thah bak ko zawngrual hna. Phun Sang, Tial Chawn, Lai Kulh, Van Biak, NG Lian, Elishama… Nan limtak manh lomi lohma caah nan lungsiaherh hlah umu nan Uupa ka taang rih. Ka nunchung paoh dohthlennak cu ka tuan lai nan Phu ka hlam hrimhrim lai mu.” Tiah a tialmi a si..