Lawmhpi cio hna usih; CNF/CNA Brigade-1 Sergeant Salai Robin Thang le CDF nungak nih tthitumhnak puaih uah an timh ee

Lawmhpi cio hna usih. CNA le CDF hna pahnih Nunnak thaap in ram riantuantu hna ramtoi Pre Wedding hmanthlak an tuah tiah kan theih.. Chin National Army (CNA) Brigade-1 in Sergeant Salai Robin Thang le CDF-Matupi ngandamnak lei tuanvo ngeitu Mai Sabina Hluai nih ram toi ah an i thlak mi

Pre wedding hmanthlak an si tiah theih a si. Salai Robin Thang hi CNA ralkap sen hnih a si I, a tu hi CNA brigade-1 hmunhma thlanglei Laitlang Matupi, Kanpetlet le Paletwa lai ah rian a tuan cuahmah lio a si tiah kan theih. Atu bantuk in chungkhar an dirh mi cung ah lungtak tein kan lawmhpi hna. November 4, 2023

Zualko: USA ram ah A faak bikmi Ngaihchiatnak kan tong ee. Kan Laimi nuva hna pahnih an pahnih tein Motor Accident in an nunnak a liam ee tiah kan theih cu kong he pehtlai in Salai TiaL Thawng nih a tialmi cu “Mah hna nuva hi,an pumpak,an chungkhar,an khua kong le an sining pakhat hmanh ka theihmi hna an si lo. Tuni nuam tein Dawr an kal nakah an nuva tein motor accident in an liam an timi ka theih le an hmanthlak ka zoh hna ahhin

ka lung aa nuam lo ngaingai. Update—An Pa khua hi Hniarlawn khua a si I,,an Nu khua hi Thangzang khua a min ah Vangte ti an si tiah an chim. fale 3 an ngei e tiah an chim. An kal taakmi hna an fale ca zong ah zeitluk in lung a fah lai mu. Tantaakmi chungkhar Bawipa nih in hnem ko han she mu. Nunnak liammi an min tling kan theih lomi cung ah kan theihthiam ulaw. Minung kan nunnak ngai hi mu!

Zualko: A poi tuk e tuchun kahdohnak ah CDF Pasaltha pakhat nih nunnak a pek tthan ee. Tuchun ah Laimi tampi umnak Kalaymyo he hlaat nawn khua a ummi Yazayo khua SAC Ralhrang hna cu CDF le PDF phufonh hna I an va kah doh tiah theih a si. Hi kahdohnak ah Ralhrang 4 an thi tiah kan theih I, kan Pasaltha lei in

Tedim peng PDF Zoland lei in Salai Mung Cin Muan @ Muanpi PDF(Zoalnd) nih Yazagyo  ram le miphun caah a nunnak a pek ee tiah kan theih. A tantaakmi a chungkhar le rualchan vialte lungtak tein kan in ngaihchiat pi hna. Pathian nih in hnem hna sehlaw pasaltha Muanpi hi a sangbik upatnak kan pek.  Na keneh kan pehzulh lai. PDF Zoland hi Tedim peng Chin hriamtlai an si.

Paletwa Peng Sami Khuachung Kahdohnak Ah Tualchung Mi Nu Pakhat Meithal Nih A Khen. 4 November 2023 Chin ramkulh thlanglei Paletwa peng Sami khua No.1 sang chung ah nihin November 4 zinglei ah CNA  le SAC ralkap kar kahdohnak a chuak i tualchung mi nu pakhat cu ralhrang meithal nih a khen, tiah tualchung mi sin in theih a si. Sami khua tualchung mi pakhat nih, “nihin November 4 zinglei suimilam 6:30 in suimilam 8:30 tiang hrawng tiang Sami khua luhnak ah

kahdohnak a chuak i thla 5 naute a ngeimi nu pakhat cur ralhrang meithal kuan nih a khen caah siizung ah an kalpi, tiah a chim. Sami khua luh No.1 sang chung ah ruahlopi in tuzing suimilam 6:30 hrawng ah kahdohnak a chuak i SAC ralkap le CNA an i kap i a thi le aa hliam kongti belte kan hngal lo, tiah tualchung mi nih an chim. Hriamtlai phu an tam ngainak CNA, CDF Paletwa. CDF Daai le AA an umnak  Paletwa peng Sami khua chung ah atu bantukin kahdohnak a chuah lengmang caah tualchung mi cu thinphang ngaiin an um tawn, tiah theih theih a si.

Mizo Nungak Ah A Ruak In An Hmuh A Si.November 4 | 2023 October 28, khan konglam theih ti loin a tlaumi nu Lalnunthiangi Mission sang Thapar Sianghleirun (Thapar Institute Of Engineering and Technology), Patiala, Punjap-a Biotechnology-a doctor of philosphy a cawng liomi ah zumh ruahmi RUAK cu November 2, zing suimilam 11:00 khan hmuh asi tiah an langhter. October 28, khan Lalnunthiangi hi a hawikom he an chuak i mah hnu khan

a konglam theih asi tilo. Lalnunthiangi tiva pakhat pawngah a bag, identity card le hnipuan cheukhat cu October 29, khan an hmuh caah Patiala palik nih hlathlainak an kalpi colh tiah theih asi. Mission sang tualchungmi sin in Bengvarna media nih thawngpang a theih ning in, Lalnunthiangi le a hawikom (miphun dang) mi ah ruahzumh mi hna RUAK hi hmuh asi tiah an chimh. RUAK Lalnunthiangi ah ruahzumh asi nain a chiat deuh cang caah fiangfai in kan thei kho lo tiah an chim chih.

Kan Laitlang  Mindat Khuachung Ah SAC Ralkap Nih Vanlawng In Bomb An Thlak. 4 November 2023 Chin ramkulh, Mindat khuachung ah SAC ralkap nih nihin November 4, zinglei suimilam 10:30 ah hriamngan telh in vanlawng hmang in bomb thlak in kahdohnak an tuah, tiah theih a si. Mindat khuachung a ummi SAC ralkap pawl nih khua thlanglei kam Mindat-Matupi motor lampi an kah ve, tiah an chim. Kaphnih kar kahdohnak a um tuk lo nain

SAC ralkap nih Mindat peng khuate lei hoih in atu le atu hriamngan an kah tawn. Khah-Lah-Yah 274 ralkap nih hriamngan telh in vanlawng hmang in bomb he kahdohnak an tuah caah hliam le rawh kong ah zeihmanh theihmi a um rih lo, tiah The Mindat Post nih a ṭial. Hmanthlak : CDF-Mindat