A poi tuk cang ee: Israel le Hamas Tapung kahdohnak ah Israel ralkap thi zat an langhter cang ee

Israel nih kan ralkap 15 an thi cang tiah an thanh. Israel le Hamas kahdohnak a cang cuahmah mi ah kaphnih in a thi le hliamtuar zong an khar chin lengmang cang. Israel ralkap hna nih cun Gaza ah a um mi Hamas hna hrambongh awk ah an luh hnawh pah lengmang cang hna, asinain a ralkap zong an thi pah lengmang ve cang. Cawn ni hnih kahdohnak khan tutiang ah

Israel ralkap minung 15 an thi cang tiah Israel nih a langhter. Gaza ah hliam a tuar mi le ramdang passport ai tlaih mi minung 320 hna cu November 1 ni ah Gaza ramri kan in Egypt ah an chuak kho, dam lo cheukhat cu a naihnak bik Sizung ah an kal pi colh hna. Hamas ralbawi ngan nih cun October 7 ni ah kan tuah mi kahdohnak ah atu lio ah

Israel ram a hruaitu Benjamin Netanyahu polici kan duh lo ruangah a si tiah a langhter. Cun Israel nih kan tlaih mi hna kan chiah hna nak inn bomb a thlak hnawh ruangah minung 7 an thi tiah an langhter chap. Hamas lei hawih in bia a chim lengmang tu Jordan nih Israel ram ah a chiah mi a palai hna cu arannak in tlung colh ding a auh cang hna.

Kan Laitlang  Matupi khua mi SAC ralkap nih khualtlawn an sianh hna lo. Matupi khuapi ah khua a sa mi hna cu SAC ralkap nih khualtlawn zong an sianh ti hna lo tiah theih a si. Kan hnung te ah Matupi le Hakha lampi cung ah CDF-Matupi nih SAC ralkap cu an kah hna hnu in a tu bantuk in khual leng chuah an duh lo nak hi a si. SAC ralkap nih hin October 29 ni khan Matupi khuapi chung ah

a um mi hna cu khua leng chuah hrim zong an sianh hna lo i, khuapi chungah an erh ko hna tiah theih a si. Atu bantuk khual leng chuah an kham ruangah Matupi peng khuate hna cu Cite, chiti tibantuk an harsa ngai manh, anmah khuapi chung um mi lila zong nithum chung te phihkhamnak an tuah hmanh ah thilman a kai tuk cang i

hi nak caan sau deuh an kham sual ahcun tiin thinphang in an um hna tiah an langhter. Matupi khuapi chungah luh chuah a ngah ti lo, khual tlung an tam tikah anmah caah ahim ti lo, khuapi an chuah tak tikah khua chung thilsining tampi an kan chimh tikah an ttih tuk i si la dah tiah CDF-Matupi in ttuanvo ngeitu pakhat nih a chim. Crd: Chanthar Media

Unau Phu 3 Hna He Kahdohnak Ah Aa Telmi BPLA Ralkap 4 An Nunnak A Liam. November 2 | 2023. Shan ramkulh, chaklei Operation 1027 ah unau phu 3 hna he hmunkhat ah kahdohnak i, aa telmi Bamar People’s Liberation Army(BPLA) chungtel 4 an nunnak a liam, tiah BPLA nih thanhca an chuah. Shan ramkulh chaklei hmun pakhat ah Sagaing hrambunh SAC ralhrang Ṭet-mah 33 kuttang um battalion Khah-mah-yiah (13) le BPLA hriamtlai hna cu aluan ciami October 28 ahkhan

kahdohnak a chuak i SAC ralhrang lei thimi ruak 40 leng hmuh an si pinah Major Nay Lin Aung telh in 3 tlaih khih a si. Cu kahdohnak ah BPLA chungtel pasalṭha 4 an nunnak a liam ve, tiah an langhter. Nunnak liammi pasalṭha hna cu Tabayin tualchung mi hna an si i ram le miphun caah nunnak petu Commander Htay Kyaw, Commander Chit San Maung, Deputy Commander Aung Pine le Min Ko Nine hna cu upanak sangbik kan pek hna i an ruak kan vui hna, tiah Bamar People’s Liberation Army(BPLA) nih cathanh an chuah.

Thantlang Peng CDM Hna Nih Harnak Tampi Kan Tong Nain Fekte In Kan Dir Lai Ti Ah CDM Cheukhat Nih An Chim. November 2 | 2023 Chin ramkulh Thantlang pengchung ah ummi cozah rian a ṭuantu hna chungin a tam deuh cu 2021, February 1 thok in SAC ralhrang nih hramhram in nawlngeihnak a laak ruang ah CDM kan tuah. CDM kan tuah hnu in eidin thilpuan ah harnak tampi kan tong ko nain SAC ralhrang kuttang kir ṭhan i har lonak cun atu ning hin fekte in kan dir ko lai, tiah CDM cheukhat nih an chim. “SAC nih nawlngeihnak a laak hnu 2021, February 1 thok in CDM ka tuah. CDM ka tuah hnu ah

thlahlawh ka hmu ti lo nain Thantlang khuapi chung kan umlio ahcun rian ummi paoh ka ṭuan i kan tlamtling ko. 2022, September a zarh 2nak le a zarh 3nak ah khuapi chung ah kahdohnak a chuak i um awk a ṭhat ti lo ca ah khuapi chung um mizapi nih September ah khua kan chuahtak. Zarhkhat/hnih chung hrawng lawng a zaam ding i kan i ruah ca ah thilri zong tam kan keng lo. Pehtlai in kahdohnak a chuak i SAC ralhrang nih innlo an khangh dih caah atu tiang kan zaam hna” tiah CDM a tuahmi pakhat nih Zalen ah a chim. 2021 kum dongh lai tein 2022 chung tiang cu

CDM bawmhnak voikhat hmuh ah 50,000MMK kan hmu nain hmante in kan hmu lo. 2023 kum thok ka ah 50,000MMK in voikhat kan hmu rih i October thla ahkhan thla 5 ca ah 100,000MMK kan hmu ṭhan. Thilman a kaituk cang i chungkhar khuasaknak a har ngai ca ah Non-CDM a tuahtu pakhat/hnih an um nain keimah telh in a tam deuh nihcun atu dothlennak caan chungah nunnak a pemi hmanh an um. Mah kan tuarmi harnak hnga cu chim awk a tlak lo. A dongh tiang fekte in kan dir ko lai, tiah a chim chap. Thantlang khuapi cu aa dawh ngaingai mi khua pakhat a si i SAC ralhrang nih nawlngeihnak a laak hnu in an khangh lengmang ca ah 90% cu a ciam cang, tiah kan theih