A poi tuk ee: Iran nih Israel do tu ding bak ah a zuat ve mi Yemen ram hrambunh Houti ralhrang biaphuang tu nih cun Israel tukdoh ding in Missile le Drone kan thlah

Israel nih Gaza ah target 11000 renglo kan kah cang tiah an langhter. Israel le Hamas buainak ni 25 chung ah Israel ralkap nih cun Hamas hna umnak target 11000 renglo kan kah cang tiah an langhter. Israel cu Muslim ram hna nih Gaza ah na luh ahcun tiin ralrinnak phunphun an pek ko nain zei ah rel loin a ral Hamas pawl hram bongh awk ah Gaza ahcun ni khat hnu ni khat thuk chin lengmang in a ralkap pawl a luhter cang hna.  Cawn nikhat ni zaan ah Gaza ah a um mi

ralzaam camp ngan bik cu Israel nih Fighter Jet in a va kah caah ralzaam tampi an thi tiah an langhter. Israel nih cun ralzaam hna lakah Hamas ralbawi pa ai duup ruangah kahdohnak kan tuah hi a si. Cu kahdohnak ahcun kan target a simi Hamas commander pa kan thah tiah an langhter. Asinain Hamas nih cun

kan ralkap hrimhrim ralzaam hna lakah an i thup lo tiah an lanhgter ve. Cawn nihnih ni tiang Gaza ramchung kahdohnak ah Israel ralkap minung 9 an nunnak a liam ve tiah Israel nih cun an langhter. Iran nih Israel do tu ding bak ah a zuat ve mi Yemen ram hrambunh Houti ralhrang biaphuang tu nih cun Israel tukdoh ding in

Missile le Drone kan thlah tiah an chim. Cun hi hnu zongah hi nak tam in kahdohnak tuah ding in timhtuahnak kanngei tiah a chim chap. Atu hi Gaza ahcun phone tower a rawk caah pehtlaihnak zong a rawk dih tiah an langhter. Asinain nizaan zaanlei ah khan Gaza thlanglei ahcun bawmhnak phurtu mawtaw Truck 70 tluk a lut, hihi US nih Israel a chawnh ruangah a si tiah mibawmtu hna nih an langhter.

KIA cungah kan lungsauhnak a dih cang tiah SAC ralkap nih a chim. Kachin Independence Army (KIA) nih kan camp tamtuk a lak cang caah kan lungsauhnak nih a zawh dih ti lo tiah SAC ralkap nih cun an langhter. Myitkyina le Bahmo lampi cung ah security a la mi Gundauyang ralkap camp cu KIA le ahawile nih October 31 ni zing ah an kah ee tiah SAC ralkap nih cun an langhter. KIA le ahawile hna nih cun October 6 ni zongah Laylone camp zong an rak kah bal cang, hi hmun hi mizapi hman mi le abiapi tuk mi lampi a si caah hi ralhrang bang nan cawlcanghnak hi ma cang, cu lo ahcun

kan i in cawk lai lo i kan in lehrulh hna lai tiah voi hnih bak kan chimh cang hna. Asinain ralrin peknak duh loin an tuah tthan caah kan lungsauhnak vialte a dih cang tiah SAC ralkap nih cun an i hrocernak an langhter. Cun KIA he hin zungzal kahdaihnak tuah ding in kan sawm lengmang ko hna nain an duh lo hlei ah ahawile he kahdohnak an tuah lengmang caah an tuahsernak he ai tlak mi lehrulhnak kan tuah nak hi a si. A cu hmanh ahcun ramri um mi an si caah

ramri leng kan kai sual lai ti phang in ralring tein lehrulhnak kan tuah hna tiah an langhter chap. SAC ralkap nih atu bantuk in cathanh an chuah hlan ahhin Laiza khuapi ralzaam umnak zong an kah hlei ah Kachin ram hmun tampi ah Vanlawng le miakpi in bomb an thlak lengmang cang tiah theih a si.

Mandalay PDF Nih SAC Raltuknak Tank Pakhat An Hrawh I Meithal Le Hriamngan Dang Zong An Laak. 1 November 2023 Shan ramkulh, Naungcho peng Ummati- Ummakha lamṭhen pawng ah SAC ralkap raltuknak tank cu tualchung hriamtlai phu kahnak in a rawk i methal zun 6 le hriamngan zeimawzat an laak khawh, tiah Mandalay PDF in ṭuanvo ngei Aungsamon nih a chim. November 1, zanlei suimilam 4:27 ah Pyn Oo Lwin in Naungcho khua lei hoih in raltuknak tank 2 le motor 28 he a kalmi SAC ralkap 150 hrawng cu Mandalay PDF nih Naungcho peng Ummati-Ummakha lamṭhen pawng ah

an kah hna i raltuknak tank pakhat a rawk i SAC ralkap pawl cu hnu an tolh. Tualchung hriamtlai phu nih SAC ralkap hmanmi MA1 zun 1, MA2 zun 3, MA3 zun 2 le a dang hriamngan pawl an laak khawh, tiah theih a si. “Raltuknak tank cu kan kah i meikhu a zelh in aa zel i hnu an tolh, kaphnih kar kahdohnak a fah caah SAC ralkap thi zat a fiang rih lo, meithal zun 6 cu kan laak khawh,” tiah ṭuanvo ngei Aungsamon nih cun a chim. Naungcho peng ah kaphnih kar kahdohnak a um lo nain

SAC ralkap nih zing suimilam 11 hrawng ah voi khat, chunhnu hrawng ah voi 1 tiin Jet Fighter in kahdohnak a tuah. Kaphnih kar an i kahdoh lio zong ah vanlawng in sehmeithal he voi 14 nak tlawm lo kah an bawmh hna, tiah theih a si. Tuzan suimilam 7 tiang ah kaphnih kar kahdohnak fak a chuak i SAC pawl zong hmai an fong kho lo, tiah Mandalay PDF nih thawng an thanh. PDF Mandalay cu NUG Defense Ministry tang ah a ummi phu an si i 2023 October 26 ni thawk in Taungtaman Operation an kalpi, tiah theih a si.