Ralpi tho kho cang: Israel nih Hamas cu Ground force in an luh hnawh cang hna i, Israel minung tampi nih Gaza hi lak thai ding
Zasang Cinzah: Israel nih Hamas cu Ground force in an luh hnawh cang hna i, Israel minung tampi nih Gaza hi lak thai ding a si an ti cio. Israel Prime Minister Netanjahu nih “tutan ral hi a har lai pin ah a sau zong a sau kho” tiah a chim. Zeicatiah, Hamas hi an hram a fek ngai cang pinah, vawlei tang lam/ tunnel tampi ah hmun an iserh tikah a fawi lai lo ti a si. Israel nih Palestinian ram, Gaza hi 1967, The Six Day war timi lio ah Egypt sin in an lakmi ram a si. Cu thawk cun, Israel nih an uk hna i 2005 ah Self-Determination an pek hna. Gaza in Israel ralkap an chuak. Israel chungkhar 8000 renglo zong an chuak i,
Gaza cu luatnak an pek hna. Chaklei Palestinian ram, West Bank zong khi, Israel nih Six Day War lio ah Jordan sin in an rak lakmi a si ve thiam. Palestine nih chaklei West Bank he Gaza he, Palestinian uknak pakhat tang ah an chiah. Asinain Hamas ralhrang cu, 2007 lio ahkhan Palestinian election ah an lut ve i, Gaza ah teinak an co. Cu thawk cun, Gaza le Wesk Bank zong uknak aa then. Gaza hi Hamas ralhrang nih One-Party system in an uk hna i,
nihin tiang an uk hna. Israel nih Palestinian an uk hna hi anmah Israel himnak an ruah tuk caah a si. Israel security hnahnawh loin, daite in an ram ah um ko hna sehlaw, a luatmi ram, a daimi ram an si ko lai. Asinain, Arab ram, Muslim extremist nih Vawlei Map ah Israel a um hrim an duh lo caah nihin tiang a dai khawh lonak hi a si. Hamas ralhrang nih Gaza ah teinak an co lio ahhin, Vawlei pi an ngai a chia. Palestinian mipi an palh tuk an ti cio hna. Iralhrang pawl uknak an pekmi hrim hi
an rak mawh tuk an ti hna. Hamas ralhrang nih Palestinian thangchonak an tuah lo. An uk chung vialte, Israel dohnak le hlohnak khur an cawh. Nihin ah Israel nih Gaza a phawmh i, lak tthan ding dirhmun a phan i, 2007 lio ah Palestinian mipi duhthimhnak an rak ipalh caah a si tiah ruah khawh a si. Hamas nih kum 16 chung Gaza an uk i, Palestine thangchonak ser loin, Israel ram chung luh khawhnak tunnels an cawh. School le Hospital paoh hi, tunnel luhnak kua le chuahnak kua ah an ser. Kum 16 chung hram an isihmi le timhtuahnak an ngeihmi an si tikah, tutan ral hi a fawi lai lo tiah an ruah cio hi a si.
SAC Ralhrang Kuttang Ramri Vengtu Major Ralbawi 1 Ralhrang Sii Bawi 2 Le Captain 2 Telhchih In 7 Mandalay PDF Nih An Tlaih Hna Oct 30 | 2023 October 26 in 30 tiangah, Sister alliance 3 “1027 Operation” cawnlcanghnak phu (Mandalay) People’s Defence Army nih “Taung Thaman Operation” kalpi in SAC ralhrang kuttang ramri vengtu major ralbawi 1, sii bawi 2, Captain 2 telhchih in
ralhrang 7 an tlaihkhih hna tiah theih asi. Mandalay PDF nih an tlaihkhih mi hna lak ah hin, ramri vengtu major ralbawi 1 Pai Soe Tun, No 88 zung kuttang ummi No 10 tanglei hriamtlaiphu zohkhenhtu sii bawi Aung Zin Oo, No 3 hmuhma phuṭhen 2 (Division-2) ah sii bawi rianṭuan mi Aung San Kyaw telchih in
ralhrang 7 cu an ralthuam he an tlaihkhih hna tiah Mandalay PDF chingin ṭuanvo ngeitu pakhat nih Yangon Khit thit ah a chim.theih asi. “SAC ralhrang hi Taung Thaman kahdohnak caan lio khan kan tlaih mi hna ansi a hmun le hma zeitin kan tlaih hna timi tu cu kan langhter lo” tiah Mandalay PDF mipi ralkap chungin Ko Aung Sa Mon nih a chim.
Monekoe Um SAC Ralkap Sakhan 3 Le Chinshwehaw Um SAC Ralkap Sakhan Pakhat MNDAA Nih An Laak Chap. 30 Oct 2023 Shan ramkulh, chaklei Monekoe hmunram um SAC ralkap sakhan 3 nak tlawm lo cu nihin October 30 zinglei ah kan laak ṭhan, tiah MNDAA in chimphuannak nawlngeitu Li Kyia Win nih a chim. “Nihin zinglei ah Monekoe hmunram um SAC ralkap sakhan 4 tluk kan laak chap. Nizan October 29 zong ah Chinshwehaw hmunram chaklei kam ah
a ummi Shante sakhan zong kan laak khawh i cu sakhan in a zaammi SAC ralkap 12 zong kan tlaih hna” tiah a chim chap. SAC ralkap cheukhat cu mi sawhsawh thuam hruk buin sakhan chung in an zaam. Cu pinah Lashio-Theinni lam um Theinni hlei zong MNDAA nih bomb in an puahhnawh, tiah theih a si. Cu pinah TNLA nih nizan October 29 ah
Theinni um SAC ralkap sakhan pakhat an laaknak kong an thanh. Theinni peng Maili sakhan an laak lioah SAC ralkap meithal zun 15, kuan tampi le ralkap thilri tampi an laak, tiah theih a si. SAC ralkap nih nihin October 30 ah Helicopter nih Monekoe, Manyan, Pansai hrawng bomb in a thlakmi muicawl zong MNDAA nih an langhter.