A Dik Tuk Kan Lai Phung Kan Buar Tak Tak Cang Ko Rua Ee

By saya zasang cinzah Tu chan mino nih nupi an thit tikah ningcanglo ngai ah ka ruahmi pakhat cu Aa duhmi nungak-tlangval nih anmah tein Engagement Ring an ipe. Fiang deuh in chim ahcun, Nulepa nih halpiak hlan ah anmah tein engagement an tuah. Anmahte in an i hal (Will you Marry me? le  Yes I do) tiah an iti. Hi tiang hi cu, mirang nawl an icawn i, ningcang ah ruah khawh a si ko hnga. Asinain,

Anmahte in engagement an ituah dih cang hnu ah, nulepa nih a thar in va halpiak tthan tbk hi  fake/ a lem thil tuah sawhsawh ah aa cang. Lai phung a si, kan ti lai nain,  a deu in va tuah kha a si cang.

Cucaah, logic in chim ahcun, aa duhmi nungak tlangval nih, mirang bantuk in anmah tein, engagement an tuah i, ring an ipe cang ahcun, i hal piak tthan lengmang a hau ti hnga lo. Wedding le man kong ceih khawh colh a si ko hnga. Asinain, lai phung tein ihal an duh ahcun,

Nulepa nih inn kai, ihalnak an tuah hnu ah Engagement Ring hna ipe hna sehlaw, cuticun aa dawh deuh hnga:)

Miphun pakhat, nunphung ttha tein a ngeimi kan si bantuk in, tulio chan ah kan tuahmi, kan kalpining thil tete hi ningcang a tlaimi nunphung an si maw tbk tuahchih lengmang ttha a si, ka ti.