Senthang Lung ti mi pa nih CNF/CNA Hruaitu Salai Htet Ni cu mahti bak hin a thangchiat

BREAKING NEWS Hakha CDF (B2) nih a fawi te in sawm kho le rian a fial kho mi CNF/A Pu Thet Ni. Ram kip um Senthang mipi hna zei tik can ah nan lung a fim te lai? Senthang mipi hna a tu hi Senthang Ram le Khua a si mi Phaipha (B) khua ah Hakha CDF B2 le B2 lei a tanh tu Bu pawl sawm nak in CNF/A Pu Thet Ni le minung pa 10 hrawng an phan i

an mah nawl in Khuabawi thim nak an tuah pi hna lio a si . Thim nak an tuah kho le kho lo a fiang rih lo. Date- (20.8.2023) ni zan  Thaizing zong ah Hausen khua ah an kal lai i Khuabawi thim nak ning cang lo in an tuah pi hna lai tiah theih a si. CNF/A bu Pu Thet Ni nih a mah nawl in Khuabawi thim nak nawl a ngei lo i a tuah pi kho hna lo, Senthang cu CNF/A uk nak tang ah a um mi an si lo i CNA cu ralkap bu a si i mipi Uk nak lei hruai nak ah a thlak tuk ding bu an si lo, CNF/A policy zong ah a um mi

a si hnga maw ti zong ruah a hau ngai cang, Mah tiin CNF/A pawl nih uk nak ah a thlak i kap tanh in rian an tuan a si ah cun kawl Ralhrang pawl an rian tuan he a dang nak a um ti lo,  Chin huap in rian a tuan mi Bu kan si aa ti mi CNF/A bu cu Chin huap in rian tuan kho ding an ni zuam lo, CDF bu cio cio ah kap khat long tanh le Hakha CDF tanh in rian a tuan mi bu an si ti mi a lang tuk cang.  CNF/A upa cheukhat pawl cu Chin huap kho nak lungput an ngei lo an kaa long nih an chimh sawh sawh i a si , an rian tuan ning ah

Hakha CDF nih an duh nak poh ah a fawi te in an sawm kho hna i Hakha CDF le B2 nih an duh ning in rian an fial kho hna ti hi a tu Senthang ram an colcangh nak in theih khawh a si. ( CNF/A upa cheukhat ning cang lo in Senthang buai nak ah Senthang ram ah va kal i an colcangh mi a voi tam ngai cang) Chin huap in rian a tuan mi bu kan si ti tung i CDF bu pakhat te nih duh poh in sawm kho le rian fial kho mi bu cu Chin huap in rian a tuan mi bu kan ti kho hna lai maw? Mipi nih ruah ngai ngai ding thil a si: Catialtu Senthang Lung

Myanmar Vice President 2 Pu Henry Van Thio Dirhmun Hi Soisel Dingah Ka Ruat Lo! Pu Henry Van Thio dirhmun ah kai dirter ahhin tu a dirhmun ai thimmi hi ka soisel ngam bak lo. Cun Dr. Ngun Cung Lian le Dr. Hmuh Thang tepawl he tahchun dingah an dirhmun zong hi 100% in an i đang tiah ka ruah. Midang cu MAH bawmh dingin a fuhmi an si i a nih cu thong chungin ai thim mi asi timi zong kan i fian a herh! Ralhrang nih hin NLD MPs tampi tuksapur in an thah mi nan theih cio hna, HVT techung hi

an chungkhar in zeibantuk dirhmun le thihnak thlantlang tiang an dirkhawh timi khi kan thei lo. Keimah ka zumh ning ahcun thih maw na duh kan sinah um ve? timi duhthimnak tlangah an dir lai ka zumh. Cun Myanmar Democracy Icon leader Pi Suu tepawl dirhmun taktak ah a dirmi zong a va si lo caah Pi Sưu tepawl zong thongtlak an i thim ve ko cu kan ti men lai, asinain

an dirhmun khi ai đang lawlaw khi asi. Pu Henry Van Thio hi ka khua le pengtlang minung zong asi lo, cun kei cu dothlennak a duhmi ka si fawn ko, asinain Dr. NCL le Dr. HT tepawl he an dirhmun hi cu ai đang lawlaw. Minung hi hmunrem tuk i kan umnak hmun in thih le nunri ah a dirhmi hna hi raltha tuk le mah duhduh in an kong kan ceih hna le sual kan phawt hna awk asi thlu lai lo dah! Kan miphun le ram a leirawl lai hi ka zum kho bak lo. Crd: Chelsea Bawi

CDF-Asho Le SAC Ralhrang Kahdohnak Ah Warrant Officer Telh In Ralhrang 2 An Thi; Hliamtuar Zong An Um. August 21| 2023 Magway ramthen Ngape peng, Myalett khua pawng ah CDF-Asho le SAC ralhrang kahdohnak ah Warrant Officer (I) telh in ralhrang 2 an thih pin ah hliamtuar zong an um tiah CDF-Asho nih August 21 ah thanhca an chuah. August 20 zing suimilam 5:30 tluk ah

Minbo-Ann khua kar motor lam kam ah SAC ralhrang umhmun an khuarnak sakhan cu CDF-Asho nih luhhnawh in an kah hna hi a si. Hi kahdohnak ah Warrant Officer (I) cu a hmun ah a thi colh i ralhrang pakhat tu cu hliamhma he zanlei sang ah sii zung ah a thi. Mah pin ah hliamtuar zong an um i an sakhan zong a rawk tiah CDF-Asho nih an langh ter chih. Hriamnam le kuan i deih lo ruangah CDF-Asho ralkap pawl cu hliam tuar lo tein hnulei ah an pil than tiah kan theih