Thaizing Lai Pa Chin Pa Tial Cung Thang A Thongh Cang Lai A Lak Te In Zoh Nak Ding A Duh Mi Caah Ka Van Tarlang + VIDEO

Thaizing lai pa chin pa tial cung thang a thongh cang lai a lak te in zoh nak ding a duh mi caah ka van tarlang kawl ram lei caan cun zing suimilam 10:00 hrawngah asi lai aungla nsang you tube ah live thla asi lai.

Kan lai pa chin pa min nei pakhat asi ve mi thazang pe cio hna uh si one champion ah a thong ti lo hnu ah a tu a thongh nak ah hin a tha bik le dawh bik in a si khawh nak ding ah a zuam cuahmah lio mi asi thazang pe cio hna uh si a theih lo le kawl thiam lo um sual ah mah aung la video youtube ka van chiah mi ah hin thaizing cu a lak te zoh cio khawh nak ding ah a van thla lai a mah pumpak zawng in a cung video ah a rak chim chia kha asi.

Rel awk tlak pakhat Na Sining Fiang Tein An Hngaltu Hna Sin Ah Um Khawh I Zuam Hringtu a pa nih a fapa cu degree a lak hnu ah hi hitihin a ti ” Kafa na caah motor pakhat kan cawkpiak, ka cawknak cu a rau ngai cang i, motor zuartu hna sin ah kalpi law, a man va hlathlai” tiah a pa nih a fapa cu a fial.

A pa nih a cawkpiak mi motor cu a fapa nih motor zuartu hna sin ah a va zohter tik ah, hi motor cu a hlun tuk cang i dollar 100 lawng kan in pek lai tiah an ti.

Motor zuartu dang sin ah a va zohter ṭhan, cu hna zong nih cun na motor hi a hlun tuk cang, ṭha tein hman khawh nakding caah tampi remh ṭhan a hauh lai caah dollars 100 lawng kan in pek khawh tiah an ti ṭhan.

Motor zuartu hna nih an chim mi cu a fapa nih a pa sin ah a va chimh tikah, a pa nih cun motor kong ah theihhngalhnak tampi a ngeih mi le mifim thiamsang hna sin ah  va zohter tiah a fial ṭhan.

A fapa nih cun a pa nih a fial bantuk in motor kong ah thil sining ṭha tein theihhngalhnak a ngei mi hna sin ah a motor cu a va zohter. Cu tikah a zohter mi hna nih cun ” hi na motor hi cu hlan chanta a si caah, hi bantuk motor hmuh than ding cu a har cang, cu pinah na motor hi a tha tuk mi a si fawn, cu caah na motor hi dollars sing khat kan in pek lai” tiah an ti.

A fapa nih cu nuam ngai in inn ah a lawi i a pa sin ah cun a tonmi kong cu a va chimh. Cu tikah a pa nih cun “Ka fa hihi kan chimh, kan umnak hmunhma dik ah kan um lo ahcun man kan ngeihnak hi mi nih an kan hngal tawn lo, midang nih upat mi le man ngeihter lo mi na si tik ah thinhung aipuang in va um hlah, ka umnak hmunhma dik a si lo tiin va ruat ko, cun nangmah na man an ngeihter lo mi hna sin ah va um hlah” tiah a chimh.

Na man ngeihnak an hngal lo mi hna ruangah na man a niam tinak a si lo, na sining fiang tein an hngaltu hna caah cun a sunglawi bikmi thil mansung bantuk na si ko.

Biakilh: Hi ca hi kawlca in ṭialmi, a tawi fiannak le a remnak in lehchommi a si.

By. Anna Par