Raltuk Kongah Mizapi Hngalhding Hakha Lamruktonnak Uico Gate Kah Dingin CNA Pathum Le Hakha Mino Upa Meithal Tlai 100 Tluk Nawn He

Raltuk Kongah Mizapi Hngalhding Hakha lamruktonnak Uico gate kah dingin CNA pathum le Hakha mino upa meithal tlai 100 tluk nawn he timhtuahnak kan rak ngei.

Nan phone off dih uh hohmanh nan chungkhat chim hna hlah uh tiah voi hra te ka ti hna buin pakhat nih a thli tein Gate hram ummi a chungkhat kha voice message in rak ithial uh gate kan kah lai tiah thawng a thanh hna. Cu cakuat cu minute 10 hlan ah Hakha Thar a cul dih. Ramleng tiang a phan. Pathian thawngin kan kal hlan ah ka theih manh i kan mission ka rak thulh pi hna.

Hakha khuachung kahnak ding cu Major Solomon Dun (Atu cu Lt. Col) a si cangmi hruainak in khua pakhat ah strategy kan rak ser hna.

Tuah bal ve lo kan ti cu kei ka si, Runbawino Van Tha Bik a si, CDF Hakha Brigade Commander a si blackboard chungah pakhat hnu pakhat ca in kan tial kan ruahnak kan chim. A fawinak cun Strategy kha meeting biachahnak in tuah kan timh. Major Solomon Dun nih cun a kan zoh ko kaa khat hmanh a holh. Tuk dingah tuanvo pek ka si bang ka naule he kan kal ciammam cu kan nungin an kan tlaih dih lo kha khuazing huhphenhnak a si.

A kum hnu piah Major nih cun strategy cu mah ti khan suaiphung a silo. Commander nih a herh timi pahnih thum a auh hna lai khua a ruahpi hna lai an ruahnak a hal hna lai. Mah cung khan bia a khiah lai i ralkap kha a hruai hna lai rian a pek hna lai a ka ti i a hlan kong kan ruah ah khan thideng in ka kawifa kan ni.

Laimi cu ramdang te hna in strategy nan rak kan suaipi online te hna in Vaurawng tiang hna ah khin strategy suaipi nan kan timh Kan hnulei Tonzang um ralhrang kah dingin an kal lioah CDF Tongzang hruaitu pakhat nih a chungkhat pawl kha ralhrang pawl kah kan timh hna rak i thial dih uh tiah thawng a thanh hna caah ralhrang pawl an lung a hring i kan ralkap pawl tu an thi dih deng. Kah an timhmi an mission cu an tlolh ii mithli tla le hacang rial in an thin le an law he kan hawile cu an kir. Khah mah vial ttial ahcun a fiang ngai ko rua ka ti. Crd: salai vakok

Rel zuam mi caah Thantlang kah doh nak ah kawl ralhrang hliam tuar an tam ning hi rak zoh ve hmanh kan theih cio bangin kawl ralhrang thantlang khua um mi hna cu kan chin pasaltha kan ralkap hna nih ni 14 ah khan an kah hna kha asi.

Tuzing ah fb cahmai ah hliam tuar mi kawl ralhrang an tarlang mi hna cu Aug 14 ah Thantlang khuachung ah ralhrang le Chin ralkap kahdohnak ah ralhrang hliamtuar a tlawmbik 60 tangttum lo cu,

Hakha siizung ah ralhrang motor ngan pahnih nih Aug15 ah a hun chiah hna tiah kan theih. Mah TT kahdohnak ah ralhrang pathum an thi i, pahnih an tlau tiah kan theih tiah Salai William Hlawnceu fb cahmai nih cun a tarlang hi asi.

Thantlang khua kah doh nak ah a hnu bik thawng theih khawh mi cu ti hin a si Chin ramkulh, Thantlang um Khah Mah Yah 269 SAC ralkap hmunpi cu nihin August 14 zing suimilam 5:00 hrawng in CNA, CDF-Thantlang le CDF- Zophei nih an va kah i SAC ralkap hmunpi, Company sakhan cu Chin hriamtlai phu nih kan laak khawh, tiah CNF/A nih an thanh.

Kahdohnak ah SAC ralkap a thimi zat cu fiang in theih a si lo nain Chin ralkap nih SAC ralkap 2 an tlaih hna i meithal zun 6 an laak. CDF- Thantlang in Salai Cung Hmun Thu, Salai Ram Hei Lian, CDF-Zophei in Salai Lai Hnin, Salai Ṭial Cung Bik le Salai Tin Peng Lian nih ram le miphun ca ah an nunnak an pek, tiah theih a si.

Salai Ram Hei Lian hi July 18 Hakha-Thantlang kar Auto tlang kahdohnak ah hliam a rak tuar i, thlopbul cuahmah a si lio, August 14 ah Trinity Hospital Aizawl ah mual a liam.