Ttihnung taktak mi pawl: Min Aung Hliang he pehtlaihnak ngei Laimi kan Pale pawl cu mah hi an si
2 august 2023 Laimi nih kan rak uar taktakmi hna kan Pale pawl cu Min Aung Hliang sin ah an i pehtlaih ning pawl kan van langhter. Dr. Hmuh Thang hi atutan Min AUng Hliang nih August 1 in khan thla 6 chung myanmar uk chap a timhmi ah Myanmar SAC Council member thar ah a thim i, atu SAC Ralhrang Cozah ah rank sang taktak a tuan lio. Cun Dr. Henry Van Thio hi Min Aung Hliang nih
Vice President dirhmun in a khinh i, Laiking(Kinglang) bantuk in a color ai thlen caah SAC kuttang ah a lut ve cang. Cun Dr. Andrew Ngun Cung Lian hi atulio ah Min AUng Hliang ruahnak petu ah a tuan. Cun Pu No Than Kap hi Min AUng Hliang nih rampi thimnak tuah a timhmi ah tel dingin Party a tuah ve mi a si i, Min AUng hLAING kuttang pawl he
an i tong lengamng ve. Cun Pu Ngun San Aung hi Thantlang vutcam ah a cantertu le Laimi mino tam taktak a thattu ah ai telmi a si. An dihlak in hin Kan Laimi caah chiatnak phurtu le Min AUng Hliang a kan that cuahmah mi caah rian a tuanpiaktu lawngte an si tiah atutiang cu kan ruah khawh.
Kalaymyo Thonginn In Thongtla Minung 36 Nih Luatnak An Hmuh Salai Mangpau | August 2, 2023– Sagaing ramṭhen, Kalaymyo thonginn ah thongtla mi 36 nih August 1, chun 1:00 ah luatnak an hmuh, tiah theih a si. Kalaymyo thonginn in luatnak a hmu mi ah pa 31 le nu 5 an si. Luatnak a hmu mi chungah ramkhel lei thongtla an i tel le tel lo fiang tein
theih an si rih lo. Nikum november 17, 2022 Kalaymyo thonginn ah thongtla minung 27 nih luatnak an rak hmuh nain luatnak a hmutu thongtla hna chung ah ramkhel lei thongtla minung 2 lawng an rak i tel. Luatnak a hmutu ramkhel lei thongtla minung 2 cu poh-mah 505(a) in tazacuai le tlaihkhih a tongmi le sianginn cachim saya pakhat le
lamzawhnak hmun pawng ah tlaihkhih a rak tongmi pa pakhat an rak si. August 1, 2023, Buddhist biaknak ni a si mi “Dhammacakka Sutta Day” le Min Aung Hlaing pura sakmi onnak ni can sunhsaknak caah Myanmar ram pumpi thonginn hmunkip ah thongtla mi hna chung in August 1 ah minung 7,749 cu luatnak a pek hna.