Ttihnung tuk: UFC Fighter Joshua Van cu voikhat hmanh sung bal lomi Azat Maksum nih a zuamcawh colh
Jyuly 25 Kan Chinmi le Myanmar mipi nih kan i uangthlar taktakmi UFC fighter Joshua Van cu naite ah Kazakhtan pa Zhalgas a teitu ah vawleipi theihmi ah a van i chuah. Cun naite Zhalgas a tei hnu ah Zhalgas zong cu UFC in an dinhter colh fawn. Cucaah Zhalgas a hawipa a simi Azat Maksum nih Joshua Van cu mahti bak hin a zuamcawh (singkhaw) colh, a chimmi cu
Joshua Van an timi pa he i velh ka duh, kan ram zong a simi Zhalggas cu UFC ah senoir zong a sinain, Joshua Van nih UFC in chuak lak dirhmun in a tuah i a tei. Cucaah telrulcham piak ka duh. Joshua Van he i phomh ding caantha cun ahcun i phomh ka duh tiah a chim. atu Joshua Van a sikhawh tu pa hi UFC ah voikhat hmanh a sung rih lomi a si. Mahti zuamcawhnak a um caah
Joshua van le Maksum hi an i phomh te lai zumh a si. Nain UFC tawlreltu hna nih zeitikmah an i phomh lai timi nithla cu an langhter rih lo. Tutan cu Joshua Van ca zong ah thin a phang pah ngaingai. Aruang cu Maksum hi voitampi UFC ah ai tthua cangmi a si i, a sung bal lomi a si.
Tuhi a bikin Hakha le Thantlang lei ah ral lian a tlung cuahmah, cucaah Camp ah Inn le Lo rianh loin le ralzaam tbk kha vun nen deuh hna i, hi chunmui a tlung lio mi hi kan kham le ceiternak ding kha kan papek cio ah a ttha, rian ah hin a hmasa le a hmahnung tuan ding vun thleidan thiam caan ah kan dir.Thantlang le Hakha lei cu ralhrang nih an nam khun lai, a tulio dirhmun koko ahcun
biatak in ralhrang a doh tu an si, ralhrang nam le luhhnawh lai ttih ah hriamnam ngeihchun te he daidep a um ziarmi zong um phungah va chia ko usih.Cun khat lei phu le khat phu kha mawh i puh hlah usih, kan dohmi ral hi pakhat a si ko kha philh lo tein.Chin miphun caah nunnak a thaptu hna upatnak kan in pek zungzal ko hna. Credit: Salai William Hlawnceu.
SAC Ralkap Motor 90 Karenni (Kayah) Ram Lei An Kai. July 26, 2023 — Karenni (Kayah) ramkulh lei ah SAC motor 90 cu July 24 ni ah Moebye-Loikaw lampi in an kai tiah theih a si. “Kan khua an phanh hi July 24, zing 10:00 hrawngah motor 6, zanlei 5:30 ah avoikhat motor a rungpi arak kaimi motor 30, avoihnihnak a rak kai mi motor 40, July 25 zingah motor 15 tiin an dihlak motor 90 an rak kai” tiah Loikaw peng khuami nih a chim. Moebe-Loikaw lam in a rak kai mi SAC motor rung cu nihnih chungah
Karenni Nationalities Defense Forces (KNDF) le mipi ralkap hna nih lam-orh ah an kah hna caah SAC lei in a thi mi an um tiah khuami nih an chim. Karenni ( Kayah) ramkulh lei a rak kai mi SAC ralhrang lei mi 300 hrawng cu July 21 in July 26 tiang Moebye-Loikaw lam pi in an ra lio ah mipi ralkap he kahdohnak a um hi a si. SAC lei nih khuate um mipi 4 cu an tlaih hna. Mi 2 cu thah an ton. A dang pa 2 cu hriamngan le meithal hliamtuarnak in an thi tiah tuanvongeitu nih a chim.