Halkha khuapi Agape Clinic-ah tuan Doctor pakhat le Nurse 4 Military council ralkap nih an tlaih,

Halkha khuapi Agape Clinic-ah tuan Doctor pakhat le Nurse 4 Military council ralkap nih an tlaih,

23th May 2023 Chin State, Hakha khuapi Agape Clinic-ah tuan lio Doctor pakhat le Nurse 4 hna cu, May 21 zan liopi ah khan Mlitary council ralkap hna nih luh hnawh in tlaih an si tiah, khuachung um mi hna sin in theih asi, Mlitary council ralkap hna nih hin May 21 zan liopi ah khan Hakha khuapi  Zyi Haung Ward, Agape Clinic an luh hnawh hna, Dr. Sicilia, Nurse Henny, Sian Lun, Hniang Sung le J Mawi hna an tlaih tiah theih asi.

Hakha khua chung mi pakhat nih cun “Zan liopi ah Agape Clinic-ah nurse hna an tlaih khi asi, Mlitary council ralkap hna nih hin zan mui ah hin an cawlcang tawn tiin an tlaihnak chan kan theih lo ati fawn, tu hlan bantuk in mino/youth hna hi an tlaih tiin a chim, mah minung 5 an tlaih mi hna hi Hakha khuapi police station-ah an tanter lio khi asi ati.

April 2 ah khan Military council ralkap hna nih Agape Clinic-ah tuan lio Doctor 2 le mi dang 3-hna an tlaih cang tiah ati, mah hna hi April thla hrawng ah PDF-hna nih an Officer an tlaih mi hna he an ithlenter hnu ah chuah than an si tiah chim asi, May 21 zan zong ah khan Hakha khuapi Veng cheu khat ah Mlitary council ralkap hna nih mikhual an check-nak ah khuachung minung 20 leng an tlaih cang fawn.