Bawipa Thawngin: Thantlang Peng Ah A Voi Thumnak Mipi Palik Training Cu Tlamtling Tein An Lim!

Bawipa Thawngin: Thantlang Peng Ah A Voi Thumnak Mipi Palik Training Cu Tlamtling Tein An Lim!

Thantlang Peng Ah A Voi Thumnak Mipi Palik Training Cu Tlamtling Tein An Lim

Chin ramkulh, Thantlang peng mizapi hruainak in a voi thumnak Thantlang peng mipi palik training cu Thantlang peng hmun pakhat ah September ni 5 in 20 tiang tuah a si.

Cu trainning ah cun Karate, Palik riantuan ningcang , Upadi kong le checkhlatnak lei kong hna an i tel tiah theih a si. Cu tranining ah cun minung 56 an kai kho i, training an dih theihpinak minsen thutmi peknak zong an tuah piak hna tiah theih a si.

Cu training a dihmi palik hna nih cun Thantlang peng chungah palik ṭuanvo an lak lai tiah CDF- Thantlang nih cathanh an chuah.

Relchap: Palek pakhat CDF-Kanpetlet sin ah CDM a tuah

Chin ramkulh, Kanpetlet peng ah rian a ṭuanmi palek Pyae Phyo Zin cu hriam he CDF-Kanpetlet sin ah CDM a tuah tiah theih a si.

Palek Pyae Pyo Zin nih CDM tuah ka duh ko tiah an kan pehtlaih caah kan va don i amah nih G3 zuun 1, M16 zunn 1, G3 kuan bawm 3, M16 kuan bawm 2, 7.62 kuan 110, 9mm kuan 5 le kuan khamnak 1 hna aa rak chuahpi khawh tiah CDF-Kanpetlet nih an thanh.

CDM a rak tuahmi palek cu CDF-Kanpetlet nih tangka laksawng an pek hnu ah himnak hmun ah an kuat tiah theih a si.Thechinlandpost