Myanmar News

Thawngpangthar: Kna pasaltha hna nih Riithai sii in chawletmi minung 5 an tlaih mi hna an langhter

Kawlin Peng, Ah Rithaisii In Chawlehthal Naak Tuah Mi 5 Mipi Ralkap Nih An Tlaih Hna. December 7 | 2023 Kawlin peng ah rithaisii in chawlehthal naak tuah mi minung 5 mipi ralkap nih an tlaih hna tiah NUG cozah nih an langhter. December 6, ah rithaisii he pehtlaih in chawlehthal naak tuah mi minung 5 hna cu mipi ralkap nih

rithaisii he an tlaih hna caah a herh ning in hremnak pek ansi lai tiah theih a si. Rithaisii in chawlehthal naak tuah tu hna minung 5 cu Kawlin peng mipi ralkap Pah Kah Phah, peng tlang mipi vengtu Pah Kah Phah le tualchung mipi humhak tu Pah Kah Phah phufonh nih an tlaih hna tiah kan theih.

CDF-Mindat Le MTC/MCF Cu Ṭangṭi In Ral Kan Dohṭi Lai Tiah Hmunkhat Ah Cathanh An Chuah. 7 December 2023 Chin hriamtlai phu CDF-Mindat le Maraland Territorial Council cu nuhrin covo laak ṭhan ding in le a dikmi ramkhel a chuah ṭhan nakding ca ah ṭangṭi in hmunkhat ah ral kan dohṭi lai, tiah nihin December 7 ah thanhnak an tuah. Hramhram in nawlngeihnak a latu SAC uknak ṭha lo a hram bongh ding ah CDF Mindat le MTC/MCF cu a luancia November 30 ni thawk in kaphnih ṭuanṭi ding kong biachahnak an ngei. Cu pin ah hramhram in

nawlngeihnak latu SAC uknak ṭha lo telh in zeibantuk uknak paohpaoh a si ah mahte khuakhan lairelnak he tlukruannak kalpi in biaknak le miphun he aa pehtlaimi vialte cu a hmasa ah chia lem lo in nuhrin covo laak ṭhan ding kha a biapi ah chia in a dikmi ramkhel a chuah khawh ṭhan nakhnga ca tu ah ṭangṭi in hmunkhat ah ral kan dohṭi lai, tiah an cathanh ah cun an langhter. A luancia zarh chung ah CNA/CNF hrihhawhnak in tuahmi Chinland Council tonpumhnak zong ah CNC-Mindat/CDF Mindat cu kan i tel lai lo, tiah Chin hriamtlai dang phu 2 hna he cathanh an rak chuah.

Kokang Hmunhma Kahdohnak Chung Ah Ralkap MOC No. 12 Brigadier General A Thi. 2023 December 7 — Shan ram chaklei, Kokang hmunhma kahdohnak chung ah ralkap MOC No. 12 bawicem Brigadier General Aung Zaw Lin a kah i a thi tiah MNDAA nih an thanh. MNDAA nih Kokang hmunhma chung ah aa thup mi ralkap bawi ngan le ralkap pawl an fim lengmang hna i ralkap MOC No. 12 bawicem Brigadier General Aung Zaw Lin zong an fim khawh tiah theih a si. Kokang hmunhma ah

a tang mi ralkap pawl cu MNDAA nih December 6 ah an fim thluahmah hna i a thi mi ralkap ruak pakhat an hmuh, cu ruak cung ah Brigadier General rank hmahthahnak an hmuh caah a thi mi hi MOC No. 12 bawicem Brigadier General Aung Zaw Lin a si tiah an fehter i amah hi ralkap University Batch 41 ah a dih mi a si tiah Khit Thit nih a langhter

Phungbuar Ruang Ah Thong Rak Thlakmi Ralkap Hlun Vialte Cu Chuahter In Ralkap Ah An Luhter Ṭhan Hna. 7 November 2023 Hramhram in nawlngeihnak a latu SAC uknak tang rianṭuantu lakah phung buar ruang ah thong thlak a tong mi ralkap hlun vialte cu nihin December 7 ah an luatter dih hna i cu luattermi thongtla pawl cu an rank kaiter in ralkap ah an luhter ṭhan hna, tiah Khit Thit Media nih a ṭial. Nihin December 7 ah Min Aung Hlaing nih phungbuar ruang ah thong a rak thlakmi cu a luatter ṭhan hna i, a zaammi hna le zulhphung a zul duh lomi hna pinah rianṭuan chung ah

ralkap phung he aa kalh in khuasak a hmangmi vialte cu a chuahter dih hna. Thonginn in chuahmi ralkap hlun pawl cu luatnak an hmuh ni thawk in ralkap ah luh colh an si. Ralkap ah lut duh lomi cu a taang rihmi an sualnak he fonh in dantat an si lai, tiah an langhter. Luatnak pekmi thongtla pawl cu tualchung mi bantukin aa umtermi ralkap pawl nih anmah le an umnak zung cio ah an kalpi hna i rank kaiter in hriamnam an tlaihter colh hna. Cu thongtla chuak pawl cu

hriamnam he mipi lak ah umter an timh hna, tiah Khit Thit Media nih cun a langhter. Thong chuakmi ralkap pawl cu zeibantuk phung hmanh nih a hren ti hna lo pin ah zalennak an pek cangmi an si bantukin sualnak a phunphun an tuah ding a fian ruang ah tualchung mi zong umkal ṭhutdir i ralring cio ding in thanhnak an tuah. Min Aung Hlaing nih luatnak a pekmi ralkap hlun pawl cu 1,000 leng an si lai, tiah ralkap chung thawngpetu nih an chim.