A tam taktak: Chin miphun mintthat tertu UFC Fighter Joshua Van nih CNF/CNA ca ah dollars phaisa hi zat bak a pek

A sunglawi taktak Vawlei cung minthang UFC  tthuatnak ah aa telmi  Joshua Van cungah lawmh a um taktak .Joshua Van nih kan miphun dohthlennak a tuah cuahmah mi hna CAN ralkap hna hman awk caah Motor Saikel a ttha taktakmi cawknak caah  US Dollar $2,500 bak a hlut hna tiah kan theih. Tutan Chin Miphun Ralkap a simi CNA caah

nun siang taktak in le dawtnak taktak in chawva a pek mi cung ah Chin miphun dihlak kan I lawmh tuk hringhran. Joshua Van cu tulio ah vawleicung pi nih kan/an theih mi a si lengah, UFC aa tthuatnak ah voihnih teinak a hmu cang. Kan Miphun nih kan i uangthlarmi Joshua Van, CNA caah na chawva na pekchanh mi cungah Bawipa nih a thar in thluachuahnak in pe chin ko seh. Hmailei zong ah teinak hmu chin lengmang tiah thla kan in campiak.

Falam Khuapi Ah SAC Ralhrang Nih CNDF Ralkap Pakhat An Tlaih! November 16 | 2023 Chin ramkulh, Falam khuapi, Cinmual sang ah November 17, zanlei suimilam 3:00 hrawng ah Chin National Defence Force(CNDF) ralkap pakhat cu SAC ralhrang nih an tlaih, tiah tualchung mi hna nih an chim. “CNDF ralkap pathum hrawng an si i, Falam khuapi Cinmual sang um siangsangrun No.2 lamcung ah SAC ralhrang pawl he hmaitonh in an i tong i

hnulei kir ṭhan in zaam an i timh lio ah SAC ralhrang pawl nih meithal an puah i pakhat cu an tlaih. A dang pahnih cu an zaam kho. Tlaihkhih a tongmi pakhat cu meithal hliamhma a tuar le tuar lo kan thei kho lo. Falam khuapi um SAC ralhrang sakhan pi ah an kalpi” tiah tualchung mi pakhat nih Zalen ah a chim. SAC ralhrang thawngzamhnak Telegram nihcun

” Misual a thimi ruak pakhat kan hmuh i kutcheh bomb 1, Drone battery 1 le CNDF hmelchunhnak aa telmi luchin 1 zong kan laak chih” tiah an langhter. Hi kong he pehtlai in nunnak liammi an um le um lo cu ṭuanvo ngeitu phu hna nih thawngthanhnak zeihmanh an tuah rih lo nain thlaihkhih a tong timi tu cu ṭuanvo ngeitu hna sin in theih a si. Crd: Lungmili Post

Kalay Peng Nanchaung Khua Pawng Ah SAC Ralhrang Le Pyusawhti 2 Hriamnam He An Tlaih hna Novemver. 19 | 2023 Sagaing ramṭhen, Kalaymyo peng, Nanchaung khua pawng ah a luan ciami November 15 lio ah SAC ralhrang 1 le pyusawhti 1 cu hriamnam he an tlaih hna pinah 5 nih hliamhma an tuar, tiah No.1 Military Region nih

thawng an thanh. “November 15 zing ah Nanchaung khua lei ah rallam sialmi ralhrang pawl cu kan kahdoh hna i SAC ralhrang lei in Major Aung Ko Hkant telh in 5 nih hliamhma an tuar. Ralhrang lei an faak ngai caah nulei an pil ṭhan. Hliam a pumi pawl zong hnulei ah an pil pi hna. Tlaihkhih a tongmi ralhrang 2 hna hi hnulei zong ah an pil ngam ti lo caah hmunhma zohfelnak kan tuah lio ah atu bantuk in kan tlaih hna hi a si” tiah kahdohnak ah aa telmi mizapi ralkap pakhat nih Zalen ah

a chim. SAC Major Aung Ko Hkant hruaimi Khah-lah-yiah 228, Ṭhah-pah-yiah 934 le pyusawhti thazaang 17 hna fonh in ralsial mi ralhrang pawl cu Special cawlcang mi (Military Region), Tualchung Pah-kah-phah, TCDF, RKDF, EFDF, HNB ṭangṭi phu hna nih kan kah hna caah Major Aung Ko Hkant telh in 5 nih hliam an tuar i, 2 kan tlaih hna pinah meithal zuun 2 le kuanfang 64 zong kan laak khawh chih, tiah a chim chap.

Bia fiang theih si cang: Chin Star Hi Min Aung Hlaing Fanu Nih A Dirhmi A Si..November 19 | 2023 Min Aung Hlaing Fanu nih Chinstar cu a dirh i, Salai arak simi John Lungthli Tum cu riantuan tu men ah arak hmanmi men a si. Myanmar, Ramchung Mino pawl vialte hi mipi ralkap ah lut kho hna hlah sehlaw hlasak le

nuamhnak in um hna sehlaw, mipi thazaang vaivuan seh tiah hmuitinhnak he tuahmi asi tiah, Pu Khua Uk Lian(CNF) nih Vaurawng ah a chim. Hi thil tuahnak hi, SAC ralhrang lei he pehtkai in, rianṭuan ṭinak a si caah kan duh lo tâktak mi a si tiah, Pu Khua Uk Lian (CNF) nih pehchap in a chim.

Shan-Karenni Ramri Um SAC Sakhan Laak Kahdohnak Ah KNDF Ralkap 3 An Nunnak A Liam. September 19 | 2023 Shan ramkulh le Karenni ramkulh ramri ah a ummi Set-taw-ya tlang cung ah SAC ralhrang nih umhmun an khuarnak sakhan laak kahdohnak ah Karenni Nationalities Defence Force(KNDF) battalion 11 in ralkap 3 an nunnak a liam, tiah theih a si. Aluan ciami November 15 ah KNDF B/11 in ralkap Aka Aung, Pan Sein Aung le

San Myint Htay hna cu SAC ralhrang sakhan laak kahdohnak ah ram le miphun caah an nunnak an pek, tiah KNDF battalion 11 nih ngaihchiatpinak cathanh an chuah. Nunnak liammi pasalṭha 3 hna cu Karenni Nationalities Defence Force(KNDF) ralkap nih upatnak kan in pek hna i taan taakmi chungkhar hna zong kan in ngaihchiatpituk hna, tiah cathanh an chuahmi ah an langhter.