Myanmar News

A poi tuk ee; kan pasaltha hna caah dollars in hriamnam meithal tampi cu SAC Ralhrang nih an tlaih dih ee

Kaya Ramkulh Ah Kuat Dingmi Meithal Le Zen-Kuan Kan Tlaih Tiah SAC Nih Thanh. 18 Nov 2023. Kaya ramkulh um hriamtlai phu sinah kuat dingmi hriamnam le zen-kuan kan tlaih, tiah SAC nih nizan November 17 ah an thanh i Tuluk ser hriamnam zong aa tel, tiah an langhter.  Shan ramkulh thlanglei Panglong peng chung ah Kaya ram i kuat dingmi hriamnam cu kan tlaih i RPG telh in kutcheh bomb lung 1,000 leng, bomb kuan phun tling 7,000 leng le a dang hriamnam le

zen-kuan tampi kan tlaih. Type-81 rifle meithal zun 100 leng zong aa tel i hi hriamnam hi hmun pakhat in an chuahpi mi a si, tiah SAC nih cun an thanh.  SAC chimphuannak nawlngeitu Zaw Min Htun nih cun, “hriamtlai phu hna an hnu lei ah EAO phu an um ti cu a fiang ko. A bawmchantu hna hi EAO an si. Tangka lei in ramdang ummi hna nih

an bawmh hna,” tiah a chim.  SAC nih hriamnam an tlaihmi hi SSPP/SSA uniform aa hrukmi 10 sinin an tlaih hna, tiah theih a si. Atu lio hi Shan ramkulh chaklei, Kachin ramkulh, Sagaing ramṭhen, Chin ramkulh, Rakhine ramkulh, Kaya ramkulh le Karen ramkulh ah SAC ralkap, tlangcung hriamtlai le PDF kar kahdohnak a zual ngaingai.  SAC ralkap he kahdohnak ah aa tel lomi hriamtlai phu hna hi Tuluk-Myanmar ramri um Wa, Mongla, SSPP/RCSS le Pa’O hriamtlai phu hna an si.

Yetashi Peng Ni Hnih Chung Kahdohnak Ah SAC Ralbawi Pakhat Telh In Ralkap 27 An Thi. 18 November 2023 Bago ramṭhen Yetashi peng, Pihtaukkone khuakomh, Yetashilay khua le Pitaukkone khua thlanglei ah ni hnih chung kahdohnak a chuak i SAC ralkap ralbawi pakhat telh in ralkap 27 an thi, tualchung hriamtlai phu in minung 3 an nunnak a liam ve, tiah Taungngu pengkomh tualchung hriamtlai phu in ṭuanvo ngei pakhat nih Yangon Khit Thit Media ah a chim. Nihin November 18, zinglei 5:00 hrawng ah Yetashi peng Yitashilay khua le Pitaukkone khua thlanglei ah

hmunram thianhfelnak a tuahtu tualchung hriamtlai phu le SAC ralkap kar kahdohnak a chuak i kaphnih kar kahdoh lioah vanlawng le hriamngan in ralkap pawl cu kahdoh an bawmh hna, tiah theih a si. Cu pin ah Swa khua Khah-Mah-Yah 19 ralkap nih 120mm hriamngan in voi hra hrawng kah an bawmh hna, Kaetuhmani khuathar van ralkap hna nih MI 35 in zinglei suimilam 10:00 hrawng ah seh meithal he voi 2 kahdoh an bawmh ve hna, raltuknak vanlawng in zinglei suimilam 11:00 hrawng ah bomb le seh meithal he voi 3 kah an bawmh hna, tiah theih a si. Cu kahdohnak ah cun

SAC ralkap Khah-La-Yah 84 ralbawi pakhat telh in ralkap 27 an thi i hliam a pumi an tam. Tualchung hriamhlai phu lei i minung 3 nih an nunnak an pek i a cheu hliamtuar an um ve, tiah theih a si. Yitashi peng chung kahdohnak a fah ruang ah tualchung mi 500 tluk cu ral an zaam. SAC ralkap nih hriamngan le vanlawng in kahdohnak an tuah ruang ah kum 5 ngakchia pakhat telh in tualchung mi 3 hliam an tuar i inn a rawkmi zong a tam ngai, tiah theih a si.

November 14 ni zaan sml 11:50pm ah Falam peng Tibual camp cu CNDF nih cun an nam tthan i November 15 ni zing sml 4:30am ah camp chung an luh hnawh khawh. SAC ralkap nih Camp cu an November 14 ah an zaam tak caah camp cu an lak. Cu camp ahcun SAC Ralhrang nih an i phurh khawh lomi chia MA 1 meithal zuun 4, MA 3 meithal 1, 60mm kahnak 2,le Bomb a ttha mi pawl  RPG kuan 65, 40 mm 180, 60mm 72, kut cheh bomb 63, Jammer 1, 5.56 kuan 16252, 7.62 kuan 8100, ke lamh mine 51,

mine bomb 23, Inaka 80 le hriamnam dangdang kan lak khawh tiah CNDF nih cun an langhter. Camp lak kahdohnak ah SAC ralkap a thi theih si lo aruang cu Ralhrang cu India ram an kal dih ruang ah, Camp chung um mi hriamnam kan lak dih hnu ah camp cu kan khangh ta dih tiah an langhter chap. CNDF an DS nih Ralhrang cu Mizoram Saikhunphai ah a va thlah hna tiah an chim. Tibual in Mizoram hi meng 4 hrawng ai hlat I, Ralhrang hi ramri phak ding ah CNDF Headquarter a umnak Leilet khua ram lei in an lut tiah theih a si.

Zualko. Kan Chin miphun chung in Nitlaklei Melbourne Chin community in kan bochanmi kan nu pakhat Rev. Dr Nguri nih 17 November 2023 ah hi Vawlei harnak in a kan dinh tak. A Ruak thlahnak ding hna cu a hnu ah thawng kan rak i thanh than te lai. Rev. Dr. Nguri hi kan Laimi nih kan bochan taktak  mi CNF CC member a si mi

Saya Pa Hmun (tleicia) a thaisung a si. An nupa in kan Chin miphun nih kan bochan tuk mi an si lio ah hi bantuk in an kan liam taak tuan caah kan ngaih a chia hringhran. Tantaakmi chungkhar hna Bawipa kan PATHIAN nih in hnem hram ko hna sehlaw. Kan miphun ning in kan sungh a si ee