Warning ……..PDF Nih Ralhrang Cu Faktuk In Warning Apek Cang

Ni hnih chung ah phone le internet line nan hon than lo ahcun pehtlaihnak tower vialte kan hrawh lai tiah Kani PDF nih Ralhraang Council an thanh hna

October 18, 2021Sagaing ramthen Kani peng ah MPT, Telenor le Ooredoo phone line le Internet line an phih mi cu ni hnih chung ah honpiak than ding in Kani PDF nih nihin, Oct 18 ah cathanh an chuah. Internet line an kan honpiak lo ahcun Kani peng chung ah a um mi Pehtlaihnak Tower tung poh kan hrawh dih lai, tiah Kani PDF chungtel pakhat nih a chim.

May be an image of outdoors

“Zahan ah Call Center vialte kan chawnh dih hna, kan chimh dih cang hna. Cunglei ah kan in chimpiak hna lai an ti. Oct 18-19 chung i an hon lo ahcun Telenor Tower tung pawl a herh ning poh in kan tuah lai” tiah a chim.  Kani peng chung ah September 12 in SAC ralhraang nih Internet line an phih tiah khuami nih an chim. Myanmar ram chung ah internet line phih mi peng 27 an si cu chung ah cun Sagaing ramthen in peng 7 aa tel.

Hmanthlak ca: Sagaing ramthen chung ah PDF nih tower pakhat bomb in an hrawh lio

adang………Kachin National Organization Chairman Covid-19 In Nunnak Liam

Kachin National Organization (KNO) Chairman simi Duwa Bawmwang La Raw cu Covid- 19 zawtnak in a nunnak liam tiah KNO nih a thanh. Duwa Bawmwang La Raw cu Covid zawtnak ruangah England ram Bedford Sii-in ah ai thlop i Nizaan (Oct 16) chun slm12:00 hrawngah a nunnak a liam hi asi. KNO Chairman Duwa Bawngwang La Raw thihnak kong he pehtlai in KIO/KIA hruaitu Bochoh Gun Maw zong a facebook ah Kachin ca in a ngeihchiatnak ca a ttial.

Kachin National Organization (KNO) cu 1999 ah Kachin ramkhel phu pakhat si dingah rak dirhmi Organization pakhat asi. CHPH le Kachin Political Interim Coordination Team(KPICT) nih kaphnih lungtlinnak in Kachin Cozah serding timi Statement an chuah hnu June thla ahkhan Kachin Cozah ser dingah Kawl miphun phu pawl he i komh le rianttuan tti hau loin Kachin mizapi le ramkhel phu lawng nih kan ser lai tiah Statement a rak chuah colh ve. Cun June thla chung tthiam ah KNO nih Special Battalion (108) an dirhnak kong an rak thanh nain KIO/ KIA nih a rak cohlang lo. Ref: RFA

adang ……ASEAN Meeting Ah Min Aung Hlaing Sawm Lo Ding Timi Cu ASEAN Chairman Nih A Fehter Cang, Thlennak A Tuah Hlan Cu ASEAN Meeting Ah Sawm Ti Lo Dingin Indonesia Nih A Chuahpi: October 26 in 28 tiang tuah dingmi ASEAN Meeting ah ralhrang  hruaitu Min Awng Hlaing cu sawm lo ding tiah biachahnak cu Oct 16, tuni ah ASEAN chairman a tuanlio mi Brunei ram nih fehternak a tuah cang.

Oct 15, nizaan ah tuahmi ASEAN ramleng vuanci hna online tonnak ah ASEAN hnatlaknak  l phun 5 hna cu ralhrangbu nih pakkhat hmanh a zulh lo caah, Min Aung Hlaing cu ASEAN meeting ah telnak nawl pek lo dingin biakhiahnak an tuahmi cu ASEAN ram hna nih an lungtling cio tiah theih a si.

Indonesia ramleng vuanci nih cun ralhrangbu nih thlennak a tuah hlan chung poah cu SAC ASEAN meeting ah telnak nawl pek ti lo dingin biatung a chuahmi cu midang zong an lungtling cio tiah theih a si.

thawngdaang….Kan kap hlah u, tiah loudspeaker in an au nain an kah thiam hna. October 15| Mindat le Matupi kar lam rawk mi remh ah a kal mi SAC ralkap cu nihin 12:00 PM hrawng ah an kah thiamthiam hna, tiah kan theih. An kah hna nak hi Lemro tiva pawng ah a si i nizaan October 14 khan Matupi in Mindat lei ah kal aa thawh mi an si, tiah khuami nih an chim.

Hi kong ah SAC ralkap pawl nih October 12 zaan ah, “Matupi le Mindat kar lam a cim mi kan remh lai. Lamsuul umkalnak tha seh tiin remh kan i tim. Cucaah, nan kan kah lo ahcun kan in kap ve hna lai lo i khuate pawl zong ah khuami harnak kan pe hna lai lo. Kan kap hlah ulaw,” tiah loudspeaker in an au tiah Matupi khuami nih an chim. Atu hi  Lemro tiva pawng Chanpian khuathar hrawng ah hriam ngan he meithal he a thawng theih thluahmah a si, tiah kan theih.#PhotoCrd  The Hakha Times

thawngdaang;; Zei tik hmanh ah lungdawngh hmang lo mi miphun kan si. Kan pipu chan in miphun le ram daw mi kan si. Kan Chinland, kan miphun caah kan pu tar, kan fa nau le aho hmanh ram chung um mi khuate lei ai thawh kho mi poh an i thawh dih. Miphun pi in dohthlenak kan tuah. Atak in i pek nak kan tuah. Atu zong kan miphun ah, kawl miphun cung ah aum bak lo mi ralhrang hna nih tuk dohnak an kan um cang. A thi le hma pu zong, IDP in um mi zong kan tam pi.

May be an image of 4 people, people standing, military uniform and outdoors

Chinland chung i bu kip hriam tlai kan tang ti dih kan i fun dih atu tluk in Chin miphun kan i fun um bal lo. Chim le rel hau tuk lo in tuan le tuah sernak in vewlei pi le kawl pawl theih in kan tun ko. Amahbal cheu khat kan biaknak hruaitu pawl le khua nu khua pa ralhrang nih an hman hna. An i thei lo mi hi apoi tuk kan ti. Atu dohthlenak hi kan mi phun ah hnu bik siseh kan ti. Hnu kan i mer lai lo. Hmai ah thih ngah in kan kal lai, a thei lo mi kha theih ding in cawn pek caan asi ti lo.

Ralkap nih mizapi fahnak an pek ahcun dai tein kan um ve lai lo tiah CNF/A nih chim - The Hakha Post

Athei lo mi zong hnuh chinh i kan kal lai, mipi ral lawng si lo sehten ral kan do ti in kan kan kal pi ko. Chin ai ti mi poh chim le rel si lo in mah le ti khawh nak in itel coi ko uh. Ralpi thawh lio ah ai hnul sul mi zong, inn lo rawk zong a rawk mi an um lai, a thi mi zong um lai. Tei hlan tiang kan kal pi ko lai” tiah CNF/A Solomon ThangDing nih CCN ah a chim.