VSC Pesident Salai Thawng nih Sianginn ah Chin Flag Raltha tein an hmannak Ruang a Langhter Cang (VIDEO)

Chin State CDF/CNA Nih Nawl Angeihnak Hmunhma Fimcawn nak Sianginn Ah CHIN FLAG An Zaar Hna. Hi kong he pehtlaiin Vanzangtlang Sianghngakchia Chungkhar president Salai Thawng he biaruahnak tuah a si. Video a tanglei ah a um lai. 

Chin state chung CDF/CNA pawl nih hmunhma an lak nak ke nawl an ngeihnak fim cawnnak sianginn kip ah CHIN miphun kan flag cu ALAAN ah an tar hna. Abik in MINDAT le Thanthlang peng CDF/CNA uknak hmunhma ah minung thong in sianginn cachimh nak tuah asi.

Cu ahcun Chin flag cu Zohdawh ngai in Alaan ah an taar hna. Vanzangtlang Sianghngakchia Chungkhar president Salai Thawng nih raltha tein Chin Flag an hmannak ruang a langhter. Video hi van zoh.

Video hi van zoh:  https://fb.watch/aGcGzg9CN1/

Video Credit: Suimilam Media.

Ralhrang Tangka Hmuhnak Phihkhar Piak Dingin Total Company An Lungtling: France zinan company Total nih ralhrangbu dantatnak ah tiin zinan le gas zuarnak in an hmuhmi tangka tampi cu ralhrangbu sinah phakter lo dingin an lungtling cang tiah Human Right Watch (HRW) nih Jan 20, nizan ah cathanh an chuah.

A luancia mi Jan 18 ah khan TotalEnergies company nih HRW sinah a kuatmi ca chungah zinan le gas in hmuhmi tangka hna cu ralhrang sin phakter loin dantat phihkharnak tuah dingah France le US cozah upa hna he an chawnhbiaknak le US le European Union nih dantat phihkharnak tuah dingin biakhiahnak an tuah ahcun Total company zong nih kan zulh ko lai tiah an langhter.

Myanmar ramchung i zinan le gas in hmuhmi tangka hna cu ralhrang sin phakter lo dingin TotalEnergies le nuhrin covo phu hna nih an lungtlin cang caah US le European Union zong nih a herhning in biakhiahnak tuah ding caan lak a herh ti lo tiah HRW i Director John Sifton nih a chim. Total company hi 1990 in Myanmar ah nizan le gas cawh rian an rak thawk. Cu rian in an hmuhmi tangka hna cu Myanmar cozah ta a simi Myanma Oil and Gas Enterprise (MOGE) sinah an pek.

France zinan company Total cu US zinan company Cheveron le MOGE he i bawm in rian an ṭuanṭi, asinain kan hnulei ah khan zinan le gas in an hmuhmi zatuak 80% cu Thailand cozah ta a simi PTT company sinah an zuar. PTT cu South Korea company POSCO he i bawm in China sinah an pek ve tiah HRW nih an cathanh ah an langhter.

Ralhrangbu nih cun zinan le gas zuarnak in kumtinte US dollar billion pakhat renglo an hmuh peng. Atu Total nih dantat phihkharnak a tuah a si ahcun an tangka hmuhnak zeimawzat a zor lai. Total nih dantat phihkharnak tuah dingin biakhiah a tuahmi hi Myanmar ram chung i zinan le gas cawh rian a ṭuanmi company dang le Thailand company PTT zong nih i zohchunh ding an si tiah HRW nih an cathanh ah an ṭial. Source: The Chin Post.