Uico Ralhrang Nih Kum 12 Hngakchia Pa te An Kahthat.Aruak Zong An Char khawh Cang!

Sagaing ramthen, Khin Oo (ခင်ဦး)peng ah pafa pahnih hna cu ralhrang phu nih an kah hna ruangah kum 12 mi a fapa te cu a nunnak a liam tiah khuami hna sin in theih a si. Nizan January 6 ni chun suimilam 1:35 hrawng ah Khin Oo (ခင်ဦး) peng le Thit Gia (သစ်ကြား)khua kar ah ralhrang, Police, Pyo Saw Htee pawl aa fonh mi phu hna nih pafa hna cu meithal in an rak kah hna i, a fapa te cu an khen i meithal kuanhma he cycle cung in cun a tla. “Meithal kuan nih a khen i a tla mi ngakchia pa ruak cu nihin January 7 ah an va char,” tiah khuami hna nih an chim .

Ngakchia pate ruak cu an hmuh tikah, a kehlei taang ah meithal kuan hma a um i, a kut pahnih i sihchih bu tein a nunnak a liam, tiah theih a si. Cu pafa pahnih hna cu SweBo(ရွှေဘို) in Khin Oo(ခင်ဦး) leikuang hna ah Zu cep tunh ding in an kal, tiah theih a si. Ralhrang hna nih lamhlat pi in an rak kah hna tikah cycle cu rangpi in an mawngh i an zaam lio ah ngakchia pa te cu meithal kuan nih a kheen.Cu pafa hna a kaptu ralhrang phu cu hriamnam i bochan in Khin Oo (ခင်ဦး)peng Kaan Thit(ကံသစ်) Khua ah mizapi ngeih mi facang hramhram in a hlep dihtu ralhrang phu an si, tiah khua mi pakhat nih a chim.

Credit: The Chin Post! (Mizzima)