Tuzing PDF Le Uico Ralhrang I Kahnak Thawngpang UPDATE.

Kahmai PDF Nih Rallokap Gate An Kah Rallokap 4 An Thi Kachin ramkulh,Phakanh peng,Kahmai khuapi luhnak rallokap gate cu PDF hna nih tuzing suimilam 7:00 am ah Bomh in an puah hna i rallokp minung 4 an ti tiah theih a si.

Zing suimilam 6:39 hrawng ah gate chung ah bomb in an cheh hna tiah theih a si a puak ti cu a dikmi a si,am zong an kan on piak ko hna aho a si ti tu cu kan thei lo tiah min langhter lo khua mi pakhat nih a chim.

Phakanh peng ah rallokap le KIA an i kap i rallokap nih hriamngan in an kah hna nak ruang ah July 15 ah khan Phakanh peng Kahmai lam cung ah khua sa mi Saifara khua mipi 6 hliam an tuar.

Credit : The Chin Post

(RELCHAP) Kawng Thet Zaw Tulio Ngandamnak Lei a Sining TV ah kan hmuh zungzal mi biachim thiam ,caantlai tawn tu Kawng Thet Zaw cu a lung fim in a holh kho pah cang tiah theih a si.

“Facebook chung ah a thi cang tiah thawng a chuak mi cu thawng dik lo a si.Tu bantuk khuacaan le thawng that lo lio ah thawng dik lo ,mithin lung nuamh lo nak ding in Facebook ah tar hi cu a tha lo, an tar mi zong share len ding si lo ” tiah Kawng Thet Zaw a hawi si mi Ko Phoe Ni nih a chim.

Kawng Thet Zaw cu tu lio a ngandamnak sining hi thaizing cun center in sizung ah thial a si lai, a cuap a that lo caah conghhramh a hau rih tiah theih a si.Kawlram ah biachim thiam i,a aw ngeih a nuam tuk mi Kawng Thet Zaw hi a luancia mi ni tlawmpal ah khan cuap phin zawtnak ruang ah sii ai thlop tiah theih a si.

Thawngdang.Mandalay Ramthen Rallokap Chiarman U Mg Ku cu Covid-19 in A Zaw Mandalay Ramthen Rallokap Chiarman U Mg Ku cu covid -19 in a zaw i Mandalay ah conghramh lio a si tiah theih a si.

U Mg Ku cu July 21 chun suimilam 3:00 hrawng ah zawtnak phuntling conghramhnak Sizung ah a phan i a ngandam lo nak an check hnu ah pumhlai nak khan (2) Ihkhun No 1 ah a um tiah theih a si.Mandalay ah Covid zawtnak mit hmuh in a karh i a thi mi hi nikhat ah minung 100 hrawng a si tiah Runvennak lei riantuan tu sin in theih a si.

Credit : The Chin Post