Tunai Aung Myint Thang Catial Cu A Tha Kho Tak Tak Si.

ZEICADAH JESUH NIH A RAT TTHAN LAI NAAK CAAN HI A HNGALH HNGA LO? (Matt. 24: 36)

Jesuh cu Pathian asi (Johan 1: 1-2). Pathian cu zeizong hngaldihtu (Omniscient) asi. Hmailei i asi dingmi zong khi a hngalh dih. Jesuh nih hmailei ah asi dingmi, a rat tthannak caan hi zeicadah a hngalh hnga lo? “Jesuh hi zeizong hngalmi Pathian asi lo maw?” timi hi ruah awk tlaak ngai ah ai cang. Aruang cu:

(1) Jesuh cu Pathian asi ko nain minung ah ai can caah minung takpum in a um chung kha cu Pathian asinaak power kha amah duhning in a hmang lo. Pa Pathian nih tuahnaak nawl a peekmi lawng kha a tuahmi asi. Pa nawlngaihnak kha 100 ah 100 in a tuah. Pa cung ah ai tangdornaak kha a langhter. Cucaah Pa nih chimternaak nawl a peek lomi a rat tthannak ni le caan hi Jesuh nih theih ai zuam lo, chim le phuan zong hi ai timhmi asi lo.

(2) Zultu hna duhning in Jesuh nih a rat tthannaak ni le caan hi rak kan chim selaw, Khrihfa hi kan sual taktak hna hnga. Bianabia ah, Jesuh nih October 20 2021 ah ka ra te lai rak ti sual selaw, Khrihfa vialte hi kan hna a ngam dih hnga i October 19 2021 hlan vialte cu sualnaak le nuamhnaak lawngte kan tuah hnga i Sehtan duhning lawngte in khua kan sa hna hnga. Biakinn a fuhmi zong kan um hnga lo, thla a cammi zong kan um hnga lo, thawhlawm a thomi zong kan um hnga lo, ai pummi zong kan um hnga lo. Zu le sa, nu le pa nuamhnaak in caan hman dih asi hnga.

October 19 2021 ni thawkin biakin ah kan kal dih hna hnga i sualchirnaak le rawlulhnaak lawngte in caan kan hmang hna hnga. Biakin a pal bal lomi zong nih khan khuk kan bil hna hnga i thla kan cam dih hna hnga i a piangthar cemmi kan lo hna hnga. October 19 2021 hlan kha Sehtan he diriam cikcek in kan i kom hna hnga i October 19 hnu lawngin Pathian fa kan si tiah kan thanh hna hnga.

Jesuh rat lai theih lawng ah biakin a fuhmi minung lawngte vancung i kan kai sual ahcun vancung ah misual an khat hnga. Vancung khua hi mi depde pennaak asi hnga. Vancung khua hi mifir, mirureu khua asi hna. Jesuh rat lai ni le caan kan hngalh lo bu hmanh in minung hi kan sual tuk vasikaw, Jesuh ratlainaak ni hi rak hngal chinchin usih law, Jesuh ratnak ni, ni khat ai duh lawng ah zu le sa hi minung nih kan kal taak hna hnga. Heaven must be the kingdom of thieves, the kingdom of liars and the kingdom of hypocrites.

Credit : Aung Myint Thang