Thawngpang Tha: PDF nih Sakhaan Thar an lak Chap Than

PDF nih Pyu Saw Htee sakhaan an lak, kutser meithal le zenthong tampi an lak. January 21, 2022, Taningtharyi ramthen, Dawei pengkomh, Launglone peng, Kayinkyi – Kanpani khua i Pyu Saw Htee sakhaan cu Launglone PDF nih kan laak tiah an thanh.

January 20 zaan suimilaam 11:30 ah Launglone PDF le DDT phu fonh nih an luh hnawh hna i kap hnih kahdohnak a chuak. PDF lei hliamtuar kan um lo tiah an chim.

Pyj Saw Htee sakhaan an laak mi ah kutser meithal zun ruk, M-16 zenthong 100 hrawng, keypad phone pathum, motorcycle panga, namte panga kan laak tiah an thanh.

Ref. Khit Thit Media.

Miphun Ralkap Nih Tidim Peng Hiangzing Khua Ralhrang 15 An Thah Hna. Kalay-Hakha lampi kam ah a ummi Tidim peng Hiangzing khua ah umhmun a khuarmi ralhrang hna cu Jan 21, zinglei 1:00am hrawngah CDM Siyin, PDF Zoland, CNA, Kalay PDF-3, Kalay PDF-8, Kalay PDF-9, People Defense Army (PDA), Zongam Army le CDF KKG-2 nih an kah hna i ralhrang 15 an thi i hliam a tuarmi an tam. Miphun ralkap lei in mining pahnih kuan nih a hliam ve hna, asinain thinphan ding a si lo tiah Civic Defense Militia – CDM – Siyin nih an thanh.