Tedim peng i Ralhrang Helicopter in a zuangmi cu a Parachute aa samh khawh lo caah Horkuang ah a Tla diam.

Tedim peng i aummi Kennedy Tlang i Ralhrang pawl parachute in an tum i Ralhrang pakhat aa chuahsual i horkuang ah a tla. Tedim peng i aummi Kennedy tlang ah Ralhrang 12 hna cu tuni January 19 khan helicopter in parachute in an zuang hna i minung pakhat a thi tiah theih a si.

Tuni suimilam 1:30pm luan hrawng khan Ralhrang pawl hi helicopter in an parachute he an zuang. Ralhrang pakhat cu a tumnak Parachute rian a tuan khawh lo ruang ah horkuang ah a tla diam. Ralhrang pawl nih hin an hawile pawl thilri pek timh ruang i a tummi si dawh an si. Ralhrang dang pawl hi Tedim ah um dawh an si.

CDF hruaitu pakhat nihcun ” Thiltom pi he an rak ttum,Hi Ralhrang camp hi chuak kholo in thla 3 kan hren hna kan kulh dih cang hna caah din ei awk an ngei tilo,ti zong tlangtang ah ttum in an than kho tilo i a zaammi an tam caah din ei he ralkap thazang chap oah he an rak thlak hna asi lai” tiah a chim.

Kawl ralkap nih Hluttaw Palai Pu Ral Hnin inn an chuh, Chinram ah inn 4 an chuh cang hna.Chin Ramkulh Falam peng NLD Hluttaw Palai Pu Ral Hnin inn cu Kawl ralkap nih January 19 zing ah kan chuh cang, tiin ca an benh/tar. Aluancia 2021 October 30 lio ah Dr. Salai Lian Hmung Sang (Federal Affairs Minister-NUG) a inn (Hakha CHRO zung) zong an rak chuh. Cun, 2021 November 2 lio ah zong ah Hakha Cawbuk Sang um Rev. Van Cem in siseh, 2022 January 12 ah CNLD Hluttaw Palai Pu Siang Mang in (Hakha Cherry lam sang) zong an chuh.

Kalaymyo peng Sanmyo um Pyithu Hluttaw Palai Daw Siami inn le Kalaymyo peng Hlaingthayar um Ramthen Hluttaw Palai Daw Thant Wai Kyaw inn hna zong an chuh hna, tiah kan theih. Source: The Hakha Times.