Surkhua Father Cu Biakamnak Phun 4 He CDF Hakha Nih An Thlah Than Cang.

Surkhua Father cu biakamnak phun 4 he CDF nih an thlah than, ni 3 chung ah Surkhua in aa thial cang lai.

CDF-Hakha nih July 26 ah Surkhua Father Noel Hrang Tin Thang le Dumva Pastor Clement Cung Hnin cu August 4 zaan, 10:00 PM hrawng ah an thlah hna, Father cu biakamnak phun 4 he thlah a si tiah kan theih.

Father biakamnak cu; (1) Father Noel Hrang Tin Thang nih SACP phu he pehtlaihnak ngeih lo ding.

(2) Ningcanglo in CDF-Hakha kong lenglei ah chuahter le thawngpang pek lo ding.

(3) Hakha ah Father Noel Hrang Tin Thang hi a rian thial ding.

(4) Tender a lak mi tuan lo ding ti an si.

Hi kong ah, Biaknak thleidannak ruang siseh, Father a si ruang ah siseh, tlaih mi an si lo. SAC phu he pehtlaihnak a ngeih ruang tu ah a si. Social Media ah duhpoh in ca kan tialpiak hlah u, tiah CDF nih cathanh an rak chuah. Cun, Global Surkhua zong nih, Ngandamnak lei ah tuanvo an khinh mi a sinak, cu he pehtlai in Hakha a kal lei ah an rak tlaihnak pawl cathanh an rak chuah bal ve.

Credit : The Hakha Times