Salai Lungthli Tum Nih Pu David Ngaisak, Pu Ceu Bik Thawng le Pu Zam te pawl A Phomh Cang Hna.

Salai Lungthli Tum nih Pu David Ngaisak, Pu Ceu Bik Thawng le Pu Zam te pawl a phomh than cang hna. A biate cu a fak kho taktak si. Mah ti hin a phomh hna, “Pu David Ngaisak, Pu Ceu Bik Thawng le Pu Zam te pawl tulio an hmur an cip, nain thimnak a um than ahcun an aw thang bik than hoi te lai.” tiah a phomh hna.

(Zahan A Tial Mi) Laitlang ah siibawi tam deuh CDM an tuah caah siizung a um ti lomi dirhmun ah kan um. Atu lio Mizoram le India ah tihnung deuhmi Covid zawtnak phunkhat a karh chin, a thimi ruak khangh cawk an si ti lo caah tiva zong ah tampi an hlonh hna.

Hi virus tihnung hi kan Laitlang zong ah Mizoram in a rak lut ve te lai, ramri ah quarantine um ti lo caah rau dawh si ti lo. Siibawi lo le siizung rep ngei loin Covid ral nih a kan den chap te ding ruah tikah lung a pit. Pathian tu nih lairel te hram ko seh.

Credit : Salai Lairamthang

(RELCHAP) Note : May ni 9 ah khan Laimi pa pakhat nih SAC palik pawl Nawi ah a kalpi hna i Pu Tler Ling le a hawile pawl hi nawi ah an va tlaih mi hna kha an si. Laipa bak nih a unau le a miphun hawi Laipa pa2 bak a thah ti khawh a si. Hi Laipa a tlaihter tu hna hi Dalan dik tak a si. A mah ruang ah kan Laipa pa2 bak nunnak a liam hi cu lung a fak tuk hring hran ko. 

SAC Ralkap nih tlaih in hrem ruang ah Hakha ah minung 2 an thi

Hi thawngzamca i an langhter ning ah Pu Tlir Ling le Pu Bwwi Aa cu an damlo ruang ah Kalay ah kalpi an si i, zaanlei suimilaam 2:00 ah Pu Tlir Ling cu a thi. Cun Pu Bawi Aa zong zaanlei suimilaam 2:45 ah a thi ve tiah an langhter.

An langhter ning ah Pu Tlir Ling le Pu Bawi Aa cu ralkap nih an tlaih hna hnu ah Pu Tlir Ling hi thi kai a ngei mi a si i Pu Bawi Aa zong cuap lei zawtnak a ngei mi a si. Cucaah, Hakha sii-inn ah kalpi an si hnu ah an tha deuh lo i Kalaymyo Ralkap sii-inn ah lanpi an si hnu ah an thi tiah an langhter.

Cun ralkap nih Pu Tlir Ling hi COVID-19 zawtnak a ngeih ca ah Kalay ah mei in kan khaangh tiah an chim. Pu Bawi Aa belte a ruak zeitin an tuah le khoika a um theih a si rih lo.

Pu Tlir le Pu Bawi Aa hi Nawi anmah lo ah an va tlaih mi hna an si i, an tlaih hna a thaizing ah an thih hi a si.

Credit : The Hakha Times