RIP : Ralhrang Nih Sii Zohkhenhnak An Pek Duh Lo Caah A Nunnak A Liam.

Mikin thonginn ah ralhrangbu nih Sii zohkhenhnak an pek duh lo caah nu pakhat a nunnak a liam.Sagaing ramthen Mikin ah ralhrangbu nih a ruang umlo in an tlaih mi nu pakhat cu thonginn chungah sii zohkhenhnak an pek duh lo ruangah a nunnak a liam.

A nunnak a liammi nu hi Phua Cho, sipin komiti hruaitu hlun a si.Aruang umlo in an tlaihmi a si.A luancia ni 2 hrawng ah a damlio ruangah sii-inn kai dingin nawl a hal nain an pe duh lo ruangah Mikin palek thonginn ah a nunnak a liam.

Amah hi zunthlum a ngei mi a si.Sii-bawi nih sii a pek duh lo caah thonginn ah a kuat than. Sii-inn a phanh hnu tlawmpal ah a thi mi a si.

Phua Cho hi ralhrangbu nih 505 (B) in tazacuai dingah a luancia thla 2 hrawngah an hren mi a si.A thihnak kong he pehtlaih in Covid-19 ruangah a si tiin sii-bawi le sa-khan-hmu nih thawng diklo an thanh hna tiah theih a si.

Credit : The Chin Post