RIP : Chin Mi Chung In Hlasakthiam J.Mal Sawm Tluang Nih Aa Kan Thih Tak.

A poi tak tak. Tutan thawngpang kan theih mi cu a poi tak tak si. Chin mi chungin hlasakthiam ngai ngai simi J.Malsawmtluanga nih ruah lo piin aa kan thih tak hi a si. Thawngpang kan theih ning ahcun hlasakthiam J.Malsawmtluanga hi Tahan khualipi ah Covid 19 zawtnak in a thi tiah theih a si.

Hlasakthiam J.Malsawmtluanga hi Tahan E Group ah khuasa mi a si. Pi.Hlupuii pasal a si. A hlasak lar ngai mi “Phengphekhua A Tlai Zo Ta” timi hla a saknak in a minthang mi a si. Bawipa nih a nupi le fale umpi ko hna seh.

Source : MSR

(RELCHAP) AA nih June 16 le 17 ni 2 chungin ralhrangbu bawi hna telin an tlaihmi minung 23 an thlah than hna tiah theih a si. Minung 6 hna cu June 16 ah Myauk-o peng Kyaukkyat khua ralhrangbu kut ah an pek hna.

A dang 17 hna cu June 17 ni ah Butitaung peng Teitaungpyi khua Tatmah 22 tang LIB 210 tatyinhmu Lt.Col. Aung Zaw sin ah an pek.

An thlahmi chungah 2019 october thla 26 ah Sittwe in Butitaung lei a kal mi Shwenadi tilawng ah an tlaihmi 58 lakah 14 an i tel, nikum ah kan thlah mi hna he cun kan sin ah a ummi an um ti lo tiah AA chimnak nawlngei Khaing Tu Khat nih a chim.

Atu bantuk an tlaihmi hna an thlahnak kong he pehtlaih in Khai Tu Kha nih “kaphnih kan i chawnh hnuah an rak don hna i kan thlah piak mi hna an si, kan i pehtlaihnak ah thanchonak pakhat zong a si” tiah a chim.

Rakhain ramah kahdaihnak hi a tu thla 7 a si cang. AA le ralhrangbu hruaitu cheukhat chawnhbiaknak an ngei pah lengmang tiah theih a si i, March 11 uknak latu ralhrangbu nih AA cu ralhrangbu si nak in a zuh piak hna.

Cu hnuah ralhrangbu nih AA hruaitu Bochok Tun Mya Naing naupa le a naunu le a naunu pasal hna telin ralhrang upadi he tlaihmi tampi a thlah piak hna hnuah AA lei zong nih atu bantukin an tlaihmi hna an thlah piak ve hi a si.

Credit : The Chin Post