Rev.Dr.Tuan Peng Thang Chim Mi Cu A Tha Kho Tak Tak.

Laimi nih kan i bochan ngaingai mi Rev.Dr.Tuan Peng Thang biachim mi cu a tha kho taktak si. Thazaang tampi lak khawhnak a si. Mah ti hin a chim , “Pathian le kan ramle miphun caah tiin tuan caan a si. Kan ram nih Baal hmai ah a kun rih lomi kan herh tuk caan a si.” tiah a chim. Cu lawng si loin..

Mah ti hin a chim rih, “Zumhnak ngeih timi cu Pathian dai tein aum caan zong i zumh khi si ko.” tiah a chim.

Zahan nai deuh a rak tial mi hi van rel law law , “Vanthatnak le Lawmhnak lawng naa ruahchan i vanthatnak le lawmhnak hna hi vanchiatnak le ngaihchiatnak chung in a rami an si ti na hngalh chih lo ahcun, pum nganh in na nganh ko lai.”

Credit : Rev.Dr.Tuan Peng Thang

(RELCHAP) Ralhrang Nih Khangh Mi Kinma Khua Bawmhnak Caah Miss World Myanmar Nih Alu Chin Zuar Timh

Ralhrangbu nih an khangh mi Kinma khua bawmhnak caah Miss World Myanmar 2018 2nd runner up Ya Mone nih a miss luchin cu me zuh in ka zuar lai tiah online in a thanh.

Kawl phaisa kyat sing 30 man miss luchin zuarnak ah me pakhat hi kyat 10000 in me 300 ka tuah lai, a caw duhmi cu a mah facebook chat box in chawnh khawh a si tiah a thanh hnu suimilam 12 chungah me 200 a zuar khawh.

Ya Mone hi mi bawmhchanhnak lei ah a pe ngai mi asi bantukin tuan tein zuar ka duh ngai cang ko nain mi buaibai harsat cio lio pi a si caah a rem tuk lo. Atu belte cu a herh taktak mi pawl bawmh ka duh caah tu hi me zuh in ka zuar mi a si.

Me ka zuar dih in online-live in me on nak ka tuah te lai.
Magwe ramkulh Pauk peng Kinma khua hi kan hnu June 15 ah ralhrangbu nih an khangh piak mi hna khua a si.

Inndong 250 hrawng ah inn 30 hrawng dah ti lo cu a kangh dih hlei ah a tlizaam kho ti lo mi tar hna zong mei nih a kang hna.

Credit : The Chin Post