Rev. Aung Myint Thang Chim Mi Cu A Tha Kho Tak Tak.

A KAN KHAMH CANG, A KAN KHAMH LIO, A KAN KHAMH LAI

“Pathian nih a kan khamh cang, a kan khamh lio i a kan khamh lai” timi hi ruat tti hna usih.

(1) A KAN KHAMH CANG (GOD HAS SAVED US) : Jesuh cu mi vialte caah a thi cang i Pathian nih kan sualnaak vialte cu a kan ngaihthiam cang. Sualnaak a ngaihthiam cangmi hna cu thiam a co ter cang (Phil. 3:1-11). Cucu Mirang holh in “forgiveness and justification” ti asi. Thiamcoternaak (justification) cu sualngaihthiamnaak (forgiveness) in a rami asi.

Sualngaihthiamnaak ahrampi cu Jesuh thihnaak le thawhtthannaak asi. Cucu zumhnaak in kan cohlan tikah khamhnaak (salvation) cu kan co. Asinain khamhnaak hi hika tiang lawng hin a dong lo. Von rel chap.

(2) A KAN KHAMH LIO (GOD IS SAVING US) : Mi tampi nihcun khamhnak (salvation) hi sualngaihthiamnaak le thiamcoternaak le cohlannaak lawng hin a dihmi ah kan ruah tawn (Phil. 3:12-14). “Salvation is not just the past act of God but the progressive act of God as well” timi hi asi. Pathian nih kan khamh cang hna, nan sualnaak kan ngaihthiam cang hna, nan duh poh in nung cang uh a kan ti lo. Ni fatin minung hlun sinaak le titsa duhnaak cu pakhat hnu pakhat in a kan holh piak lengmang rih. Sual duhlonaak le sual huatnaak nun in a kan tthan ter lengmang. Tukforhnaak kha ni fatin tei khawh a kan cawnpiak rih. Cucu sanctification ti asi i vawlei cung kan nun chung vialte a dong kho lomi khamhnaak asi.

(3) PATHIAN NIH A KAN KHAMH TE LAI (GOD IS GOING TO SAVE US) : Pathian nih a thimmi hna cu a auh hna, a auhmi hna cu thiam a co ter hna, thiam a co termi hna cu a sunpar ter hna (Rom 8: 30). Pathian nih a kan khamh chan cu hell mei chung in kan luat lawng hi siloin sualnaak tuah lo in um hna seh, mi thlamtling ah i cang hna seh ti hi asi (Phil. 3:15-21). Cucu glorification ti asi. Sualnaak tuah duh loin kan ummi hi kan sunparnaak cu asi. Vawlei cungah sualnaak tuah lo in um hi Pathian nih a kan duhmi asi. Cucu Khrih khamhnaak nih ai tinhmi cu asi. Cucaah kan i cawnpiak lengmangmi zong hi asi. Asinain vawlei cung ahcun titsa in kan nun caah 100 ah 100 kan tlinh kho lo. Asinain Vancung kan kai tik ahcun sualnaak loin kan um te lai. Khamhnaak nih ai tinhmi vialte cu kan tlinh dih te lai.

Therefore, justification is achieved, sanctification is progressive and glorification is ahead in the entirety of God’s salvation dimensions.

Credit : Aung Myint Thang